EU OU
} AM PE he RP 3 F CCE 5 et ï NS " + S " 2 * . :
La UE .{ # "4 ñ
mie Juifs, et n’est chose confesséene avérée qu'elle soit sorcière. Remettons à vostre retour le grabeau et belutement de ces matieres. Que scavons-nous si c'est une unziesme sibylle, une seconde Cassandre ? Et ores que sibylle ne fust, et de sibylle ne méritast le nom, quel intérest encourez-vous, avec elle conférant de vostre perplexité, entendu mesmement qu’elle est en estimation de plus sçavoir, plus entendre que ne porte l’usance du pays, ne du sexe? Que nuict sçavoir tous- Jours, et tousjours apprendre, fust-ce d’un sot, d’un pot, d'une guedoufle, d’une moufle, d'une pantouphle? Vous soubvienne qu'Alexandre le grand, ayant obtenu victoire du roi Daire en Arbeles, présents ses satrapes, quelquefois refusa audience à un compagnon, puis en vain mille etmille fois s’en repentit. Il estoit en Perse victorieux , mais tant esloigné de Macédoine, son royaulme héréditaire, que grandement se contristoit, pour non povoir moyen aulcun inventer d’en sçavoir nouvelles, tant à cause de l'énorme distance des lieux, que de l’interposition dés grands fleuves, empeschement des déserts, et objection des montagnes. En ceslui estrif et soigneux pensement, qui n'estoit petit (car on eust pu son pays et royaulme occuper, et là in-
staller roi nouveau et nouvelle colonie, longtemps de- .
vant qu'il en eust avertissement pour y obvier), devant lui se présenta un homme de Sidoine, marchand périt et de bon sens, mais au reste assez pauvre et de peu d'apparence, lui dénonceant et affermant avoir chemin et moyen inventé, par lequel son pays pourroit de ses victoires indianes, lui de l’estat de Macédonie et Egypte, estre en moins de cinq jours asçavanté. Il estima la promesse tant abhorrente et impossible, qu'onques l’aureille prester ne lui voulut, ne donner audience. Que luy eust cousté ouir et entendre ce que l’'hommme avoit inventé? Quelle nuisance, quel dommage eust-il encouru, pour scayoir quel estoit le chemin que l’homme lui vouloit démonstrer? Nature me semble non sans cause nous avoir formé aureilles ouvertes, n'y apposant porte ne closture aulcune , comme ha faicl és yeulx, langue, et aultres issues du corps. La cause je cuide estre, affin que touts jours, toutes nuicts, continuellement puissions ouir, et par ouie perpétuellement apprendre : car c’est le sens sur touts aultres plus apte és disciplines. Et peult-estre que cellui homme estoit ange, c'est-à-dire messager de Dieu , envoyé comme fut Raphaël à Tobie. Trop soubdain le contemna, trop long:temps après s’en repentit. — Vous dictes bien, respondit Epistemon : mais ja ne me ferez entendre que chose beaulcoup advantageuse soit prendre d’une femme, et d’une telle femme, en telpays, conseil et advis. — Je, dist Panurge, metrouve fort bien du conseil des femmes, et mesmement des vieilles. À leur conseil je fai tousjour sune selle ou deux extraordinaires. Mon ami, ce sont vrais chiens de monstre, vraies rubriques de droict : et bien proprement parlent ceulx qui les appellent sages femmes. Ma coutume et mon style est les nommer présages femmes. Sages sont elles ; car dextrement elles cognoissent. Mais je les nomme présages, car divinement elles prévoient et prédisent certainement toutes choses advenir. Aulcunesfois je les appelle non maunettes, mais monètes, comme la Juno des Romains. Car d'elles tousjours nous viennent admonitions salutaires et profictables. Demandez en à Pythagoras, Socratés, Empedocles, et nostre maistre Ortuinus(1). Ensemble je loue jusques és haults cieulx l'antique institution des Germains , lesquels prisoient aux poids du sanctuaire et cordialement révéroient le conseil des vieilles ; par leurs advis et responses tant heureusement prospéroïient, comme les avoient prudentement reçues. Tesmoings la vieille Aurinie et la bonne mère Vellede , au temps de Vespasian.
« Croyez que vieillesse féminine est tousjours foisonnante en qualité soubeline, je voulois dire sibyl-
(1) Personnage imaginaire auquel sont adressées les Epistolæ aliquot obscurorum virorum. .
line. Allons, par l’aide, allons, par la vertus bieu, allons. A Dieu, frère Jean , je te recommende ma braguette. — Bien, dit Epistemon, je vous suivrai, protestant que. & j'ai advertissement qu’elle use de sort ou enchantement en ses responses, je vous laisserai à la porte, et plus de moi accompagné ne serez. »
