CHAPITRE XII
Des chevaux factices de Gargantua.
Puis, affin que toute sa vie fust bon chevaulcheur, l'on lui feit un beau grand cheval de bois, lequel il faisoit penader, saulter, voltiger, ruer et danser tout ensemble : aller le pas, ke trot, l'entrepas, le galop, les ambles, le hobin, le traquenard, le camelin et l’onagrier. Et lui faisoit changer de poil, comme font les moines de courtibaulx, selon les festes : de baïlbrun, d’alezan , de gris pommelé, de poil de rat, de cerf, de ronan, de vache, de zencle, de pécile, de pie, de leuce.
Lui-mesme, d’une grosse traine, feit un cheval pour la chasse; un aultre d'un fust de pressoir, à touts les jours; et d’un grand chesne, une mule avecques la housse, pour la chambre. Encores en eut-il dix ou douze à relais, et sept pour la poste : et touts mettoit coucher auprès de soi. Un jour le seigneur de Painensac visila son père en gros train et apparat, auquel jour l'estoient semblablement venus voir le duc de Francrepas, et le comte de Mouillevent. Par ma foi, le logis fut un peu estroict pour tant de gents, el singulièrement les estables : donc les maistre d’hostel et fourrier dudiet seigneur de Painensac, pour scavoir si ailleurs en la maison estoient eslables vaques, s’adressarent à Gargantua jeune garsonnet, lui demandants secrètement où estoient les estables des grands chevaulx, pensants que voluntiers les enfants decèlent tout. Lors il les mena par les grands degrés du chasteau, passant par la seconde salle en une grande galerie, par laquelle entrarent en une grasse tour, et culx montants par d'aultres degrés, dist le fourrier au maistre d’hostel : « Cet enfant nous abuse, car les eslables ne sont jamais au hault de la maison. — C'est, dist le maistre d’hostel, mal entendu à vous : car je sçai des lieux à Lyon, à la Basmette, à Chaisnon et ailleurs , où les estables sont au plus hault du logis : ainsi peult estre que derrière y ha issuë au monloir (3). Mais je le demanderai plus-asseurement. »
Lors demanda à Gargantua : « Mon petit mignon,
(1) Rouleau d'onguent.
(2) District du Poitou, dont le chef-lieu est la ville de Mirebelle?
(3) Les maisons appuyées sur la pente d'un coteau peu-
vent avoir des écuries à l'étage supérieur; et au sommet de
la colline, est un chemin commode où l’on peut monter à cheval.
où nous menez-vous? — À l’estable, dist-il, de mes grands chevaulx. Nous y sommes tantost; montons seulement ces eschalons. »
Puis les passant par une aultre grand'salle, les mena en sa chambre, et retirant la porte : « Voici, dist-il, les estables que demandez : voilà mon genet, voilà mon guildin, mon Javedan , mon traquenard. Et les chargeant d’un gros levier, Je vous donne, dist-il, ce frison ; je l'ai eu de Francfort, mais il sera vostre : il est bon petit chevalet, et de grand’ peine; avecques un tiercelet d’autour, demie douzaine d'hespagnols, et deux levriers, vous voilà rois des perdrix et lièvres pour tout cest hyver. — Par Saint Jean, dirent-ils, nous en sommes bien ; à cesle heure avons-nous le moine. — Je le vous nie, dist-il. Il ne fut trois jours ha céans, »
Devinez ici duquel des deux ils avoient plus matière, ou de soi cacher pour leur honte, ou de rire pour le passe-temps. Eulx en ce pas descendants touts confus, il demanda : « Voulez-vous une aubelière? — Qu'est-ce, disent-ils? —Ce sont, respondit-il, cingestroncs pour vous faire une muselière. — Pour ce jourd'hui, dist le maistre d'hostel, si nous sommes rostis, ja au feu ne bruslerons , car nous sommes lardés à poinct, à mon advis. O petit mignon, tu nous as baillé fein en corne : je te voirrai quelque jour pape. — Je l'entends, dist-il, ainsi : mais lors vous serez papillon : et ce gentil papegai sera un papelard tout faict. — Voire, voire, dist le fourrier. — Mais, dist Gargantua, devinez combien y ha de poincts d’aguille en la chemise de ma mère? — Seze, dist le fourrier. — Vous, dist Gargantua, ne dictes l'Evangile : car il y en ha sens davant et sens darrière (1), et les comptastes trop mal. — Quand? dist le fourrier. — Alors, dist Gargantua, qu'on feit de vostre nez une dille pour tirer un muid de merde : et de vostre gorge un entonnoir, pour la mettre en aultre vaisseau, car les fonds estoient esventés. — Cor Dieu, dist le maistre d’hostel, nous avons trouvé un causeur. Monsieur le jaseur, Dieu vous gard de mal, tant vous avez la bouche fraische (2).
Ainsi descendents à grand'haste, soubs l’arceau des degrés laissarent tomber le gros levier qu’il leur avoit chargé, dont dist Gargantua : « Que diantre vous estes maulvais chevaulcheurs ! Vostre courtault vous fault au besoing. S'il vous falloit aller d'ici à Cahusac, qu'aimeriez-vous mieulx, ou chevaulcher un oïson, oumener une truie en laisse? — J'aimerois mieulx boire | » dist le fourrier. |
Et ce disant, entrarent en la salle basse, où estoit toute la brigade : et racomptants ceste nouvelle histoire, les feirent rire comme un tas de mousches (3),
