Les salles de plaidoiries du Cliàti'lct

ŒUVRES DIVERSES. . 3o9

Tout plein de gens, de bruict et de tumulte; Parquoy avec ma guyde je consulte , En luy disant :

(( Dy moy, s'il t'en souvient, D'où, et de qui, et pourquoy ce bruict vient. » Si ' me respond :

(( Sans croyre le rebours, - Sçache qu'icy sont d'enfer les faulxbourgs. Où bien souvent s'eslève ceste feste Laquelle sort, plus rude que tempeste.

De l'estomach de ces gens que tu vois , Qui sans cesser se rompent teste et voix Pour appoincter^ fauk et chétifz humains , Qui ont débatz, et débatz ont heu maintz.

Ilault devant eulx le grand Minos ^ se sied , Qui sur leurs dicts ses sentences assied. C'est luy qui juge, ou condamne, ou defïend , Ou taire faict, quand la teste Itiy fend.

Là les plus grands, les plus petis destruisent: Là les petiz peu ou point aux grands nuisent, Là trouve l'on façon de prolonger Ce qui se doibt et se peult abréger; Là sans argent paouvreté n'a raison :

Là se destruict mainte bonne maison.

Là biens sans cause en causes se despendent ; Là les causeurs' les causes s'entrevendent.