CHAPITRE XXXVI
Comment, par les Andouilles farouches, est dressée embuscade contre Pantagruel.
Ce disant Xenomanes, frère Jean apperceut vingt et cinq ou trente jeunes Andouilles de légère taille sus le havre, soi retirantes le grand pas vers leur ville, citadelle, chasteau et roquelte de cheminées, et dist à Pantagruel : « Il y aura ici de l’asne, je le prévoi. Ces Andouilles vénérables vous pourraient par adventure prendre pour Quaresmeprenant, quoi qu'en rien ne lui sembliez. Laissons ces repaissailles ici, et nous mettons en debvoir de leur résister. — Ce ne seroit, dist Xenomanes, pas trop mal faict. Andouilles sont Andouilles, tousjours doubles et traîtresses. »
Adoncques se lève Pantagruel de table pour descouvrir hors la touche de bois : puis soubdain retourne, et nous asseure avoir à gausche descouvert une embuscade d’Andouilles farfelues, et du costé droict, à demie lieue loing de là, un gros bataillon d’aulires puissantes et gigantales Andouilles, le long d'une petite colline, furieusement en bataille marchantes vers nous, au son des vezes et piboles, des gogues et des vessies, des joyeux pifres et tabours, des trompettes et clairons. Par la conjecture de soixante et dixhuit enseignes qu'il y comptoit, estimions leur nombre n’estre moindre de quarante et deux mille. L'ordre qu'elles tenoient, leur fier marcher el faces asseurées nous faisoient croire que ce n'estoient Friquenelles, mais viéilles Andouillés de guerre. Par les premières filières, jusqués près les enseignes, estoient toutes armées à haut appareil, avecques piques petites, comme nous sembloit de loing, toutesfois bien poinc-
jeune). «Je soulagerai,
tues et acérées; sur les ailes estoient flanquégées d'un grand nombre de Boudins sylvatiques, de Godiveaulx massifs et Saulcissons à cheval, touts de belle taille, géns insulaires , bandolliers et farouches.
Pantagruel fut en grand esmoi, et non sans Cause : quoi qu'Epistemon lui remonstrast que l'usance et coustume du pays andouillois povoit estre ainsi caresser et en armes recepvoir leurs amis estrangers : COMME sont les nobles rois de France, par les bonnes villes du royaulme, receus et salués à leurs premières entrées, après leur sacre et nouvel advènement à la couronne. « Par adventure, disoit-il, est-ce la garde ordinaire de la reine du lieu, laquelle, advertie par les jeunes Andouilles du guet que veistes sus l'arbre, comment en ce port surgeoit le beau et pompeux convoi de vos vaisseaulx, ha pensé que là debvoit estre quelque riche et puissant prince ; et vient vous visiter en personne. »
De ce non satisfaict, Pantagruel assembla son conseil pour sommairement leur advis entendre sur ce que faire debvoient en cestui estrif d'espoir incerfain et crainte évidente. Adoncques brièvement leur remonstra comment telles manières de recueil en armes avoit souvent porté mortel préjudice soubs couleur de caresse et amitié. « Ainsi, disoit-il, l'empereur Antonin Caracalle à l'une fois occit les Alexandrins ; à l'aultre desfist la compagnie d’Artaban, roi de Perse, soubs couleur et fiction de vouloir sa fille espouser. Ce que ne resta impuni; car peu après il y perdit la vie. Ainsi les enfants de Jacob,
our venger le rapt de leur sœur Dina, sacmentarent es Sichémiens. En ceste hypocritique façon, par Galien, empereur romain, furent les gens de guerre deffaicts devant Constantinople. Ainsi, soubs espèce d'amitié, Antonius attira Artavasdes, roi d'Arménie; puis le feit lier et enferrer de grosses chaisnes : finablement le feit occire. Mille aultres pareilles histoires trouvons-nous parmi les antiques monuments. Et à bon droict est jusques à présent de prudence grandement loué Charles, roi de France, sixiesme de ce nom, lequel retournant victorieux des Flamens et Gantois en sa bonne ville de Paris, et, au Bourget en France, entendent que les Parisiens avecques leurs maillets (dont feurent depuis surnommés maillotins) estoient hors la ville issus en bataille jusques au nombre de vingt mille combattants, n'y voulut entrer (quoi qu'ils remopstrassent que ainsi s’estoient mis en armes pour plus honorablement le recueillir sans aultre fiction ne maulvaise affection), que premièrement ne se fussent en leurs maisons retirés et désarmés.
