PE EE ER PR
vants : c’est-à-dire en son naturel. Car nature n'ha créé l'homme que pour prester et emprunter. Plus grande n’est l'harmonie des cieulx, que sera de sa police. L'intention du fondateur de ce microcosme est y entretenir l'ame, laquelle il y ha mise comme hoste, et la vie. La vie consiste en sang : sang est le siège de l'ame; pourtant un seul labeur poine ce monde, c'est forger sang continuellement. En ceste forge sont touts membres en office propre; el est leur hiérarchie telle, que sans cesse l'un de l’aultre emprunte, l'un à l’aultre preste, l’un à l’aultre est debteur. La matière, et métal convenable pour estre en sang transmué, est baillée par nature : pain et vin. En ces deux sont comprinses toutes espèces de aliments. Et de ce est dict le companage en langue Goth (1). Pour icelles trouver, préparer et cuire, travaillent les mains, cheminent les pieds et portent toute ceste machine : les yeulx tout conduisent. L'appétit, en l’orifice de l'estomach,moyennant un peu de mélancholie aigrette, que lui est transmis de la ratelle, admoneste d’enfourner viande. La langue en faict l'essai; les dents la maschent : l'estomach la reçoit, digère, et chylifie. Les vènes mésaraïques en succent ce qu'est bon et idoine, délaissent les excréments, lesquels par vertus expulsive sont vidés hors par exprès conduicts ; puis la portent au
foye : il la transmue derechef, et en faict sang. Lors
quelle joie pensez-vous estre entre ces officiers, quand ils ont vu ce ruisseau d’or, qui est leur seul restaurant?
Plus grande n’est la joie des alchimistes quand, après
longs travaulx, grand soing et despense, ils voient les métaulx transmués dedans leurs fourneaulx. Adonc chascun membre se prépare et s’esvertue de nouveau à purifier et affiner cestui thrésor. Les rognons, par les vènes émulgentes, en tirent l’aiguosité, que vous nommez urine, et par les uretères la découllent en bas. Au bas trouve réceptacle propre: c’est la vessie, laquelle en temps opportun la vide hors. La ratelle en tire le terrestre et la lie, que vous nommez mélancholie. La bouteille du fiel en soubstraict la cholère superflue. Puis est transporté en une aultre officine, pour mieulx estre affiné : c'est le cœur, lequel, par ses mouvements diastoliques et systoliques, le subtilise et enflambe, tellement que par le ventricule dextre le met à perfection, et par les vènes l’envoye à touts les membres. Chascun membre l’attire à soi, et s’en alimente à sa guise : pieds, mains, yeulx, tout; et lors sont faicts debteurs, qui paravant estoient presteurs. Par le ventricule gausche il le faict tant subtile, qu'on le dict spirituel, et l’envoye à touts les membres par ses artères, pour l’aultre sang des vènes eschauffer et esventer. Le poulmon ne cesse avecques ses lobes et soufflets le refraischir. En recognoissance de ce bien, le cœur lui en départ le meilleur, par la vène artériale. Enfin, tant est affiné dedans le rets merveilleux, que, par après, en sont faicts les esperits animaulx, moyennant lesquels elle imagine, discourt, juge, résoult, délibère, ratiocine, et remémore. Vertugoil je me naye, je me perds, je m’esgare, quand j'entre au profond abysme de ce monde, ainsi prestant, ainsi debvant. Croyez que chose divine est prester. : debvoir est vertus héroïque. Encores n'est-ce tout. Ce monde prestant, debvant, empruntant, est si bon, que ceste alimentation parachevée, il pense desja prester à ceulx qui ne sont encore nés , et par prest se perpétuer s’il peult, et multiplier en images à soi semblables : ce sont enfants. À ceste fin, chascun membre du plus précieux de son nourrissement décide et rogne une portion, et la renvoye en bas. Nature y ha préparé vases et réceptacles opportuns, par lesquels descendant és géniloires, en longs ambages et flexuosités, reçoipt forme compétente et trouve lieux idoines, tant en l'homme comme en la femme, pour conserver et perpétuer le genre humain. Se faict le tout par prests et debtes de l’un à l’aultre, dont est dict le Debvoir de
a As se langue d’oc, parce queles Goths ont occupé le midi de la France,
mariage. Poine par nature est au refusant interminée, acre vexation parmi les membres, et furie parmi les sens : au prestant loyer consigné, plaisir, alaigresse et volupté. »
