I. Petit poisson

L'Homme Obstiné.

Ne ramenez à mon mémoire Les faitz passez , il ne m'en chault ; Je doy avoir en fin victoire.

Soubz mon hault timbre l'auditoire Tout1 tremblera. Mais il me fault Monstrer trahistre , subtil et cault ; Se trahison on ne machine Nous serons surprins en sursault.

Peuple Ytalique.

Je vous prie , regardez là hault.

L'Homme Obstiné.

Qu'esse ?

Peuple Ytalique.

Pugnicion Divine.

L'Homme Obstiné.

Ma puissance n'est pas faillie :

A tout gouverner suis commis.

Peuple Ytalique.

Vous souvient il que en Ytallie , Pour pugnir nostre grant follie Flagellum Dei fut transmis.

Se François ne sont voz amys , De brie/tumberez en ruyne.

Levez les yeulx ; il est permys Que hors d'icy serez desmis.

L'Homme Obstiné.

Qu'esse ?

Peuple Ytalique.

Pugnicion Divine.