CHAPITRE XVIII

Comment Pantagruel et Panurge diversement exposent les vers de la sibylle de Panzoust.

Les feuilles recueillies, retournarent Epistemon et Panurge en la court de Pantagruel, part joyeux, part faschés. Joyeux pour le retour, faschés pour. le travail du chemin, lequel trouvarent raboteux , pierreux et mal ordonné. De leur voyage feirent ample rapport à Pantagruel et de l'estat de la sibylle ; enfin lui présentarent les feuilles de sycomore, et montrarent l'escriplure en pelits vers. Pantagruel, avoir leu le totage, dist à Panurge en souspirant : « Vous estes bien en poinct. La prophétie de la sibylle apertement expose ce que ja nous estoit dénoté, tant par les sorts virgilianes, que par vos propres songes; c’est que par vostre femme serez deshonoré; qu’elle vous fera cocu, s’abandonnant à aultrui et par aultrui devenant grosse : qu'elle vous desrobera par quelque bonne partie, et qu'elle vous battra, escorchant et meurtrissant quelque membre du corps. — Vous entendez aultant, respondit Pauurge, en exposition deces récentes prophéties, comme faict truie en espices. Ne vous desplaise si je le di; car je me sens un peu fasché. Le contraire est véritable. Prenez bien mes mots.La vieille

dict : Ainsi comme la febve n’est vue s'elle n’est esgoussée, aussi ma vertus et ma perfection jamais ne seroit mise en renom, si marié je n’estois. Quantesfois vous ai je oui disant, que le magistrat et l'office descouvre l'homme et met en évidence ce qu'il avoit dedans le jabot? C'est-à-dire, que lors on cognoit certainement quel est le personnage et combien il vault, quand il est appellé au maniement des affaires. Auparavant, Sçavoir est estant l’homme en son privé, on ne sçait pour certain quel il est, non plus que d'une febve en gousse. Voilà quant au premier article. Aultrement vouldriez-vous maintenir que l'honneur et bon renom d’un homme de bien pendist au cul d'une putain ?

« Le second dict : Ma fémme engrossera (entendez ici la prime félicité de mariage), mais non de moi.Cor bieu, je le croi. Ce sera d'un petit enfantelet qu’elle sera grosse. Je l'aime desja tout plein, et ja en suis tout assoti. Ce sera mon petit bedault. Fascherie du monde tant grande et véhémente n’entrera désormais en mon esperit que ne passe, seulement le voyant et l'oyant jargonner en son jargonnois puéril. Et benoiste soit la vieille : je lui veulx vrai bis constituer en Salmigondinois quelque bonne rente, non courrante, comme bacheliers insensés, mais assise comme beaulx docteurs régents. Aultrement, vouldriez-vous que ma femme dedans ses flancs me portast? me conceust? m'enfantast? et qu'on dist : « Panurge est un second « Bacchus. Il est deux fois né. Il est rené, comme fut « Proteus : une fois de Thétis et secondement de la « mère du philosophe Apollonius; comme. furent « les deux Palices, près du fleuve Simethos en Sicile. « Sa femme estoit grosse de lui. En lui est renouvellée « l'antique palintocie des Mégariens, et la palingénésie « de Democritus. » Erreur. Ne m’en parlez jamais.

