CHAPITRE XXX VII

Comment Pantagruel manda quérir les capitaines Riflandouille et Taïlleboudin , avecques un notable discours sus les noms propres des lieux et des personnes.

La résolution du conseil fut qu'en tout événement ils se tiendroient sus leurs gardes. Lors, par Carpalim et Gymnaste, au mandement de Pantagruel, furent appellés les gents de guerre, qui estoient dedans les naufs Brindière (desquels coronel estoil Riflandouille) et Portoirière (desquels coronel estoit Tailleboudin le dist Panurge, Gymnaste de ceste poine. Aussi bien vous est ici sa présenee nécessaire.-—Par le froc que je porte, dist frère Jean, tu te veux absenter du combat, couillu, et ja ne retourneras, sus mon honeur. Ce n'est mie grande perte. Aussi bien ne feroit-il que plourer, lamenter, crier et descourager les bons souldars. — Je relournerai Certes, dist Panurge, frère Jean, mon pére spirituel, bien tost. Seulement donnez ordre à ce que ces fascheuses Andouilles ne grimpent sus les naufs. Ce pendent que combatirez, je prierai Dieu pour vosire victoire,

Adoncques se lève Pantagruel de table pour descouvrir hors la touche de bois (page 239).

à l'exemple du chevaleureux capitaine Moses, conducteur du peuple israélique. — La dénomination, dist Epistemon à Pantagruel, de ces deux vostres coronels Riflandouille et Tailleboudin, en cestui conflict nous promet asseurance, heur et victoire, si par fortune ces Andouilles nous vouloient oultrager. — Vous le renez bien, dist Pantagruel : et me plaist que par es noms de nos coronels vous prévoyez et prognostiquez la nostre victoire. Telle manière de prognostiquer par noms n'est moderne. Elle fut jadis célébrée et religieusement observée par les pythagoriens. Plusieurs grands seigneurs et empereurs en ont jadis bien faict leur profict. Octavian Auguste, second empereur de Rome, quelque jour rencontrant un paysan nommé Eutyche, c'est à dire bien fortuné, qui menoit un asne nommé Nicon, c'est en langue grecque Victorien , mu de la signification des noms tant de l’asnier que de l’asne, s’asseura de toute prospérité, félicité et victoire. Vespasian, empereur pareillement de Rome, estant un jour seulet en oraison on temple de Serapis, à la vue et venue inopinée d'un sien serviteur nommé Basilides, c'est à dire Royal, lequel il avoit loing derrière laissé malade, print espoir et asseurance d'obtenir l'empire romain. Regilian, non

pour aultre cause ne occasion, fut par les gents de guerre esleu empereur, que par signification de son propre nom. Voyez le Cratyle du-divin Platon... — Par ma soif, dist Rhizotome, je le veulx lire. Je vous oi souvent le alléguant. — Voyez comment les pythagoriens, par raison des noms et nombres, concluent que Patroclus debvoit estre occis par Hector, Hector par Achilles, Achilles par Paris, Paris par Philoctetes. Je suis tout confus en mon entendement, quand je pense en l'invention admirable de Pythagoras, lequel, par le nombre par ou impar des syllabes d’un chascun nom propre, exposoit de quel costé estoient les humaiüs boiteux, bossus, borgnes, goutteux, paralytiques, pleuritiques, et aultres tels maléfices en nature : sçavoir est assignant le uombre par au costé gausche du corps, le impar au dextre., — Vraiement, dist Epistemon, j'en vid l'expérience à Xainctes en une procession générale, présent le tant bon, tant vertueux, tant docte et équitable président Briand Vallée, seigneur du Douhet. Passant un boiteux ou boiteuse, un borgne ou borgnesse, un bossu ou bossue, On lui rapportoit son nom propre. Si les syllabes du nom esloient en nombre impar, soubdain, sans voir les personnes, il les disoit estre maléficiés, bor-

