Bat vivement
j . Ce qui rend l'homme colérique et extravagant.
262 Gringore.
Peuple Ytalique Ypocrisie et Symonie Sont cause , comme je ymagine , Que on voit Pugnicion Divine.
Peuple François.
Mais d'où vient maintenant la guise Que prestres ont des chamberières Qui les chandelles de l'église Vont vendre ? C'est toute faintise ; Au moins cela ne me plaist guères.
Peuple Ytaliqjje.
Nous voyons en toutes manières Que l'Eglise est practicienne '.
Le Peuple François.
Ses servans font de bonnes chières Et des choses irregulières; Promesse n'y a qui s'y tienne.
L'Homme Obstiné.
Il faut que le peuple soustienne L'Eglise, Justice et Noblesse.
J'ay grant peur qu'il ne nous advienne Du mal beaucop.
Ypocrisie.
Il fault qu'on tienne Désormais à Dieu sa promesse.
Ha! Peuple François, cesse, cesse
1. Sans doute, aimant les procès, ou se livrant à des ruses de procureur. Praticienne peut aussi signifier avare, R. de Collerye dit parfois : je n'ai rien pratiqué, je n'ai rien gagné.
Moralité. 26$
De commettre maulx, je te prie; Confesse toy à Dieu, confesse ; Ton orgueil oultrageux délaisse , Ou ton ame sera perie.
Peuple François.
Que ne laissez vous Symonie Qui vous fait faire maintz forfaitz ?
Foy que doy la Vierge Marie , Soubz umbre de bigoterie , Vous faictes pis que je ne fais.
Ypocrisie.
Peuple François , de ce te tais , Ta langue sans cesser babille.
Peuple François.
« Ve , ve , ypocrite tristes ! »
Sainct Jehan le dit en l'Evangille; Rien ne faictes qui soit utille Fors rapiner et amasser.
Peuple Ytalique.
Ypocrisie est difficille.
En secret mainte femme et fille Fait par dessoubz ses mains passer.
Les Démérites Communes'.
Vous n'avez cause de tencer, Faictes accord et paix ensemble.
Il vous convient à moy penser, Quant vous vouldrez Dieu offencer.
Dictes tous que de moy vous semble.
1 . On comprend que cet acteur personnifie les fautes communes aux trois personnages qui sont en scène.
264 Gringore.
L'Homme Obstiné.
En effect , ceste cy ressemble A mes Démérites.
Peuple Ytalique.
Vrayment , El ressemble certainement A mes Démérites.
Le Peuple François.
Aussi Il me semble advis que vecy Mes Démérites en personne.
L'Homme Obstiné.
Noz Démérites, je m'estonne De les veoir icy, fin de compte.
Les Démérites.
Quelque chose qu'on en blasonne, Ou qu'on en babille ou sermonne , Ce suis je; avez vous de moy honte ?
Peuple Ytalique.
Le sang au visaige me monte Quant je vous voy ainsi tachée.
Peuple François.
Qui l'a ainsi enharnachée ?
Peuple Ytalique.
Noz Démérites, qu'est ce cy ?
Vous avez allégué ung syl !
1 . Si étoit quelquefois substantif dans le sens de condition; c'est dans cette acception qu'il paroît être pris ici. Peutêtre aussi le personnage qui remplissoit ce rôle avoit-il un sy inscrit sur quelque partie de ses vêtemens.
Moralité. 26$
Les Démérites.
J'ay tousjours ung sy, voirement, Je vueil bien que vous le sachez :
L'Homme Obstiné paisiblement Vivroit en paix, et sainctement, Sans commettre sy grans péchez, Dont plusieurs en sont empeschez,
Qui offencent Dieu et la Loy
Peuple François.
Sy ne fust ?
Les Démérites.
Qu'il faulce sa foy.
L'Homme Obstiné gouvemeroit Tresbien l'Eglise militante ; La Grâce Dieu luy ayderoit; Honneur à chrestiens feroit, Et seroit sa vertu puissante , Et sa saincteté florissante En son magnifique abitacle...
Symonie.
Sy n'estoit quoy ?
Les Démérites.
Symonie.
L'Homme Obstiné auroit cueur sain , Et si trouveroit les moyens Laisser son vouloir inhumain, Dont il est si enflé et plain Que lyé est d'aspres lyens; Au peuple feroit plus de biens Que je ne pense ne discerne
Ypocrisie.
