CHAPITRE XLI

Comment le temple estoit esclairé par une lampe admirable,

Avant qu'entrer en l'exposition de la Bouteille, je vous décrirai la figure admirable d'une lampe, moyennant laquelle estoit enlargie lumière par tout lé temple, tant Copieuse, qu'encores qu'il fust soubsterrain, on y

re ce

voyoit comme en plein midi nous voyons le soleil clair et serein, luisant sus terre. Au milieu de la voulte estoit un anneau d'or massif attaché, de la grosseur de plein poing : auquel pendoient de grosseur peu moindre trois chaisnes bien artificiellement faictes, lesquelles à deux pieds et demi en bas, comprenoient en figure triangle une lame de fin or, ronde, de telle grandeur que le diamètre excédoit deux coubdées et demie palme. En icelle estoient quatre bouques ou pertuis, en chascune desquelles estoit fixement retenue une boule vide, cavée par le dedans, ouverte de dessus, comme une petite lampe, ayant en circonférence environ deux palmes, et estoient toutes de pierres bien prétieuses : l'une d'arnéthyste, l’aulire de carboncle libyen, la tierce d'opale, la quarte de topaze. Chascune estoit pleine d'eau ardente cinq fois distillée par alambic serpentin , inconsumptible comme l'huile que jadis mit Callimachus en la lampe d’or de Pallas en acropolis d'Athenes, avec un ardent lychnion, part de lin asbestin (comme estoit jadis au temple de Jupiter en Ammonie; et le vit Cléombrotus philosophe très studieux), part de lin carpasien, lesquels par feu plustost sont renouvellés que consommés.

Au dessoubs d’icelle lampe, environ deux pieds et demi, lestrois chaisnes en leur figure première estoient embouclées en trois anses, lesquelles issoient d'une grande lampe ronde de crystallin très-pur, ayant en diamètre une coubdée et demie, laquelle au dessus estoit ouverte environ deux palmes : par ceste ouverture estoit au milieu posé un vaisseau de crystallin pareil, en forme de coucourde, ou comme un urinal : et déscendoit jusques au fond de la grande lampe, avecques telle quantité dé la susdicte eau ardente, que la flambe du lin asbestin estoit droictement au centre de la grande lampe. Sembloit donéques tout le corps sphérique d'icelle, ardre et flamboyer : parce que le feu estoil on centre et poinct moyen.

Et estoit difficile y asseoir ferme et constant regard, comme on ne peult au corps du soleil, obstant la matière de si merveilleuse perspicuité, et l'ouvrage tant diäphañe et subtil , par la réflexion des diverses couleurs (qui sont naturelles és pierres prétieuses) des quatre petites lampes supérieures à la grande inférieure, et d'icelles quatre estoit la splendeur en touts poincets inconstante et vacillante par le temple. Venant d'advantage icelle vague lumière toucher sus la polissure du marbre, duquel estoit incrusté tout le dedans du temple, apparoissoient telles couleurs que voyons en l'arc céleste, quand le clair soleil touche les nues pluvieuses.

L'invention estoit admirable : mais encores plus admirable, ce me sembloit, que le sculpteur avoit, autour de la corpulence d'icelle lampe crystalline, engravé, à ouvrage cataglyphe, une prompte et gaillarde bataille de petits enfants nuds, montés sus de petits chevaulx de bois, avecqués lances de virolets et pavois faicts subtilement de grappes de raisins, entrelacées de pampres , avecques gestes et efforts puériles, tant ingénieusement par art exprimés , que nature ne le pourroit. Et ne sembloient engravés dedans la matière : mais en bosse, ou pour le moins en crolesque apparoissoient enlevés totalement, moyennant la diverse él plaisante lumière, laquelle dedans contenue ressortissoit par la sculpture.

; CHAPITRE XLIL.