ge SE + TR

gnes, boiteux, bossus du costé dextre. Si elles éstoient en nombre par, du costé gausche. Et ainsi estoit à la vérité, onques n'y trouvasmes exception. — Par ceste invention, dist Pantagruel, les doctes ont affermé que Achilles, estant à genoils, fut par la flesche de Pâris blessé on talon dextre. Car son nom est de syllabes impares. (Ici est à noter que les anciens s'agenoilloient du pied dextre.) Venus, par Diomedes devant Troie, blessée en la main gausche, car son nom en grec est de quatre syllabes (1). Vulcan (2), boiteux du pied gausche, par mesme raison. Philippe, roi de Macédonie, et Hannibal, borgnes de l'œil dextre. Encores pourrionsnous particulariser des ischies, hernies, hémicraines, par ceste raison pythagorique. Mais pour retourner aux noms, considérez comment Alexandre le grand, fils du roi Philippe, duquel avons parlé, par l'interprétation d’un seul nom, parvint à son entreprinse. Il assiégeoit la forte ville de Tyre, et la battoit de toutes ses forces par plusieurs sepmaines; mais c’estoit en vain. Rien ne profictoient ses engins et molitions. Tout estoit soubdain démoli et remparé par les Tyriens. D'ond print phantasie de lever le siége, avecques grande mélancholie, voyant en cestui département perte insigne de sa réputation. En tel estrif et fascherie s'endormit. Dormant, songeoit qu'un satyre estoit dedans sa tente, dansant et saultelant avecques ses jambes bouquines. Alexandre le vouloit prendre ;

(4) Aphrodité.

(2) Ephaïstos.

as SSRS S:

SRRSSSS :

S à IIS ÈÈINNKK ÈS IRIS

le satyre tousjours lui eschappoit Enfin le roi, le poursuivant en un destroict, le happa. Sus ce poinct s'esveigla ; et racomptant son songe aulx philosophes et gents sçavants de sa court, entendit que les dieux lui promettoient victoire, et que Tyre bien tost seroit prinse : car ce mot salyros, divisé en deux, est sa Tyros, signifiant : «Tienne est Tyre.» De faict, au premier assaut qu'il feit, emporta la ville de force, et en grande victoire subjugua ce peuple rebelle. Au rebours, considérez comment, par la signification d’un nom, Pompée se désespéra. Estant vaincu par Cesar en Ja bataille Pharsalique, ne eut moyen aultre de soi saulver que par fuite. Fuyant par mer, arriva en l'isle de Cypre. Près la ville de Paphos, apperceut sus le rivage un palais beau et sumplueux. Demandant au pilot comment l'on nommoit cestui palais, entendit qu'on le nommoit sakobasilea, c’est à dire, Mal-roi. Ce nom lui fut en tel effroi et abomination, qu'il entra en désespoir, comme asseuré de n’évader que bien tost ne perdist la vie. De mode que les assistants et nauchers ouirent ses cris, souspirs et gémissements. De faict, peu de temps après, un nommé Achillas, paysan incognu, lui trancha la teste. Encores pourrions-nous à ce propos alléguer ce que advint à L. Paulus Emilius, lors que par le sénat romain fut esleu empereur, c'est à dire chef de l'armée qu'ils envoyoient contre Perses, roi de Macédonie. Icellui jour, sus le soir retournant en sa maison pour soi apprester au deslogement, baisant une sienne petite-fille nommée Tralia, advisa qu’elle estoit aulcunement triste.

Paris. — Impr. Lacour er C°, rue Soufflot, 46. 31

mes

« Qu'y hail, dist-il, ma Tratia ? Pourquoi es-tu ainsi triste et faschée ? — Mon père, respondit-elle, Persa est morte. » Ainsi nommoit-elle une petite chienne, qu’elle avoit en délices. À ce mot print Paulus asseurance de la victoire contre Perses. Si le temps permettoit que puissions discourir par les sacres Bibles des Hébreux, nous trouverions cent passages insignes nous monstrants évidemment en quelle observance et religion leur estoient les noms propres avec leurs significations. »

« Sus la fin de ce discours arrivarent les deux coronels accompagnés de leurs souldars, touts bien armés et bien délibérés. Pantagruel leur feit une briève remonsirance, à ce qu'ils eussent à soi monstrer vertueux au combat, si par cas estoient contraincts (car encores ne povait-il croire que les Andouilles fussent si traitresses) avecques deffense de commencer le hourt, et leur bailla Mardigras pour mot du guet.