CHAPITRE XXXIX

a. . . . Q Comment Pantagruel assiste au jugement du juge Bridoye, lequel sentencioit les procès au sort des dez,

Au jour subséquent, à heure de l'assignation, Pantagruel arriva en Myrelingues. Les présidents, sénateurs et conseillers, le priarent entrer avec eulx, ét

ouir la décision des causes et raisons que allègueroit Bridoye, pourquoi auroit donné certaine sentence contre l’esleu Toucheronde, laquelle ne sembloit du tout équitable à icelle court centumvirale. Pantagruel entre voluntiers, et là trouve Bridoye au milieu du parquet assis, et pour toutes raisons et excuses rien plus ne respondant, sinon qu'il estoit vieil devenu, et qu'il n’avoit la vue tant bonne comme de coustume, alléguant plusieurs misères et calamités, que vieillesse apporte averques soi, lesquelles not. per Archid. D. 86. c. tanta. Pourtant ne cognoissoit-il tant distinctement les poincis des dez, comme avoit faict par le passé. D’ond povoit estre, qu'en la facon que Isaac, vieil et mal-voyant, print Job pour Esaü, ainsi à décision du procès dont estoit question, il auroit prins un quatre pour un cinq : notamment référant que alors il avoit usé de ses petits dez. Et que, par disposition de droict, les imperfections de nature ne doibvent estre imputées à crime, comme appert, f. de re milit. L. qui cum uno. ff. de reg. jur. L. fere. ff. de ædil. ed. per totum. ff . de term mod. l. divus Adrianus. resolut. per Lud. Ro. in L. si vero. ff. fol.” matr. Et qui aultrement feroit, non l'homme accuseroit, mais nature, comme est évident in /. maximum vitium. €. de lib. præter.»

« Quels dez, demandoit Trinquamelle, grand président d'icelle court, mon ami, entendez-vous? — Les dez, respondit Bridoye, des jugements, 4/ea judiciorum, desquels est escript par Docto. 26. quæst. 2. cap. sort. l, nec emptio. fl. de contrahend. empt. quod debetur. ff. de pecul. et ibi Bartol. Et desquels dez vous aultres, messieurs, ordinairement usez en ceste vostre court souveraine: aussi font touts aultres juges en decision des procès, suivants ce qu’en ha noté D. Hen. Ferrandat, et not. al. in c. fin. de sortil. et L. sed cum ambo ff. de jud. Ubi Doct. (1) notent que le sort est fort bon, honeste, utile et nécessaire à la vidange des procès et dissentions. Plus encore apertement l'ont dict Bald. Bartol. et Alex. C. communia. de leg. L. si duo. — Etcomment, demandoit Trinquamelle, faictes-vous, mon ami? — Je, respondit Bridoye, respondrai brièvement selon l’enseignement de la loi ampliorem. S in refutatoriis. C. de appel. et ce que dict Gloss. {. 1. f. quod met. causa. Gaudent brevitate moderni (2). Je fai comme vous aultres, messieurs, et comme est l’usance de judicature, à laquelle nos droicts commandent tousjours déférer : ué not. extra. de consuet. c. ex literis. et ibi Innoc. Ayant bien vu, revu, leu, releu, paperassé et feuillelé les complainctes, adjournements, comparitions, commissions, informations, avant-procédés, productions, allégations, intendicts, contredicts, requestes, enquestes, repliques, dupliques, tripliques, escriptures, reproches, griefs, salvations, recolemenis, confrontations, acarations, libelles, apostoles, lettres royaulx, compulsoires, déclinatoires, anticipatoires, évocations, envois, renvois, conclusions, fins de non procéder, appoinctements, reliefs, confessions, exploicts et aultres telles dragées et espiceries d'une part et d’aultre, comme doibt faire le bon juge selon ce qu’en ha not. Spec. de ordination. $ 3. et tit. de offic. omn. jud.S fin. et de rescript. præsentat. 1, je pose sus le bout de la table en mon cabinet touts les sacs du deffendeur, et lui livre chanse premièrement, comme vous aultres, messieurs. Et est nof. /. favorabiliores. ff. de reg. jur. etin cap. cum sunt. eod. tit. lib. 6. qui dict, Cum sunt partium jura obscura, reo favendum est potius quam actori (3). Cela faict, je pose les sacs du demandeur, comme vous aultres, messieurs, sus l’aullre bout visum visu. Car, opposila juxta se posita magis elucescunt (4), ut not. in L. 4.

(1) Où les docteurs notent que, etc.

(2) Les modernes aiment la brièveté.

(3) Lorsque les droits des parties sont obscurs, il faut favoriser l'accusé plutôt que l’accusateur.

(4) Les contraires s'éclaircissent, quand on les met en regard. =

videamus. ff. de his qui sunt sui vel alieni juris. et in !. munerum. $ mixta. ff. de muner. et honor. Pareillement, et quant et quant je lui livre chanse. — Mais, demandoit Trinquamelle, mon ami, à quoi Cognoissez-vous l'obscurité des droicts prétendus par les parties plaidoyantes? — Comme vous aultres, messieurs, respondit Bridoye, sçavoir est, quand il y ha beaucoup de sacs d'une part et d’aultre. Et lors j'use de mes petits dez comme vous aultres, messieurs, suivant la loi, semper in stipulationibus. ff. de requlis juris, et la loi versale versifiée (1) quæ eod. tit. Semper in obscuris quod minimum est sequimur (2), canonizée in c. in obscuris. eod. tit. lib. 6. F'ai d’aultres gros dez bien beaulx et harmonieux,desquels j’use, comme vous aultres, messieurs, quand la matière est plus liquide, c’est-à-dire, quand moins y ha de sacs.

— Cela faict, demandoit Trinquamelle, comment sententiez-vous, mon ami? — Comme vous aultres, messieurs, respondit Bridoye, pour celui je donne sentence, duquel la chanse livrée par le sort du dez judiciaire, tribunian, prétorial, premier advient. Ainsi commandent nos droicts f. qui pot. in pign. l. creditor. C. de consul. 1. Et de regulis juris in 6. Qui prior est lempore potior est jure » (3).