Comment par la pontife Bacbuc nous fut monstre dedans le temple une fontaine phantastique ; et comment l’eau de la fontaine rendoit goust de vin, selon l’imagination des buvants,

Considérants en extase cé temple mirifique et lampe mémorable, s’offrit à nous la vénérable pontife Bachuc

avecques sa Compagnie , à face joyeuse et riante : et nous voyant accoustrés comme ha esté dict, sans difficulté nous introduict au lieu moyen dutemple, onquel dessoubsla lampesusdite, estoit la belle fontaine phantastique (1\,d’étoffeet ouvrage plus prétieux, plus rare et mirifique , qu'onques n’en songea dedans les enfers Dédalus. Leslimbe, plintheetsoubassementd'icelleestoient de tres-pur et translucide alabastre, ayant haulteur de trois palmes, peu plus, en figure heptagone,esgalement

parti par dehors, avecques force stylobates, arulettes,

cymasules et undiculations doriques à l’entour. Par dedans estoit ronde exactement. Sus le poinct moyen de chascun angle, en marge, estoit assise une colomne ventriculée, en formed'un cycle d'ivoire ou balustre (les modernes architectes (2) l’appellent portri), etestoient sept-en nombre totalselon les sept angles. La longueur d'icelles, depuis les bases jusques aux architraves, estoil de sept palmes, peu moins, à juste el exquise dimension d'un diamètre passant par le centre de la circonference et rotondité intérieure. Et estoit l'assiette en telle composition, que projectants la vue derrière l’une, quelle que fust, en sa cave , pour regarder les autres opposites, trouvions le cone pyramidal de nostre ligne visuale finir au centre susdict, et là recepvoir, de deux opposiles, rencontre d’un triangle équilateral, duquel deux lignes partissoient également la colomne f{cellé que voulions mesurer), et passantes d'un costé el d’aultre, deux colomnes franches à la première, tierce partie d'intervalle, rencontroient leur ligne basique et fondamentale : laquelle par ligne casuelle, pourtraicte jusques au centre universel, également mi partie, rendoit en juste départ la distance des sept colomnes, et n'esloit possible faire rencontre d'aultrecolomne opposite par ligne directe, principiante à l'angle obtus de la marge, comme vous sçavez que, en toute figure angulaire impare, un angle toujours est au milieu des deux aultres trouvé intercalant. En quoi nous esloit tacitement exposé que sept demis diamètres font, en proportion géométrique, amplitude et distance, peu moins telle qu'est la circonférence de la figure circulaire de laquelle ils seroient extraicts, sçavoir est, trois entiers avecques une huictiesme partie et demie peu plus, ou une septiesme et demie peu moins, selon l'antique advertissement d'Euclide, Aristote, Archimèdes, et aultres.

La première colomne, sçavoir est cellelaquelleà l'entrée du temple s'objeotoit à nostre vue, estoit de sa-

. phyr azur etcéleste. La seconde, de hyacinthe, naïve-

ment la couleur {avecques lettres grecques À I en divers lieux}, représentant de cette fleur, en laquelle fut d'Ajax le sang cholérique converti. La tierce, de diamant anachite, brillant et resplendissant comme fouldre. La quarte, de rubis bailai, masculin et améthystizant, de manière que sa flamme et lueur finoit en couleur paonasse et violet, comme est l'améthyste. La quinte, d'esmeraugde, plus cinq cents fois magnifique qu'onques ne fut le colosse de Serapis dedans le labyrinthe des Egyptiens, plus floride et plus fuisante que n’estoient celles qu'en lieu des yeulx on avoit apposé au lion marbrin , gisant près Le tombeau du roi Hermias. La sexle, d'agathe plus joyeuse et variante en distinctions de macules et couleurs que ne fut celle que tant chère tenoit Pyrrhus roi des Epirotes. Laseptiesme, de sélénite transparente, en blancheur de bérylle, avec resplendeur comme de miel hymétian, et dedans y apparoissoit la lune, en figure et mouvement telle qu'elle est au ciel, pleine, silente, croissante ou descroissante.

Quisont pierres par les antiques Chaldéens et mages

(4) Ici, les éditions intercalent cinq lignes que le ma nuscrit reporte plus loin (page 308, 2e colonne, 3e alinéa). Nous adoptons cet ordre avec d'autant plus de confiance que nous ne trouvons aucun sens dans ce membre de phrase du texte vulgaire : « Car la plinthide était une fontaine phantastique... »

(2) Il y a ici quelque faute de copie : le manuscrit dit potrie, qui ne vaut guère mieux que portri. Peut-être faut-il lire portoire.

