CHAPITRE XII

Comment Pantagruel passa Procuration, et de l’estrange manière de vivre entre les chicanous.

Pleins et refaicts du bon traictement du roi Panigon, Continuasmes nostre route : le jour subséquent passasmes Procuration, qui est un pays tout chaffourré et barbouillé. Je n’y cognus rien. Là vismes des procultous et chicanous, gents à tout le poil. Ils né nous Invitarent à boire, ne à manger. Seulement, en lonsue multiplication de doctes révérences, nous dirent qu'ils esloient touts à notre commendement, en payant. Un de nos truchements racomptoit à Pantagruel, comment ce peuple gagnoit sa vie en facon bien estrange, et en plein diamètre contraire aux romicoles. À Rome, gents infinis gagnent leur vie à empoisonner, à battre, et à tuer ; les chicanous la gagnent à estre battus. De mode que, Sl par long temps ils demouroient sans estre battus, ils mourroient de male faim, eulx, leurs femmes et enfants. « C'est, disoit Panurge, comme ceulx qui, par le rapport de CI. Galen, ne peuvent le nerf caverneux vers le cercle équateur dresser, s’ils ne sont très-bien fouettés. Par sainct Thibault, qui ainsi me

fouetteroit, me feroit bien au rebours désarçonner de par touts les diables. — La manière, dist le truchement, est telle : quand un moine, presbtre, usurier, ou advocat veult mal à quelque gentilhomme de son pays, il envoye vers lui un de ees chicanous. Chicanous le cilera , l’adjournera, l’oultragera, l’injuriera impudentement, suivant son record et instruction, tant que le gentilhomme , s’il n’est paralytique de sens et plus stupide qu’une rane gyrine, sera contrainct lui donner bastonnades et coups d’espée sus la teste, ou la belle jarretade, ou mieulx le jecter par les creneaulx et fenestres de son chasteau. Cela faict, voilà chicanous riche pour quatre mois. Comme si coups de baston fussent ses naïves moissons. Car il aura du moine, de l’usurier ou advocat, salaire bien bon, et réparation du gentilhomme aulcunesfois si grande et excessive, que le gentilhomme y perdra tout son avoir avec danger de misérablement pourrir en prison, comme s'il eust frappé le roi.

— Contre tel inconvénient, dist Panurge, je sçai un remède très-bon, duquel usoit le seigneur de Basché. —Quel? demanda Pantagruel.—Le seigneur de Basché, dist Panurge, estoit homme courageux, vertueux, magnanime, chevalereux. Il, retournant de certaine longue guerre, en laquelle le duc de Ferrare par l’aide des François vaillamment se deffendit contre les furies du pape Jules second, par chascun jour estoit adjourné, cité, chicané, à l’appétit et passetemps du gras prieur de Sainct Lovant. Un jour, desjeunant avecques ses gents (comme il estoit humain et débonnaire} manda

men 0 ue memes ne mean me 0e ee a

ro

Messire Oudart (page 221).

quérir son boulanger nommé Loire, et sa femme, ensemble le curé de sa paroisse nommé Oudart, qui le servoit de sommeiller, comme lors estoit la coustume en France, et leur dist en présence de ses gentilshommes et aultres domestiques :

. « Enfants, vous voyez en quelle fascherie me jectent journellement ces marauts chicanous. J'en suis là résolu, que, si ne m'y aidez, je délibère abandonner le pays, et prendre le parti du soudan à touts les diables. Désormais, quand céans ils viendront , soyez prests, vous Loire et vostre femme, pour vous présenter en ma grande salle avecques vos belles robes nuptiales, comme si l’on vous fiansoit, et comme premièrement fustes fiansés. Tenez, voilà cent escuts d’or, lesquels je vous donne , pour entretenir vos beaulx accoustrements. Vous, messire Oudart, ne faillez y comparoitre en vostre beau suppellis et estole, avecques l’eau béniste, comme pour les fianser. Vous pareillement, Trudon [ainsi estoit nommé son tabourineur), soyez y avecques vostre fleute et tabour. Les paroles dictes et la mariée baisée, au son du tabour vous touts baillerez l'ua à l’aultre du soubvenir des nopces, ce sont petits coups de poing. Ce faisants, vous n’en soupperez que mieulx. Mais quand ce viendra au chicanous, frappez dessus comme sus sègle verd, ne l’espargnez. Tappez,

daulbez, frappez, je vous en prie. Tenez, présentement je vous donne ces jeunes gantelets de jouste, couverts de chevrotin. Donnez lui coups sans compter à tords et à travers. Cellui qui mieulx le daulbera, je recognoistrai pour mieulx affectionné. N'ayez paour d'en estre reprins en justice. Je serai garant pour touts. Tels coups seront donnés en riant, selon la coustume observée en toutes fiansailles. — Voire, mais, demande Oudart , à quoi cognoistrons-nous les chicanous ? Car en ceste vostre maison journellement abordent gents de toutes parts. — Je y ai donné ordre, respondit Basché. Quand à l4 porte de céans viendra quelque homme, ou à pied, ou assez mal monté, ayant un anneau d’argent gros et large on poulce , il sera chicanous. Le portier, l'ayant introduict courtoisement , sonnera la campanelle. Alors soyez prests, et venez en salle jouer la tragique comédie que vous ai exposé. »

Ce propre jour, comme Dieu le voulut, arriva un vieil, gros, et rouge chicanous. Sonnant à la porte, fut par le portier recognu à ses gros et gras houzeaulx, à sa meschante jument, à un sac de toile plein d'informations, attaché à sa ceincture : signamment, au gros anneau d'argent qu'il avoit on poulce gausche. Le portier lui fut courtois, l'introduict honestement; joyeusement sonne la campanelle. Au son d'icelle, Loire et .

sa femme se vestirent de leurs beaulx habillements, comparurent en la salle, faisants bonne morgue. Oudart se revestit de suppellis et d’estole ; sortant de son office rencontre chicanous, le meine boire en son office longuement, ce pendent qu'on chaussoit gantelets de touls costés, et luidist : « Vous ne poviez à heure venir plus opportune. Notre maistre est en ses bonnes : nous feront tantost bonne chère, tout ira par escuelles : nous sommes céans de nopces : tenez, buvez, soyez joyeux. » Pendant que chicanôus buvoit, Basché, voyant en la salle touts ses gents, en équippage requis, mande quérir Oudart. Oudart vient, portant l’eau beniste. Chicanous le suit, Il, entrant en la salle, n’oublia faire nombre de humbles révérences, cila Basché ; Basché lui feit la plus grande caresse du monde, lui donna un angelot, le priant assister au contract et fiansailles. Ce que fut faict. Sus la fin, coups de poing commencearent sortir en place. Mais, quand ce vint au tour de chicanous, ils le festoyarent à grands coups de gantelets, si bien qu’il resta tout estourdi et meurtri, un œil poché au beurre noir, huict costes froissées, le brechet enfondré, les omoplates en quatre quartiers, la maschoire inférieure en trois loppins : et le tout en riant. Dieu sçait comment Oudart y opéroit, couvrant de la manche de son suppelis le gros gantelet acéré, fourré d’hermines, car il estoit puissant ribault. Ainsi retourne à l'isle Bouchard chicanous accoustré à la tigresque, bien toutesfois satisfaict et content du seigneur Basché: et moyennant le secours des bons chirurgiens du pays vesquit tant que vouldrez. Depuis n'en fut parlé. La mémoire en expira avecques le son des cloches, lesquelles quarillonnarent à son enterrement.»