CHAPITRE XI

De l'adolescence de Gargantun.

Gargantua, depuis les trois jusques à cinq ans, fut nourri et institué en toute discipline convenente, par le commandement de son père, et cellui temps passa comme les petits enfants du pays : c'est assavoir, à boire, manger et dormir; à manger, dormir et boire ; à dormir, boire el manger.

Tousjours se vaultroil par les fanges, se mascaroit le nez, se chauffourroit le visage, acculoit ses soliers, baisloit souvent aux mousches, et couroit voluntiers après les parpaillons, desquels son père tenoit l'empire. 1] pissoit sur ses soliers, il chioit en sa chemise, il se mouschoit à ses manches, il morvoit dedans sa soupe; et patrouilloit par tout ; et buvoit en sa pantoufle, et se frottoit ordinairement le ventre d'un panier. Ses dents aguisoit d'un sabot, ses mains lavoit de potage, se peignoit d'un goubelet, s'asseyoit entre deux selles le cul à terre, se couvroit d’un sac mouillé, buvoit en mangeant sa soupe, mangeoit sa fouace sans pain, mordoit en riant, rioit en mordant, souvent crachoit au bassin, petoit de graisse, pissoit contre le soleil, se cachoit en l'eau pour la pluie, battoit à froid, songeoit creux, faisoit le succré, escorchoit le regnard, disoit la patenostre du singe, retournoit à ses moutons, tournoit les truies au foin, battoit le chien devant le lion, mettoit la charrette devant les bœufs, se grattoit où ne lui demangeoit poinct, tiroit les vers du nez, trop embrassoit et peu estreignoit, mangeoit son pain blanc le premier, ferroit les cigales, se chatouilloit pour se faire rire, ruoit. très-bien en cuisine, faisoit gerbe de feurre aux dieux, faisoit chanter Magnificat à matines et le trouvoit bien à propos, mangeoit choulx et chioit porrée, cognoissoit mousches en laict, faisoit perdre les pieds aux mousches, ratissoit le papier, chauffourroit le parchemin, gagnoit au pied, tiroit au chevrotin, comptoit sans son hoste, battoit les buissons sans prendre les oisillons, croyoit que nues fussent paelles d’aerin, et que vessies fussent lanternes, tiroit d'un sac deux moultures, faisoit de l’asne pour avoir du bren, de son poing faisoit un maillet, prenoit les grues du premier sault, vouloit que maille à maille on feist les haubergeons, de cheval donné tousjours regardoit en la gueule, saultoit du coq à l’asne, mettoit entre deux verdes une meure, faisoit de la terre le fossé, gardoit la lune des loups. Si les nues tomboient, espéroit prendre les alouettes, faisoit de nécessité vertus, faisoit de tel pain soupe, se soucioit aussi peu des rais comme des tondus : touts les matins escorchoit le regnard. Les petits chiens de son père mangeoient en son escuelle; lui de mesme mangeoit avecques eulx. Il leur mordoit les aureilles, ils lui graphimoient le nez; il leur souffloit au cul, ils lui leichoient les badigoinces. Et sabez quey, hillots? Que mau de pipe vous byre {1}: ce petit paillard tousjours tastonnoit ses gouvernantes cen dessus dessous, cen davant darrière, harri bourriquet : et desja commencçoit exercer sa bra-

(4) On trouve dans ces deux dernières phrases des traces d’un patois du Midi: « Et savez-vous ce que sont les enfants (fillots) ? Que le mal du tonneau (l'ivresse) vous vire. »

60 CHEFS-D'OŒUVRE EUROPÉENS.

ea goss DR AU Un 6 OT PU Re ESS

guette. Laquelle un chascun jour ses gouvernantes ornoient de beaulx bouquets, de beaulx rubans, de belles fleurs, de beaulx flocquarts; et passoient leur temps à la faire revenir entre leurs mains, comme un magdaleon d'entract {1}. Puis s'esclaffoient de rire, quand elle levoit les aureilles, comme si le jeu leur eust plu. L'une la nommoit ma petite dille, l’aultre ma branche de coral, l’aultre mon bondon, mon bouchon, mon vibrequin, mon poussoir, ma terière, ma pendilloche, mon rude esbat roide et bas, mon dressoir, ma pelite andouille vermeille, ma petite couille

bredouille.

« Elle est à moi, disoit l’une. — C'est la mienne, disoit l’aultre. — Moi, disoit l'aultre, n'y aurai-je

rien? par ma foi, je la couperai doncques.— Ha ! cou-.

per ? disoit l’aultre, vous lui feriez mal : madame, coupez-vous la chose aux enfants? il seroit Monsieur

sans queue. »

Et, pour s'esbattre comme les petits enfants du pays, lui feirent un beau virolet des ailes d’un moulin à

vent de Mirebalais (2).