CHAPITRE VII
Continuation du marché entre Panurge et Dindenault.
« Mon ami, respondit le marchand, nostre voisin, ce n'est viende que pour rois et princes. La chair en est tant délicate, tant savoureuse, et tant friande que c'est basme. Je les ameine d’un pays, onquelles pourceaulx (Dieu soit avecques nous) ne mangent que myrobalans. Les truies en leur gésine (saulve l’honeur de toute la compagnie} ne sont nourries que de fleurs d'orangers.—Mais, dist Panurge, vendez m'en un, et je vous le payerai en roi, foi de piéton. Combien ? — Nostre ami, respondit le marchand, mon voisin, ce sont moutons extraicts de la propre race de cellui qui porta Phrixus et Helle, par la mer dicte Hellesponte.— Cancre |! dist Panurge, vous estes clericus vel addiscens (3).—Ita sont choulx, respondit le marchand, vere ce sont porreaulx. Mais rr. rrr. rrrr. rrrrr. Ho Robin rr. rrrrrr. Vous n’entendez ce langage. À propos. Par toutsles champs esquels ils pissent, le bled y provient comme si Dieu y eust pissé. Il n’y faut aultre marne ne fumier. Plus y ha. De leur urine les quintessentiaulx tirent le meïlleur salpètre du monde. De leurs crottes [mais qu'il ne vous desplaise) les médicins de nos pays guérissent soixante et dixhuict espèces de maladies. La moindre desquelles est le mal sainct Eutrope de Xaintes, dont Dieu nous saulve et gard. Que pensez-vous, nostre voisin, mon ami? Aussi me coustent-ils bon. — Couste et vaille, respondit Panurge, Seulement vendez m'en un, le payant bien.— Nostre ami, dist le marchand, mon voisin, considérez un peu les merveilles de nature consistants en ces animaulx que voyez, voire en un membre que estimeriez inutile. Prenez-moi ces cornes-là, et les concassez un peu avec un pilon de fer, ou avec un landier, ce m'est tout un. Puis les enterrez en vue du soleil, la part que vouldrez , et souvent les arrosez. En peu de mois vous en voirrez naistre les meilleurs asperges du monde. Je n’en daignerois excepter ceulx de Ravenne. Allez-moi dire que les cornes de vous aultres mes-
sieurs les cocus ayent vertus telle. et propriété tant
mirifique. — Patience, respondit Panurge. — Je ne scai, dit le marchand, si vous estes clerc. J'ai vu prou de clercs, je dis grands clercs, cocus. Oui dea. A propos, si vous estiez clerc, vous sauriez que és membres plus inférieurs de ces animaulx divins, ce sont les pieds, y ha un os, c'est le talon, l'astragale, ei vous voulez, duquel, non d'aultre animal du monde, fors de l’asne indian et des dorcades de Libye, l'on jouoit antiquement au voyal jeu des tales, auquel l'empereur Octavian Auguste un soir gagna plus de cinquante mille escuts. Vous aultres cocus n avez garde d'en gagner aultant. — Patience, respondit Panurge. Mais expédions. — Et quand, dist le marchand, vous aurai-je, nostre ami, mon voisin, dignement loué tes membres internes : les espaules, les esclanches, les gigots, le hault costé, la poictrine, le foie, la ratelle, les trippes, la gogue, la vessie, donton joue à la balle; les costeleltes, dont on faict en Pygmion les beaulx petits arcs pour tirer des noyaulx de cerises contre les grues; la teste dont, avec un peu de
(4) Munican, Munich ou Monaco.
(2) Au marteau de votre. porte : expression dérivée de la forme d’un hommage féodal.
(3) Clerc ou écolier.
216 | CHEFS-D'OŒUVRE EUROPÉENS.
Etre) ee == |\ SN Ÿ
