CHAPITRE XXXVHIT

Comment le pavé du temple estoit faict par emblémature admirable,

Lues ces inscriptions, jectai mes yéulx à la contemplalion du magnifique temple, et considérois l'incrédibile compacture du pavé, auquel par raison ne peult

0] y» ‘ à 2 A (1) [pos roc avr révre auveiran.

Retournons arrière. Par la mort bœuf, je meurs de male paour (page 303),

estre ouvrage comparé qui onques soit ou ait esté dessoubs le firmament, fust-ce le lithostrote du temple de Fortune en Préneste, au temps de Sylla; ou le pavé, des Grecs appellé Asarotum, lequel feit Sosistratus en Pergame. Car il estoit à ouvrage tesséré, en forme de pelits carreaulx, touts de pierres fines et polies, chascune en sa couleur naturelle : l'une de jaspe rouge tainct plaisamment de diverses macules; l’aultre d'ophite, l’aultre de porphyre, l’aultre de lycophthalme, semé de scintilles d'or menues comme atomes ; l'aultre d’agathe à unde de petits flammeaulx, confus et sans ordre, de couleur laictée ; l’aultre de chalcédoine trèsclair, l'aultre de jaspe verd, avec certaines veines rouges et jaulnes, et estoient en leur assiette desparties par ligne diagonale.

Dessus le portique, la structure du pavé estoit une emblémaiure, à petites pierres rapportées, chascune en sa naïve couleur, servants au dessein des figures; et

nee een ee de me on

Bas-relief du temple de Bacbuc [page 305),

estoit comme si par dessus le pavé susdict on eust semé une jonchée de pampre, sans trop curieux agencement. Car en un lieu sembloit estre espandu largement, en l'’aultre moins : et estoit ceste infoliature insigne en touts endroils, mais singulièrement y apparoissoient, au demi jour, aulcuns limaçons en un lieu, rampants sus les raisins, en aultres pelits lisars courants à travers le pampre; en aulire apparoissoient raisins à demi, et raisins totalement meurs : par tel art et engin de l'architecte composés et formés, qu'ils eussent aussi facilement deceu les estourneaulx et aultres petits oiselets, que feit la paincture de Zeuxis héracléotain : quoi que soit, ils nous tromparent trèsbien. Car à l'endroit auquel l'architecte avoit le pampre bien espais semé, craignants nous offenser les pieds, nous marchions hault et à grandes enjambées, comme on faict passant quelque lieu inégal et pierreux. Depuis, jectai mes yeulx à contempler la voulte du temple, avecques les parois, lesquels estoient touts incrustés de marbre et porphyre, à ouvrage mosaïque, avecques une mirifique emblémature, depuis un bout jusques à l’aultre, en laquelleestoit, commenceant à la part senestre de l'entrée, en élégance incroyable représentée la bataille que le bon Bacchus gagna contre les Indians, en la manière que s’ensuit.