CHAPITRE IV

Continuation du discours de Panurge à la louange des presteurs et debteurs.

« Au contraire, représentez-vous un monde aultre, auquel un chascun preste, un chascun doibve : touts soient debteurs, touts soient presteurs. O quelle harmonie sera parmi les réguliers mouvements des cieulx! Il m'est advis que je l'entends aussi bien que feit onques Platon. Quelle sympathie entre les éléments! O comment nature s'y délectera en ses œuvres et productions! Cérès chargée de bleds, Bacchus de vins, Flora de fleurs, Pomona de fruicts : Juno, en son aer serein, sereine, salubre, plaisante. Je me perds en ceste contemplation. Entre les humains, paix, amour, dilection, fidélité, repos, banquets, festins, joie, liesse, or, argent, menue monnoie, chaines, bagues, marchandises troteront de main en main. Nul procès, nulle guerre, nul débat, nul n'y sera usurier, nul eschars, nul chichart, nul refusant. Vrai Dieu, ne sera-ce l'age d'or, le règne de Saturne, l'idée des régions olympiques, esquelles toutes aultres vertus cessent, charité seule règne, régente, domine, triumphe? Touts seront bons, touts seront beaulx, touts seront justes. O monde heureux! O gents de cestui monde heureux! O béats trois et quatre fois! Il m'est advis que j'y suis! Je vous jurele bon vraibis, que si cestui monde eustpape, foisonnant en cardinaulx, et associé de son sacré collège, en peu d'années vous y voirriez les saincts plus drus, plus miraclifiques, à plus de leçons, plus de vœux, plus de bastons et plus de chandelles, que ne sont touts ceulx des neuf éveschés de Bretagne, exceplé seulement sainct Yves. Je vous prie, considérez comment le noble Patelin, voulant déifier et par divines louanges mettre jusques au tiers ciel le père de Guillaume Jousseaulme, rien ne plus dist, sinon,

Et si prestoit Ses denrées à qui en vouloit.

O le beau mot! A ce patron figurez nostre microcosme en touls ses membres, prestants, empruntants, deb-