CHAPITRE XXX VII
Comment les portes du temple par soi-mesmes admirablement s’entr'ouvrirent.
En fin des degrés rencontrasmes un portail de fin jaspe, tout compassé et basti à ouvrage et forme dorique, en la face duquel estoit, en lettres ioniques d'or irès-pur, escripteceste sentence, En oïn6 aléthéia. C'est à dire, en vin vérité. Les deux portes estoient d’aerain comme corinthian, massives, faictes à petites vignettes, enlevées, et esmaillées mignonnement selon l'exigence de la sculpture, et estoient ensemble joinctes et re-
fermées esgalement en leur mortaise, sans claveure et sans Calenas. sans liaison auleune. Seulement y pendoit un diamant indique, de la grosseur d’une febve égyptiaque, enchassé en or obryzé à deux poinctes, en figure hexagone et en ligne directe : de chascun costé, vers le mur, pendoit une poignée de scordon.Là nous dist nostre noble lanterne que eussions son excuse pour légitime, si elle désistoit plus avant nous conduire. Seulement qu'eussions à obtempérer és instructions de la pontife Bacbuc : car entrer dedans ne lui estoil permis pour certaines causes, lesquelles taire meilleur estoit à gents vivants vie mortelle, qu'exposer. Mais en tout événement, nous commanda estre en cerveau, n'avoir frayeur ne paour aulcune, et d’elle se confier pour la retraicte. Puis tira le diamant pendant à la commissure des deux portes, et à la dextre le jecta dedans une capse d'argent, à ce expressément ordonnée ; tira aussi de l’esseuil de chascune porte un cordon de saie cramoisine, longue d'une toise et demie, auquel pendoit le scordon ; Pattacha à deux boucles d'or expressément pour ce pendentes aulx costés, else retira à part.
Soubdainement les deux portes, sans que personne y touchast, de soi-mesmes s’ouvrirent, et s'ouvrant feirent non bruit strident, non frémissement horrible, comme font ordinairement portes de bronze rudes et pesantes, mais doulx et gracieux murmur, retentissant par la voulte du temple : duquel soubdain Pantagruel entendit la eause, voyant soubs l'extrémité de l'une et laultre porte, un petit cylindre, lequel par sus l'esseuil joignoit la porte, et se tournant selon qu'elle se retiroit vers le mur, dessus une dure pierre d'ophites, bien terse, et esgalement polie par son frottement, faisoit ce doulx et harmonieux murmur.
Bien je m'esbahissoi comment les deux portes, chascune par soi, sans l'impulsion de personne, estoient ainsi ouvertes : pour cestui cas merveilleux entendre, après que touts fusmes dedans entrés, je projectai ma vue entre les portes et le mur, convoiteux de scavoir par quelle force et par quel instrument s’estoient ainsi retraictes : doubtant que nostre amiable lanterne eust à la conclusion d'icelles apposé l'herbe dicte ethiopis, moyennant laquelle on ouvre toutes choses fermées : mais J'apperceu que, la part en laquelle les deux portes se fermoient, en la mortaise inférieure, esloit une lame de fin acier, enclavée sus le bronze corinthien.
J'apperceu d’advantage deux tables d’aimant indique, amples et espaisses en demie paulme, à couleur cérulée, bien licées et bien polies : d icelles toute l'espaisseur estoit dedans le mur du temple engravée, à l’endroict auquel les portes entièrement ouvertes avoient le mur pour fin d'ouverture.
Par doncques la rapacité et violence de l’aimant, les lames d'acier, par occulte et admirable institulion de nature, palissoient cestui mouvement : conséquemment les portes y estoient lentement ravies et portées, non tousjours toutesfois, mais seulement le diamant susdict osté : par la prochaine session duquel l'acier esloit de l’obéissance qu’il ha naturellement à l'aimant absoult et dispensé, ostées aussi les deux poignées de scordon, lesquelles nostre joyeuse lanterne avoit par le cordon cramoisi esloignées et suspendues, parce qu'il mortifie l’aimant, et le prive de ceste vertus attractive. En l’une des tables susdictes à dextre, estoit exquisitement insculpé en lettres latines antiquaires ce vers iambique senaire :
Ducunt volentem fata, nolentem trahunt (1).
« Les destinées meinent cellui qui consent, tirent cellui qui refuse. » En l’aultre je vid à senestre, en ma-
1) Vers de Sénèque.
g04 CHEFS-D'OEUVRE EUROPÉENS...
| | ! ji hu
juscules lettres ioniques élégantement insculpée, cette sentence :