Sy n'estoit ?
266 Gringore.
Les DEMERITES.
Que ung Juif le gouverne.
Peuple Ytalique ne sercit Point destruit , on lui feroit grâce ; Le Roy à mercy le prendroit, Et à le saulver entendroit , Posé qu'il luy ait fait fallace ; Pardon auroit en peu d'espace
Non obstant sa folle entreprise
Symonie.
Se n'estoit ?
Les Démérites.
L'erreur de Venise.
Peuple François seroit plaisant A Dieu , et au Roy agréable , En toute vertu florissant Et feroit maint cas admirable; Dit seroit peuple raisonnable;
Dieu le prendroit à bonne fin
L'Homme Obstiné.
: S?il n'estoit ?
Les DEMERITES.
A péché enclin.
Religion acquerroit bruit; Saincteté seroit exaulcée ; L'Eglise feroit ung grant fruit; Le peuple seroit bien instruit , Erreur confundue, abaissée, Ingratitude délaissée,
Charité des humains choisie
Peuple François.
Si ce n'estoit ?
Moralité. 267
Les Démérites.
Ypocrisie.
La divine pugnicion Menace le peuple Ytalique Pour ce que par déception Le Chesne umbrage le Lyon" Remply de usure et de trafique.
Peuple François.
L'Homme Obstiné est erronique, On le congnoist à peu de pause.
Peuple Ytalique.
Las ! noz démérites sont cause , Comme j'entens , de tout cecy, Car ilz ont à la queue ung sy.
Pugnicion Divine.
De voz démérites ostez
Ce sy de la queue en brief temps,
Ou vous serez de tous costez
Assaillis, de ce ne doubtez,
J'en ay les mandemens patens.
Peuple François , à toy entens ,
Et ostes de tes démérites
Ce sy, affin que Dieu ne irrites.
Le Peuple François.
Princes , Seigneurs , qui Testât de noblesse Entretenez par pompe et hardiesse, Voz démérites font de vous jugement; Pugnicion les plus hardis rabaisse.
Ostez ce sy qui vostre ame tant blesse
l. Le chêne représente ici le Pape Jules M, et le lion, nise.
Venise.
268 Gringore.
Qu'en danger est d'en souffrir grief torment. Vous ne povez perpétuellement Estre au monde où tout mal s'enracine ; Helas! craignez Pugnicion Divine.
Peuple Ytalique.
0 justiciers, le peuple à vous s'adresse! Las ! faictes tant que la justice oppresse Les malfaicteurs ; traictez humainement Les povres gens qui ont peu de richesse ; Leur povreté supportez , et foiblesse ; Voz démérites nectoyez prudamment :
Ostez ce sy qui fait incessamment Troubler l'esprit et tumber, et ruyne ; Helas! craignez Pugnicion Divine.
Peuple François.
Prelatz devotz, que Symonie on laisse ! Ypocrisie vault pis que une dyablesse ; Avec bigotz ne hantez nullement ; A voz curez monstrez la vraye adresse De gouverner vostre peuple en simplesse ; Pourvoyez ceulx qui ont entendement Et ne baillez aucun gouvernement A cesasnes, mais dure discipline; Helas! craignez Pugnicion Divine.
Ypocrisie.
Bourgois, marchans, je vous prie qu'on laisse Toute usure, et avarice cesse, Car ilz rompent corps , ame , entendement ! Ceulx qui veullent rabesser par finesse Monnoye et or, corrigent leur rudesse ! Du peuple sont maulditz cruellement; Ostez ce sy qui est incessamment
Moralité. 269
A vostre queue , le monde s'en mutine ; Helas! craignez Pugnicion Divine.
Pugnicion Divine.
Ne prenez tant de plaisir, de lyesse Auxbiensmondains,que ' Christ on ne confesse Estre vray Dieu , fort , sapient , clément ! Faictes Pitié vostre intercesseresse , Grâce Divine sera vostre maistresse , Mais que ce sy ostez hastivement; Se le laissez avec vous longuement Sur vous viendray par ung merveilleux signe.
Peuple Ytalique.
Helas ! craignez Pugnicion Divine.
Pugnicion Divine nous menace, Par quoy devons cryer à Dieu mercy.
Noz démérites ont à la queue ung sy, Je vous supplie à trestous qu'on l'efface.
