Selon tes désirs

2. Sans doute, en quelque sorte, et pourtant je n'en suis "s trop certain.

Moralité. 259

Et donner sur vous les sentences Qu'estes plain de discrétion.

Mais...

Ypocrisie.

Quel mes?

Peuple François.

Vostre intention N'est pas telle comme vous dictes :

Vous usez de déception Et faites plus de exaction Que les Seigneurs. Vous contredictes A raison et choses licites ; Se d'aventure y accordez, Vous alléguez les loix escriptes Au contraire. Ha ! chatemittes !

Je sçay bien que en riant mordez!

Pugnicion Divine.

De voz meffaitzvous recordez, Autrement je vous pugniray :

Peuple François , se n'entendez A vous corriger, et tardez Tant soit peu, je me courceray Et si asprement frapperay Sur vous , que jusq'à la racine De voz membres vous navreray.

Peuple François.

Velà Pugnicion Divine.

Pugnicion Divine.

Dieu vous envoyé des biens mondains Plus que vous n'avez deservy :

Force avez de vins et de grains , Et de péché estes si plains

260 Gringore.

Que c'est pitié. Dieu mal servy Est de vous. Jamais je ne vy Dedans l'Eglise tant de foulx.

Peuple François.

Ypocrisie, el parle à vous.

Pugnicion Divine.

Le père fait guerre à son filz ' Et veult mettre scisme sur terre; Pour ce cas j'en ay desconfitz, Toutesfois , jamais je ne fis Ne n'entreprins si dure guerre Que je feray. Fault il qu'on erre Contre Dieu ! c'est maulvais propos.

Peuple Ytalique.

L'Homme Obstiné , note ces motz.

Pugnicion Divine.

Sans amour, sans fraternité Le peuple veult aujourd'huy vivre; Quant est d'amour et charité Plus n'y en a, en vérité.

Nul le droit chemin ne veult suyvre, Mais gens pervers hanter, ensuyvre, Qui corrompent justices, loix.

Symonie.

Entens à toy, Peuple François.

Pugnicion.

Vous voyez les sainctz Sacremens Estre venduz par gens d'Eglise; Hz prennent leurs esbatemens

i . On comprend facilement que le père est le pape Jules II, et le fils Louis XII.

Moralité. 261

D'aprecier enterremens, Baptesmes ; c'est erreur commise Vicaires fermiers ', l'entreprise Desplait à Dieu; notez le tous.

Peuple François.

Symonie, elle parle à vous.

L'Homme Obstiné.

Pour cela ne suis en esmoy; A ses ditz je ne pense point; Symonie , acollez moy.

Symonie.

Toute vostre suis , par ma foy.

L'Homme Obstiné.

Vous estes venue bien à point ; Quant je vous voy le cueur m'espoint*.

Symonie.

Je suis à vous, la chose est telle.

L'Homme Obstiné.

Je vueil, pour final contrepoint, Puis que le ver coquin ? me point, Tenir tout le monde en tutelle

Je ne sçay d'où vient la cautelle :

L'Eglise mect son estudie A avoir biens , qui que en grumelle ; Brief, tout sera tantost à elle Puis qu'il faultque je le vous die.

1. C'est une erreur que de faire des vicaires les fermiers des cures ou des sacremens; un tel système déplaît à Dieu.