CHAPITRE XIX
Comment Panurge feit quinault l’Anglois, qui arguoit par signes.
Adoncques, tout le monde assistant et escoutant en bonne silence, l'Anglois leva hault en l’aer les deux mains séparément , clouant toutes les extrémités des doigts en forme qu'on nomme en chinonnois, cul de poulle, et frappa de l'une l’aultre par les ongles quatre fois, puis les ouvrit : ainsi à plat de l'une frappa l'aultre en son strident une fois, derechef les joignant comme dessus frappa deux fois; et quatre fois derechef les ouvrant. Puis les remit joinctes et estendues l'une jouxte l’aultre, comme semblant dévotement Dieu prier. Panurge soubdain leva en l'aer la main dextre, puis d’icelle mist le poulce dedans la narine d'icellui costé, tenant les quatre doigls estendus et serrés par leur ordre en ligne parallèle à la pinne du nez, fermant l'œil gausche entièrement, et guignant du dextre avec profonde dépression de la sourcille, et
paulpière. Puis la gausche leva hault, avecques fort
serrement et extension des quatre doigts et élévation du poulce, et la tenoit en ligne directement correspondante à l’assiète de la dextre , avec distance entre les deux d'une coubdée et demie. Cela faict, en pareille forme baissa contre terre l’une et l’aullre main : finablement les tinton milieu, comme visant droict au nez
de l'Anglois. |
« Et si Mercure, » dist l'Anglois. Là Panurge interrompt disant : « Vous avez parlé, masque. » Lors feist l’Anglois tel signe : la main gausche toute ouverte il leva hault en l’aer, puis ferma au poing les quatre doigts d'icelle, et le poulce estendu assit sur la pinne du nez. Soubdain après, leva la dextre toute ouverte, et toute ouverte la baissa joignant le poulce au lieu que fermoit le petit doigt de la gausche , et les quatre doigts d'icelle mouvoit lentement en l'aer. Puis au rebours feit de la dextre ce qu'il avoit faict de la gausche, et de la gausche ce que avoit faict de la dextre. Panurge , de ce non estonné, tira en l’aer sa trismégiste braguette de la gausche, et de la dextre en tira un transon de coste bovine blanche, et deux pièces de bois de forme pareille, l'une-d’ébène noir, l’aultre de bresil'incarnat, et les mist entre les doigts d'icelle en bonne symmétrie; et les choquant ensemble, faisoit son, tel que font les ladres en Bretagne avecques leurs cliquettes, mieulx toutesfois résonnant et plus harmonieux : et de la langue contracte dedans la bouche fredonnoit joyeusement, tousjours regardant l'Anglois.
Les théologiens, médicins, et chirurgiens pensarent que par ce signe il inféroit l'Anglois estre ladre. Les conseillers , légistes, et décrétisites, pensoient que ce faisant il vouloit conclure quelque espèce de félicité humaine consisier en estat de ladrerie, comme jadis maintenoit le Seigneur. L'Anglois pour ce nes’effraya, et levant les deux mains en l’aer, les tint en lelle forme que les trois maistres doigts serroit au poing, et passoit les poulces entre les doigts indice et moyen ; et les doigts auriculaires demouroient en leurs estendues : ainsi les présentoit à Panurge, puis les accoupla, de mode que le poulce dextre touchoit le gausche, et le doigt petit gausche touchoit le dextre. À ce, Panurge sans mot dire leva les mains, et en feit tel signe: de la main gausche il joignit l’ongle du doigt indice à l'ongle du poulce, faisant au milieu de la distance comme une boucle, et de la main dextre serroit touts les doigts au poing, excepté le doigt indice, lequel il mettoit et tiroit souvent par entre les deux autres susdicts de la main gausche ; puis de la dextre estendit le doigt indice et le milieu, les esloignant le mieulx qu'il povoit, et les tirant vers Thaumaste : puis metloit le poulce de la main gausche sus l'anglet de l'œil gausche, estendant toute la main comme une aile d'oiseau,
ou une pinne de poisson, et la mouvant bien mignonnement de çà et de là ; aultant en faisoit de la dextre sur l’anglet de l’œil dextre.
