CHAPITRE XX
Comment Thaumaste racompte les vertus et scavoir de Panurge.
Adoncques se leva Thaumaste, et ostant son bonnet de la teste, remercia ledict Parurge doulcement. Puis dist à haulte voix à tonte l'assistance : « Seigneurs, à ceste heure puis-je bien dire le mot évangélique : £é
ecce plus quam Salomon hic. Vous avez ici un thrésor
incomparable en vostre présence : c'est monsieur Pantagruel, duquel la renommée me avoit ici atliré du fin fond d'Angleterre, pour conférer avecques lui des problèmes insolubles tant de magie, alchimie, de cabale, de géomantie, d’astrologie, que de philosophie : lesquels j'avois en mon esperit. Mais de présent je me courrouce contre la renommée, laquelle me semble estre envieuse contre lui, car elle n’en rapporte la milliesme partie, de ce qu'en est par efficace. Vous avez vu Comment son seul disciple m’ha contenté et m'en ha plus dict que n’en demandois : d'abundant m'ha ouvert et ensemble solu d’aultres doubtes inestimables. En quoi je vous peulx asseurer qu’il m'ha
ouvert le vrai puits et abysme de encyclopédie, voire
en une sorte que je ne pensois trouver homme qui en sceust les premiers éléments seulement : c’est quand nous avons disputé parsignes, sans dire mot ni demi. Mais à tant je rédigerai par escript ce que avons dict et résolu, afin que l'on ne pense que ce ayent esté moqueries, et le ferai imprimer affin que chascun y apprenne comme j'ai faict. Donc povez juger, ce que eust pu dire le maistre, vu que le disciple ha faict telle prouesse : êar non est discipulus super magistrum.
« En tout cas Dieu soit loué, et bien humblement vous remercie de l'honeur-que nous avez faict à cest acte. Dieu vous le rétribue éternellement. »
Semblables actions de graces rendit Pantagruel à toute l'assistance, et de là partant mena disner Thaumaste avecques lui, el croyez qu'ils burent à ventre desboutonné (car en ce temps-là on fermoit les ventres à boutons, comme les collets de présent) jusques à dire : « D’ond venez vous ? » Saincte Dame, comment ils tiroient au chevrotin! et flacons d'aller 4 et eulx de corner : « Tire, baille, page, vin! boutte de par le diable, bouttel » Il n'y eut cellui qui ne bust vingt cinq ou trente muids. Et scavez comme? sicyf terra sine aqua {1}, car il faisoit chauld, et d'advantage s'estoient altérés. Au regard del’exposition des propositions mises par Thaumaste, et significations des signes desquels ils usarent en disputant, je vous les exposerois selon la relation d'entre eulx-mêmes : mais l'on m'ha dict que Thaumasie en fait un grand livre imprimé à Londres, auquel il déclaire tout sans rien laisser : par ce je m'en déporte pour le présent (2).
(1) Comme la terre aride.
(2) Tout ce chapitre est une raillerie dirigée contre la
prétendue science des Signes et des Nombres enseignée ar l'Anglais Beda. Sd EE