Le tiers dict : Ma femme me succera le bon bout. Je m'y dispose. Vous entendez assez, que c’est le baston à un bout, qui me pend entre les jambes. Je vous jure et promets que tousjours le maintiendrai succulent et bien avitaillé. Elle ne me succera poinct en vain, certes. Eternellement y sera le petit picotin, ou mieulx. Vous exposez allégoriquement ce lieu , et l’interprétez à larrecin et furt. Je loue l'exposition, l’allégorie me plaist, mais non à vostre sens. Peult-estre que l'affection sincère que me portez, vous tire en partie adverse et réfractaire, comme disent les clercs : chose merveilleusement craintive estre amour, et jamais le bon amour n’estre sans craincte. Mais, selon mon jugement, en vous-mesme entendez que furt, en ce passage, comme en tant d’aultres des scripteurs latins et antiques, signifie le fruict d'amourettes. lequel veut Vénus estre secrètement et furtivement cueilli. Pourquoi, par vostre foi? Pource que la chosette, faicte à l'emblée, entre deux huis, à travers les degrés, derrière la tapisserie, en tapinois, sus un fagot desroté, plus plaist à la déesse de Cypre (et en suis là, sans préjudice de meilleur advis), que faicte en vue du soleil, à la cynique, ou entre les précieux conopées, entre les courtines dorées , à longs intervalles, à plein gogo, avec un esmouchail de soie cramoisine et un panache de plumes indiques, chassants les mousches d'autour, et la femelle s'escurant les dents avec un brin de paille, qu’elle ce pendent auroit desraché du fond de la paillasse. Aultrement vouldriez-vous dire qu'elle me desrobast en sucçant, comme on avale les huistres en escaille , ef comme les femmes de Cilicie (tesmoing Dioscorides) cueillentla graine d’alkermes ? Erreur. Qui desrobe, ne succe, mais gruppe; n’avalle, mais emballe, ravit et joue de passe-passe.

« Le quart dict : Ma femme me l’escorchera, mais non tout. O le beau mot! Vous l’interprétez à baterie et meurtrissure. C’est bien à propos , truelle; Dieu te gard’ de mal, masson. Je vous supplie, levez un peu vos esperits, de terriène pensée , en contemplation baultaine des merveilles de nature; et ici condamnezvous vous-mesmes pour les erreurs qu’avez commis ,

La septiesme, à la croups d’une montagne, sous un grand et ample chastaignier, leur fut monstrée la maison

de la vaticinatrice. (page 163).

perversement, exposant les dicts prophétiques de la dive sibylle. Posé, mais non admis ne concédé le cas que ma femme, par l'instigation de l'ennemi d'enfer , voulust et entreprist me faire un maulvais tour, me diffamer, me faire cocu jusques au cul, me desrober et oultrager : encores ne viendra-t-elle à fin de son vouloir etentreprinse. La raison qu'à ce me meut est en ce poinct dernier fondée, et est extraicte du fond de panthéologie monastique. Frère Artus Culletant me l’ha aultrefois dict, et fut par un lundi matin, mangeants ensemble un boisseau de godiveaulx, et si pleuvoit, il m’en souvient : Dieu lui doint le bon jour!

« Les femmes, au commencement du monde ou peu après, ensemble conspirarent escorcher les hommes touts vifs, parce que sus elles maistriser vouloient en touts lieux. Et fut cestui decret promis, confermé et juré entr’elles par le sainct sangbregoi. Mais, 6 vaines entreprinses des femmes! Elles commencearent escorcher l’homme, ou gluber , comme le nomme Catulle, par la partie qui plus leur haite : c'est le membre nerveux, caverneux. Plus de six mille ans ha, et toutesfois jusques à présent n’en ont escorché que la teste. Dont par fin despit, les Juifs eulx-mesmes en circoncision se le coupentet retaillent, mieulx aimants estre dicts recutits et retaillats maranes , que escorchés par femmes, comme les aultres nations. Ma femme, non dégénérante de cette commune entreprinse, me l’escorchera, s’il ne l'est. J'y consens de franc vouloir, mais uon tout : je vous en asseure, mon bon roi.

— Vous, dist Epistemon, ne respondez à ce que le rameau de laurier, nous voyants, elle considérant et exclamant en voix furieuse et espouventable, brusloit sans bruit ne grislement aucun. Vous sçavez que c’est triste augure et signe grandement redoubtable, comme attestent Properce, Tibulle, Porphyre philosophe argut, Eustathius sus l'Iliade homérique , et aultres. — Vraiement, respondit Panurge, vous m'alléguez de gentils veaulx. Ils feurent fols comme poèles, et resveurs comme philosophes: aultant pleins de fine folie comme estoit leur philosophie. »