Génois

Moralité. 249

Ainsi que ung vieil cheval, je vueil hennir,

Il me semble que je doy rajeunir,

Et que au monde seray tousjours durable.

Peuple François je feray misérable,

Car contre luy suis si fort indigné , [able ' .

Que transgloutir le vouldroye comme ung

Regardez moy, je suis l'Homme Obstiné.

Prince Bacus par art medicinable , A mon museau si bien mediciné Que pers le sens; j'ayme bien longue table. Regardez moy, je suis l'Homme Obstiné.

Peuple Ytalique.

Je suis en doubte tous les jours, Mes trahisons sont en decours ; Je ne sçay de quel pied dancer.

L'Homme Obstiné.

On me joue de sy subtilz tours, Qu'on abbat mes chasteauix et tours ; Parquoy fault à mon cas penser.

Je puis pardonner, dispenser, Je maulditz ; quant je vueil je absoubz.

Peuple Ytalique.

Temps est de ce propos cesser L'Homme Obstiné; il faut laisser Obstination , oyez vous.

Helas ! helas ! nous sommes tous En dangier, en ce territoire.

Monstrez vous humble, courtois, doulx; Nous avons estez bien secoulx Des François , il est tout notoire.