CHAPITRE XL
Comment par frère Jean est dressée la truie, et les preux cuisiniers dedans enclos.
Lors, au mandement de frère Jean, fut par les maistres ingénieux dressée la grande truie, laquelle estoit dedans la nauf bourrabaquinière. C’estoit un
oo
engin mirifique, faict de telle ordonnance, que des gros Couillarts qui par rancs estoient autour, il jectoit bedaines et quarreaulx empennés d'acier ; et dedans la quadrature duquel povoient aisément combattre et à couvert demourer deux cents hommes et plus: et estoit faict au patron de la truie de la Riole, moyennant laquelle fut Bergerac prins sus les Anglois, regnant en France le jeune roi Charles sixiesme.
Claquedents. Gauffreux.
Badigoincier. Saffranier.
Myrelanguoi. Malparouart.
Becdassée. Antitus.
Rincepot. Navelier.
Urelelipipingues. Rabiolas.
Maunet. Boudinandière.
Godepie. Cochonnet.
Ensuit le nombre et les noms des preux et vaillants cuisiniers, lesquels, comme dedans le cheval de Troie,
entrarent dedans la truie.
Saulpiquet,. Crespelet.
Ambrelin. Maistre Hordoux.
Gavache. Grasboyau.
Lascheron. Pillemortier.
Porc-an-sou. Leschevin.
Salezart. Saulgrenée.
Maindegourre. Cabirotade.
Paimperdu. Carbonnade.
Lasdaller. Fressurade.
Pochecuilliere. Hoschepot,.
Moustamoulue. Hasteret.
Balafré. Galimafré.
Touis ces nobles cuisiniers portoient en leurs armoiries, en champ de gueule, lardoire de sinople fessée d'un chevron argenté penchant à gausche.
Lardonnet. Lardon. Rondlardon.
Croquelardon. Antilardon.
Tirelardon. Frizelardon.
Graslardon. Lacelardon.
Saulvelardon. Grattelardon.
Archilardon. Marchelardon.
Guaillardon (par syncope, natif près de Rambouillet. Le nom du docteur culinaire estoit Guaillartlardon. Ainsi dictes-vous Idolatre pour Idollatre.)
Roïdelardon. Bellardon.
Astolardon. Neuflardon.
Doulxlardon. Aigrelardon, Maschelardon. Billelardon.
Trappelardon. Guignelardon.
Bastelardon. Poiselardon.
Guillelardon. Vezelardon.
Mouschelardon. Myrelardon.
: Noms incognus entre les maranes et juifs.
Couillu. Frelault.
Saladier. Benest.
Cressonnadière. Jusverd.
Raclenaveau. Marmitige.
Cochonnier. Accodepot.
Peaudeconnin. Hoschepot.
Apigratis. Brisepot.
Pastissandiere. Gallepot.
Raslard. Frillis.
Francheugnet, Gorge salée.
Moustardiot. Escargoutandière, Vinetteux. Bouillonsec.
Potageouart. Souppirnars.
Eschinade. Macaron. Prezurier. Escarsauffle.
Briguaille. {Cestui fut de cuisine tiré en chambre pour le service du noble cardinal le Veneur.)
Gasterost. Hastiveau.
Escouvillon. Alloyaudière.
Beguinet. Esclanchier.
Escharbottier. Gastelet.
Vitet; Rapimontes.
Vitault. Soufflemboyau.
Vitvain. Pelouze.
Jolivet. Gabaonite.
Vitneuf. Bubatin.
Vistempenard. Crocodillet.
Victorien. Prelinguant.
Vitvieulx. Balafré.
Vitvelu. Maschourré.
Mondam (inventeur de la saulse Madame, et pour teile
invention fut ainsi nommé en language escosse-françois).
Robert. (Cestui fut inventeur de la saulse Robert, tant salubre et nécessaire aulx connils rostis, canars, porc frais œufs pochés, merlus salés, et mille aultres telles viendes.)
Froiddanguille. Sacabribes.
Rougenraie. Olymbrius.
Gourneau. Fouquet.
Gribouillis. Dalyqualquin.
Salmigondin. Mucidan.
Gringalet. Matatruis.
Aransor Cartevirade.
Talemouse. Coquesigrue.
Saulpoudré. Grosbec.
Paellefrite Frippelippes.
Landore. Friantaures. Calabre. Gaffelaze.
Navelet. Visedecache.
Foirart, Badelory.
Grosgallon, Vedel.
Brenous. Braguibus.
Dedans la truie entrarent ces nobles cuisiniers gaillards, galants, brusques et prompts au combat. Frère Jean , avecques son grand badelaire, entre le dernier et ferme les portes à ressort par le dedans.
