CHAPITRE VIT

Comment on vestit Gargantua.

Lui estant en cest age, son père ordonna qu'on lu feist habillements à sa livrée : laquelle estoit blanc et bleu. De faict on y besogna, et furent faicts, taillés et Cousus à la mode qui pour lors couroit. Par les anciennes panchartes, qui sont en la chambre des

comptes à Montsoreau, je trouve qu’il fut vestu en la façon que s'ensuit :

Pour sa chemise furent levées neuf cents aulnès de toile de Chasteleraud, et deux cents pour les coussons en sorte de carreaulx, lesquels on mit soubs les aisselles, Et n’estoit point fronsée, car la fronsure des chemises n’ha esté inventée sinon depuis que les lingères, lors que la poincte de leur aguille estoit rompue, ont commencé besogner du cul. Pour son pourpoinct furent levées huict cents treze aulnes de satin blanc ; et pour les aguillettes, quinze cents neuf peaulx et demie de chiens. Lors commença le monde attacher les chausses au pourpoinct, et non le pourpoinct aux chausses : car c'est chose contre nature, comme am plement ha déclairé Ockam sur les exponibles de

M. Haulte-chaussade (1). Pour ses chausses furent levées unze cents cinq aulnes et un tiers d’estamet blanc, et furent deschicquetées en forme de colomnes striées et crénelées par le derrière, affin de n’eschauffer les reins. Et flocquoit par dedans la deschiqueture de damas bleu, tant que besoing estoit. Et notez qu'il avoit très belles grèves et bien proportionnées au reste de sa stature.

Pour la braguette furent levées seze aulnes un quartier d'icellui mesme drap, et fut la forme d'icelle comme d'un arc boutant, bien estachée joyeusement à deux crochets d'esmail, en un chascun desquels estoit enchassée une grosse esmeraugde de la grosseur d’une pomme d'orange. Car, ainsi que dict Orpheus, libro de Lapidibus, et Pline libro ultimo, elle ha vertu érective el confortative du membre naturel. L'exiture de la braguette estoit à la longueur d’une canne, deschiquetée comme les chausses, avec le-damas bleu flottant comme devant. Mais voyants la belle brodure de canetille, et les plaisants entrelas d'orfebvrerie garnis de fins diamants, fins rubis, fines turquoises, fines esmeraugdes, et unions persiques, vous l’eussiez comparée à une belle corne d’abondance, telle que voyez és antiquailles et telle que donna Rhea és deux nymphes Adrastea et Ida, nourrices de Jupiter. Tousjours ga- Jante, -succulente, resudante, tousjours verdoyante, tousjours fleurissante, tousjours fructifiante, pleine d'humeurs, pleine de fleurs, pleine de fruicts, pleine de toutes délices. J'advoue Dieu, s’il ne la faisoit bon voir. Mais je vous en exposerai bien d'advantage au livre que j'ai faict de la Dignité des braguettes. D'un cas vous adverti, que si elle estoit bien longue et bien ample, si estoit elle bien garnie au dedans et bien avitaillée, en rien ne ressemblant les hypocritiques braguettes d'un tas de muguets, qui ne sont pleines que de vent, au grand interest du sexe feminin.

Pour ses soliers furent levées quatre cents six aulnes de velours bleu cramoisi, et furent deschiquetés mignonnement par lignes parallèles, joinctes en cylindres uniformes. Pour la quarrelure d'iceulx furent employées unze cents peaulx de vache brune, taillées à queues de merlus.

Pour son saie furent levées dix et huict cents aulnes de velours bleu tinct en graine, brodé à l’entour de belles vignettes, et par le milieu de pintes d'argent de canetille, enchevestrées de verges d’or avecques force perles, par ce dénotant qu'il seroit un bon fessepinte en son temps.

Sa ceincture fut de trois cents aulnes et demie de sarge de soie, moitié blanche, et moitié bleue, ou je me suis bien abusé.

Son espée ne fut valentiane, ni son poignard sarragossois : car son père haïssoit tous ces hidalgos borrachos marranisés comme diables; mais il eut la belle espée de bois, et le poignard de cuir bouilli, pincts et dorés comme un chascun soubhaiteroit.

Sa bourse fut faicte de la couille d’un oriflant que Jui donna her Pracontal, proconsul de Libye.

Pour sa robe furent levées neuf mille six cents aulnes moins deux tiers de velours bleu comme dessus, tout porfilé d'or en figure diagonale, d’ond par juste perspective issoit une couleur innommée, telle que voyez és cols des tourterelles, qui resjouissoit merveilleusement les yeulx des spectateurs.

Pour son bonnet furent levées trois cents deux aulnes un quart de velours blanc, et fut la forme d'icellui large et ronde à la capacité du chef. Car son père disoit que ces bonnets à la marrabaise, faicts comme

(1) Rabelais attribue plaisamment au scolastique du xtiie siècle uh ouvrabe ridicule sur les hauts-de-chausse, comme le Sganarelle de Molière cite d’Aristote son chapitre des chapeaux.

une crouste de pasté, porteroient quelque jour malencontre à leurs tondus.

Pour son plumart portoit une belle grande plume bleue, prinse d'un onocrotal du pays de Hyrcanie la saulvage, bien mignonnement pendante sus l’aureille droicte.

Pour son image avoit, en une platine d'or pesant soixante et huict marcs, une figure d’esmail competant : en laquelle estoit pouriraict un corps humain ayant deux testes, l’une virée vers l’aultre, quatre bras, quatre pieds, et deux culs, tels que dict Platon, in Symposio, avoir esté l’humaine nature à son commencement mystique, et autour estoil escript en lettrés ioniques :

H ATAIH OY ZHTEI TA EAYTHE (1),

Pour porter au col, eut une chaisne d’or pesante vingt et cinq mille soixante et trois marcs d'or. faicte en forme de grosses bacces, entre lesquelles estoient en œuvre gros jaspes verds engravés, et taillés en dracons, touts environnés de rais et estincelles, comme les portoit jadis le roi Necepsos : et descendoit jusques à la bouque du hault ventre ; dont toute sa vie en eut l’émolument tel que sçavent les médicins grégeois.

Pour ses gands furent mises en œuvre seze peaulx de lutins, et trois de loups garous pour la brodure d'iceulx. Et de telle matière lui furent faicts par l’ordonnance des cabalistes de Sainlouand (2).

Pour les anneaulx (lesquels voulut son père qu’il portast pour renouveller le signe antique de noblesse), il eut au doigt indice de sa main gausche, une escarboucle grosse comme un œuf d’austruche, enchassée en or de seraph bien mignonnement. Au doigt médical d'icelle, eut un anneau faict des quatre mélaulx ensemble, en la plus merveilleuse façon que jamais fut vue, sans que l'acier froissast l'or, sans que l'argent foullast le cuivre. Le tout fut faict par le capitaine Chappuys, et Alcofribas son bon facteur. Au doigt médical de la dextre eul un anneau faict en forme spirale, auquel estoient enchassés un balai en perfection, un diamant en poincte, et une esmeraugde de Physon, de prix inestimable. Car Hans Carvel, grand lapidaire du roi de Melinde, les estimoit à la valeur de soixante neuf millions huict cents nonante et quatre mille dix et huict moutons à la grand’ laine : aultant l’eslimarent les Fourques d'Augsbourg.