LIBER IV

Protenus aerii mellis cœlestia dona Exsequar. Hanc etiam , îMaecenas , adspice partem. Admiranda tibi levium spectacula rerum , Magnanimosque duces , totiusque ordine gentis Mores, et studia, et populos, et praelia dicam. In tenui labor ; at tenuis non gloria , si quem Numina lœva sinunt, auditque vocatus Apollo.

Principio sedes apibus statioque petenda , Quo neque sit ventis aditus , nam pabula venti Ferre domum prohibent ; neque oves hœdique petulci Floribus insultent, aut errans bucula campo Decutiat rorem, et surgentes atterat herbas. Absint et picti squalentia terga lacerti Pinguibus a stabulis , meropesque, aliseque volucres ; Et manibus Procne pectus signata cruentis. Omnia nam late vastant , ipsasque volantes Ore ferunt dulcem nidis immitibus escam.

At liquidi fontes et stagna virentia musco Adsint , et tenuis fugiens per gramina rivus , Palmaque vestibulinn aut ingens oleaster inumbret ; Ut , quum prima novi ducenl examina reges