CHAPITRE XVII

Comment Panurge parle à la sibylle de Panzoust.

Leur chemin fut de six journées. La septiesme, à la croupe d’une montagne, soubs un grand et ample chastaignier, leur fut monstrée la maison de la vaticinatrice. Sans difficulté ils entrarent en la case chaulmine, mal bastie, mal meublée. toute enfumée.«Baste, dist Epistemon, Heraclitus, grand scotiste et ténébreux philosophe, ne s'estonna entrant en maison semblable, exposant à ses sectateurs et disciples, que là aussi bien résidoient les dieux comme en palais pleins de délices. Et croi que telle estoit la case de Hireus ou OEnopion, en laquelle Jupiter , Neptune et Mercure ensemble ne prindrent à desdaing entrer, repaistre el loger ; et en laquelle officialement pour l'escot forgearent Orion. »

Au coing de la cheminée trouvarent la vieille. «Elleest, s'écria Epistemon, vraie Sibylle et vrai pourtraict naïvement représenté par Gréi Kaminoï de Homere » (1). La vieille estoit mal en poinct, mal vestue, mal nourrie, édentée, chassieuse , courbassée, roupieuse, langoureuse, etfaisoitun polage de choulx verds, avecques une couane de lard jaune, et un vieil savorados. « Verd et bleu, dist Epistemon, nous avons failli. Nous n’aurons d’elle response aulcune; car nous n'avons le rameau d'or. — J'y ai, respondit Panurge, pourvu. Je l’aiici dedans ma gibbessière, en une verge a massif, accompagné de beaulx et joyeux carolus. »

Ces mots dicts, Panurge la salua profundement, lui présentant six langues de bœuf fumées, un grand pot beurrier plein de coscotons, un bourrabaquin garni de breuvage, une couille de belier pleine de carolus nouvellement forgés : enfin, avec profunde révérence lui mist au doigt médical une verge d'or bien belle, en laquelle estoit une crapauldine de Beusse magnifiquement enchassée. Puis, en brèves paroles, lui exposa le motif de sa venue, la priant courtoisement lui dire son advis, et bonne fortune de son mariage entreprins.

La vieille resta quelque temps en silence, pensive et rechinant des dents; puis s’assist sur le cul d’un boisseau, print en ses mains trois vieulx fuseaulx, les tourna et vira entre ses doigts en diverses manières, puis esprouva leurs poinctes : le plus poinctu retint en main, les deux aultres jecta soubs une pile à mil. En après print ses dévidoires, et par neuf fois les tourna; au neuvième tour considéra, sans plus toucher, le mouvement des dévidoires, et attendit leur repos parfaict.

Depuis, je vid qu’elle deschaussa un de ses esclss (nous les nommons sabots), mist son devanteau sus sa teste, comme les prebstres mettent leur amict quand ils veulent messe chanter : puis avec un antique tissu riolé, le lia soubs la gorge. Ainsi affublée tira un grand traict du bourrabaquin, print de la couille beliniere trois carolus, les mist en trois coques de noix, et les posa sur le cul d’un pot à plume; feit trois tours de balai par la cheminée, jecta au feu demi fagot de bruyère et un rameau de laurier sec; le considéra brusler en silence, et vit que bruslant ne faisoit gris-

(4) Les vieilles enfumées, Odyss., xviir, 27.

lement ne bruit auleun. Adoncques s’escria espouventablement , sonnant entre les dents quelques mots barbares et d’estrange termination ; de mode que Panurge dist à Epistemon : « Par la vertus bieu, jetremble; je croi que je suis charmé. Elle ne parle poinct christian. Voyez comment elle me semble de quatre empans plus grande que n'estoit lorsqu'elle se capitonna de son devanteau. Que signifie ce remuement de badigoinces ? Que prétend cette jectigation des espaules? À quellefin fredonne elle des babines comme un singe desmembrant escrevisses ? Les aureilles me cornent, il m'est advis que j'oui Proserpine bruyant : les diables en place bientost sortiront. O les laides bestes! fuyons. Serpe Dieu, je meurs de paour. Je n’aime poinel les diahles Ils me faschent, et sont mal plaisants : fuyons. À Dieu, madame, grand-merci de vos biens. Je ne me marierai poinct, non.J’y renonce dès à présent comme alors. » |

Ainsi commenceoit escamper de la chambre; maisla vieille anticipa, tenant le fuseau en la main , et sortit en un courtil ou verger près sa maison. Là estoit un sycomore antique : elle l'escrousla par trois fois, etsus huict feuilles qui en tombarent , sommairement avec le fuseau escripvit quelques brefs vers. Puis les jecta au vent. et leur dist : « Allez les chercher, si voulez; trouvez-les, si pouvez ; le sort fatal de vostre mariage y est escript. » |

Ces paroles dictes, se retira en sa tesniere, et sur le perron de la porte se recoursu, robe, cotte et chemise, jusques aux aisselles, et leur montroit son cul. Panurge l’apperceut, et dit à Epistemon : « Par le sambregoi de bois, voilà le trou dela sibylle, là où plusieurs ont esté péris pour y aller voir, fuyez ce trou.» Soubdain elle barra sus soi la porte : depuis ne fut vue. Ils coururent après les feuilles, et les recueillirent, mais non sans grand labeur; car le vent les avoit escartées par les buissons de la vallée. Et les ordonnants l’une après l'aultre, trouvarent ceste sentence en mètres :

LA T'esgoussera De renom.

Engrossera, De toi non.

Te succera Le bon bout.

T’escorchera, Mais non tout.