CHAPITRE VIT

Comment nous fut monstré papegaut, à grande difficulté,

Le tiers jour continua en festins et mesmes ban quets que les deux précédents. Auquel jour Pantagruel requéroit instamment voir papegaut; mais éditue respondit qu'il ne se laissoit ainsi facilement voir. « Comment, dist Pantagruel, ha il l’armet de Pluton en teste, l'anneau de Gyges és gryphes, ou un camé léon au sein pour se rendre invisible au monde? — Non, respondit éditue, mais il par nature est d'accès un peu difficile. Je donnerai toutesfois ordre que le puissiez voir si faire se peult. » R

Ce mot achevé, nous laissa au lieu grignotants. Un

paris, — imp. Lacour ET C®, rue Souffiot, 46, 35

quart d'heure après, retourné, nous dist papegaut estre pour ceste heure visible; et nous mena en tapinois el silence droict à la cage en laquelle il estoit accroué , accompagné de deux petite cardingaux, et de six gros et gras évesgaux. Panurge curieusement considéra sà forme, ses gestes, son maintién, Puis s'escria à haulte voix, disant : « En mal añ soit la héste; il semble une duppe. — Parlez bas, dist éditue, de par Dieu, il ba aureilles, comme sagemeñt nota Michaël de Matiscone (1).—Si ha bien une duppe, dist Panurge.=-8i üne fois il vous enténd ainsi blasphémant, vous estes perdus, bonnes gents : voyez-vous là dedañs sa cage un bassin ? D'icellui sortira fouldre , tonnerre, esclairs , diables et tempeste ; par lesquels en un moment serez cent pieds soubs terre abyÿsmés. — Mieulx seroit, dist frère Jean, boire et banqueter. »

Panurge restoit en contemplation véhémente de .

papegaut et de sa Compagnie, quand il apperceut au dessoubs de sa cage une chevesche : adoncqués s'escria, disant : « Par la vertus de Dieu ,; nous Sommes ici bien pippés à pleines pippes, et mal équippés. Il y ha par Dieu de la pipperie, fripperie, et ripperie tant et plus en cemanoir. Regardez là cette chevesche; nous sommes par Dieu assassinés, = Parlez bas, de par Dieu! dist éditue, ce n’est mie une chevesche : il ect masle, c'est nn noble chevechier.—Mais, dist Pantagruel, faictes-nous ici quelque peu papegaut chanter, afin qu’oyons son harmonie.—Il re chante, respondit éditue, qu'à ses jours, ét ne mange qu'à ses heures. — Non fai-je, dist Panufge, mais toutes les heures sont miennes, Allons doncques boire d'aultant.— Vous, dist éditue, parlez à ceste heure correct; ainsi parlant, jamais ne serez hérétique. Allons. j'en suis d'opinion. »

Retournants à la buvette, apperceusmes un vieil évesgaut à teste verde, lequel éstoit accroué, accompagné d'un soufflegan et trois onocrotales (2), oiseaulx joyeux , et ronfloit soubs une feuillade. Près lui estoit une jolieabbegesse, laquelle joyeusement chantoit, ety prenions plaisir si grand que désirions touts nos membresen aureilles convertis, pour rien ne perdre de son chant, etdu tout, sansailleurs estre distraicts, y vaquer. Panurge dist : « Cette belle abhegesse se rompt la teste à force de chanter, et ce gros villain évesgaut ronfle ce pendent. Je le ferai bien chanter tantost de par le diable. » Lors sonna une cloche pendente sus sa cage; mais quelque sonnerie qu'il feist, plus fort ronfloit évesgaut, point ne chantoit. « Par Dieu, dist Panurge, vieille buze, par aultre moyen bien chanter je vous ferai. » Adoncques print une grosse pierre, le voulant férir par la moitié. Mais éditue s’escria, disant : « Homme de bien, frappe, féris, tue, et meurtris touts rois et princes du monde, en trahison, par venin, ou aullrement quand tu vouldras; déniches des cieulx les anges , de tout auras pardon du papegaut : à ces sacrés oiseaulx ne touche, d’aultant qu'aimes la vie, le profict, le bien, tant de toi que de tes parents et amis vivants et trespassés : encores ceux qui d’eulx après naistroient, en sentiroient infortune. Considère bien ce bassin.—Mieulx doncques vault, dist Panurge, boire d’aullant et banqueter. — Il dict bien, monsieur Antitus, dist frère Jean : ci voyant ces diablesd’oiseaulx, ne faisons que blasphémer ; mais vidant vos bouteilles et pots ne faisons que Dieu louer. Allons doncques boire d'autant. O le beau mot! »

Le troisième jour , après boire [comme entendez), nous donna éditue congé, Nouslui fismes présent d’un beau petit coulteau pargois, lequel il print plus à gré, que ne feit Artaxerxes le verre d’eau froide que lui présenta un paysan. El nous rémércia courtoisement, envoya en nos navires refraichissement de toutes munitions, nous soubhaila bon voyage, et venir à saulvement de nos personnes et fin de nos entreprinsés,

(1) Probablement l’évêque de Macon, avéc qui Rabelais se trouvait à Rome en 1536.

(2) D'un suffragant et de trois protonotaires,

te À

et nous feit promettre et jurer par Jupiter pierre, que nostre retour seroit par son territoire. En fin nous dist : « Amis, vous noterez que par le monde ha beaucoup plus de couillons que d'hommes, et de ce vous soubvienne. ÿ ; à