CHAPITRE XLI
Comment Pantagruel rompit les Andouilles au genoil.
Tant approcharent ces Andouilles que Pantagruel apperceut comment elles desployoient leurs bras, et Ja commencçoient baisser bois. Adoncques envoye Gymnaste entendre ce qu'elles vouloient dire, et sus quelle querelle elles vouloient sans deffiance guerroyer contre leurs amis antiques, qui rien n’avoient meffaict ne mesdict. Gymnaste, au devant des premières filières feit une grande et profunde révérence, et s’escria tant qu'il peut, disant : « Vosires, vostres , vostres sommes-nous trestouts , et à commandement. Touts tenons de Mardigras, vostre antique confédéré. »
Aulcuns depuis m'ont racompté qu'il dist Gradimars, non Mardigras. Quoi que soit, à ce mot un gros Cervelat saulvage et farfelu, anticipant devant le front de leur bataillon, le voulut saisir à la gorge. « Par Dieu, dist Gymnaste, tu n’y entreras qu’à taillons, ainsi entier ne pourrois tu. » Si saque son espée Baisemon-Cul (ainsi la nommoit-il) à deux mains, et trancba le Cervelat en deux pièces. Vrai Dieu, qu'il estoit gras! Il me soubvint du gros taureau de Berne, qui fut à Marignan lué à la deffaicte des Souisses. Croyez qu'il n’avoit gaires moins de quatre doigts de lard sus Île ventre. Ce Cervelat escervelé, coururent Andouilles sus Gymnasle , et le terrassoient villainement, quand Pantagruel avecques ses gentis accourrut le grand pas au secours. Adoncques commença le combat martial pesle mesle. Riflandouille rifloit Andouilles. Tailleboudin tailioit Boudins. Pantagruel rompoit les Andouilles au genoil. Frère Jean se tenoit coi dedans sa truie tout voyant et considérant, quand les Godivéaulx, qui estoient en embuscade, sortirent touts en grand effroi sus Pantagruel. Adoncques voyant frère Jean le desarroi et tumulle, ouvre les portes de su truie, et sort avecques ses bons souldars, les uns portants broches de fer, les aultres lenants landiers, contrehastiers, paelles, pales, cocasses, grisles, fourgons, tenailles, lichefretes, ramons, marmites, mortiers , pistons; louis en ordre comme brusleurs de
244 CHEFS-D'OŒUVRE EUROPÉENS.
maisons : hurlants et criants touts ensemble espouventablement: « Nabuzardan, Nabuzardan, Nabuzardan ! » En tels cris et esmeutes choquarent les Godiveaulx, et à travers les Saulcissons. Les Andouilles soubdain apperceurent ce nouveau renfort, et se mirent en fuite le grand galop, comme si elles eussent vu les diables. Frère Jean à coup de bedaines les abattoit menu comme mousches : ses souldars ne s’espargnoient mie. C’estoit pitié. Le camp estoit tout couvert d'Andouilles mortes, ou navrées. Et dict le compte, que si Dieu n’y eust pourvu, la génération andouillique eust par ces souldars culinaires toute esté exterminée. Mais il advint un cas merveilleux. Vous en croirez ce que vouldrez. Du costé de la transmontane advola un grand, gras, gros, gris pourceau, ayant ailes longues et amples, comme sont les ailes d'un moulin à vent. Et esloit le pennage rouge cramoisi, comme est d’un phœnicoptère, qui en languegoth est appelé flammant. Les œils avoit rouges et flamboyants, comme un pyrope; les aureilles verdes comme une esmeraugde prasine, les dents jaulnes comme un topaze, la queue longue noire comme marbre lucullian ; les pieds blancs, diaphanes et transparents comme un diamant : et esloient largement patlés, comme sont des oies, et comme jadis à Tholose les portoit la reine Pedauque (1). Et avoit un collier d’or au col, autour duquel estoient quelques lettres ioniques, desquelles je ne pus lire que deux mots Y>z AGHNAN, pourceau Minerve enseignant. Le temps estoit beau et clair. Mais à la venue de ce monstre il tourna du costé gausche si fort, que nous restasmes touts estonnés. Les Andouilles soubdain que l'apperceurent jectarent leurs armes et bastons, et à terre toutes s’agenouillarent, levantes hault leurs mains joinctes, sans mot dire, comme si elles l’adorassent. Frère Jean, avecques ses gents, frappoit tousjours, et embrochoit Andouilles. Mais par le commandement de Pantagruel fut sonnée retraicte, et cessarent toutes armes. Le monstre, ayant plusieurs fois volé et revolé entre les deux armées, jecta plus de vingt et sept pippes de moustarde en terre : puis disparut volant par l’aer et (rs sans cesse : « Mardigras, Mardigras, Mardigras! »