Thaumaste commencea paslir et trembler, etlui feit tel signe : de la main dextre il frappa du doigt milieu contre le muscle de la vole, qui est au dessoubs le poulce, puis mist le doigt indice de la dextre en pareille boucle de la senestre ; mais il le mist par dessoubs, non par dessus, comme faisoit Panurge. Adoncques Panurge frappe la main contre sus l'aultre, et souffle en paulme : ce faict met encores le doigt indice de la dextre en la boucle de la gausche, le tirant et mettant souvent; puis estendit le menton, regardant ententivement Thaumaste. Le monde, qui n’entendoit rien à ces signes, entendit bien qu'en ce il demandoit sans dire mot, à Thaumasle : « Que voulez-vous dire là ? » De faict Thaumaste commencea suer à grosses gouttes, et sembloit bien un homme qui fust ravi en haulte contemplation. Puis s’advisa, et mist touts les ongles de la gausche contre ceulx de la dextre, ouvrant les doigts, comme si ce eussent esté demis cercles, et eslevoit tant qu'il povoit les mains, en ce signe.
À quoi Panurge soubdain mist le poulce de la main dextre soubs les mandibules, et le doigt auriculaire d'icelle en la boucle de la gausche, et en ce point faisoit sonnerses dents bien mélodieusement , les basses contre les haultes.
Thaumaste de grand ahan se leva ; mais en selevant feit un gros ped de boulanger {car le bran vint après), et pissa vinaigrebien fort, et puoit comme tous les diables. Les assistants commencearentse estouper le nez, car il se conchioit d'angustie ; puis leva la main dextre, la clouant en telle facon qu'il assembloit les bouts de touts les doigts ensemble, et la main gausche assit toute pleine sur la poictrine. À quoi Panurge tira sa longue braguelte avecques son floc, et l’estendit d’une coubdée et demie, et la tenoit en l’aer de la main gauche, et de la dextre print sa pomme d'orange, et la jectant en l’aer par sept fois, à la huictiesme la cacha au poing de la dextre, la tenant en hault tout coi ; puis commencea secouer sa belle braguette, la monstrant à Thaumaste.
Après cela, Thaumaste commencea enfler les deux joues comme un cornemuseur, et souffloit comme s’il enfloit une vessie de porc. A quoi Panurge mist un doigt de la gausche au trou du cul, et de la bouche tiroit l'aer comme quand on mange des huistres en escaille, ou quand on hume sa soupe; ce faict, ouvre quelque peu de la bouche, et avecques le plat de la main dextre frappoit dessus, faisant en ce un grand son et profond, comme s’il venoit de la superficie du diaphragme par la trachée artère, et le feit par seze fois. Mais Thaumaste souffloit tousjours comme une oie. Adonc Panurge mist le doigt indice de la dextre dedans la bouche, le serrant bien fort avecles muscles de la bouche, puis le tiroit; et le tirant faisoit un grand son, Comme quand les pelits garcons tirent d’un capou de sus avecques belles rabes, et le feit par neuf
ois.
Alors Thaumaste s’escria : « Ha, messieurs, le grand secret! ily ha mis la main jusques au coubde. » Puis tira un poignard qu'il avoit, le tenant par la poincte contre bas. À quoi Panurge printsa longue braguette, et la secouoit tant qu’il povoit contre ses cuisses ; puis nist ses deux mains liées en forme de pigne sus sa teste, tirant la langue tant qu’il povoit, et tournant les yeulx en la teste, comme une chèvre qui se meurt. « Ha j'entends, dist Thaumaste, mais quoi? » faisant tel signe qu'il meltoit le manche de son poignard contre la poictrine, et sus la poincte mettoit le plat de la main en retournant quelque peu le bout des doigts. À quoi Panurge baissa sa teste du costé gausche , et mist le doigt milieu en l’aureille dextre, eslevant le poulce contre mont. Puis croisa les deux bras sus sa poictrine, toussant par cinq fois, et à la cinquiesme
frappant du pied droict contre terre ; puis leva le bras gausche, et serrant touts les doigts au poing, tenoit le poulce contre le front, frappant dela main dextre par six fois contre la poictrine. Mais Thaumaste, comme non content de ce, mist le poulce de la gausche sus le bout du nez, fermant le reste de la dicte main. Dont Panurge mist les deux maistres doigts à chascun costé de sa bouche, le retirant tant qu’il povoit et monstrant toutes ses dents: et des deux poulces rabaïissoit les paulpières des yeulx bien profundement, en faisant assez laide grimace, selon que sembloit ès assistants.