altribuées aux sept planètes du ciel. Pour laquelle chose par plus rude Minerve entendre, sus la première de saphyr. esloit au dessus du chapiteau à la vive et centriqueligne perpendiculaire eslevéeen plomb élutian bien prélieux. l'image de Saturne tenant sa faulx, ayant aulx pieds une grue d’or artificiellement esmaillée, selon Ja compétence des couleurs naivement deus à l'oiseau saturnin, Sus la seconde de hyacinthe, tour-

nant à gausche, estoit Jupiter en estain jovélian, sus

la poictrine un aigle d'or esmaillé selon le raturel. Sus la troisiesme, Phæbus en or obryzé, en sa main dextre uncoq blanc. Sus la quatriesme, en aerain corinthian, Mars, à ses pieds un lion. Sus la cinquiesme, Venus en cuivre, matière pareille à celle dont Aristonidas feit la statue d'Athamas exprimant en rougissante blancheur la honte qu'il avoitcontemplant Learcheson fils mort d'une cheute : à ses pieds une columbe. Sus la sixiesme, Mercure enhydrargyre fixe, malléable et immobile : à ses pieds une cigogne.Sus la septiesme, Luna en argent, àses piedsun lévrier. Et estoient ces statues de telle haulteur, qu'estoit la tierce partie des colomnes subjectes, peu plus : tant ingénieusement représentées, selon le pourtraict des mathématiciens, que le canon de Polycletus, lequel faisant fut dict l’art par aide de l'art avoir fait, à poine y eust esté receu à comparaison.

Les bases des colomnes, les chapiteaulx, les architraves, zoophores et corniches, estoient à ouvrage phrygien, massives, d'or plus pur et plus fin que n’en porte le Lez près Montpellier, Gange en Indie, le P6 en Italie, l'Hebrus en Thrace, le Tage en Espagne, le Pactole en Lydie. Les arceaulx entre les colomnes surgeoient de la propre pierre d'icelle jusques à la prochaine par ordre : sçavoir est de saphir vers le hyacinthe, de hyacinthe vers le diamant, et ainsi consécutivement. Dessus les arcs et chapiteaulx de colomne en face intérieure, estoit une coupe érigée pour couverture de la fontaine, laquelle derrière l'assiette des planètes commencçoit en figure heptagone, et lentement finissoit en figure sphéricque; et estoit le crystal tant émundé, tant diaphane et tant poli, entier et uniforme en toutes ses parties, sans vènes, sans nuées, sans glacons, sars capillaments, que Xenocrates onques n’en vid qui à lui fust à paragonner. Dedans la corpulence d’icelle estoient par ordre en figure et caractères exquis artificiellement insculpés les douze signes du zodiaque, les douze mois de l’an, avecques leurspropriétés, les deux solstices, les deux équinoxes, la ligne écliptique avecques certaines plus insignes esloilles fixes, autour du pole antarctique et ailleurs, var {el art el expression que je pensois estre ouvrage du roi Necepsus, ou de Petosiris, antique mathématicien.

Sus le sommet de la coupe susdicte, cotrespondant au centre de la fontaine, estoient trois unions élenchies, uniformes, de figure turbinée en totale perfection lacrymale , toutes ensemble cohérentes en forme de fleur de lis tant grandes, que la fleur excédoit une palme. Du calice d'icelles sortoit un carboucle gros comme un œuf d’austruche, taillé en forme heptagone (c'est nombre fort aimé de nalure) tant prodigieux et admirable, que, levant nos yeulx pour le contempler, peu s’en faillit que perdissions la vue. Car plus flamboyant, ne plus coruscant n’est le feu, le soleil, ne l'esclair, que lors il nous apparoissoit; et eust aussi facilement obscurci le pantarbe (1) de larchas magicien indique, que sont les estoilles par le soleil en clair midi, Tellement qu'entre justes estimateurs, jugé facilement seroit, plus estre en ceste fontaine et lampes ci-dessus descriptes de richesses etsingularités que n’en contiennent Asie, Afrique et Europe ensemble.

Aille maintenant se vanter Cléopatra, reine d'Egypte, avecques ses deux unions pendents à ses aureilles, desquels l’un, présent Antonius triumvir, elle par force de

(1) Sorte d'appareil destiné à inspirer l’admiration et le respect (du grec tarbe6) dont parle Philostrate, dans sa vie d’Apollonius.

CHEFS-D'OŒUVRE EUROPÉENS.

vinaigre fondit en eau et avala, estant à l'estimation de cent fois mille sexterces. |

Aille se pomper Lollie Plautine, avecques sa robe toute couverte d’esmeraugdes et marguarites, en tissure alternative, laquelle tiroit en admiration tout le peuple de Rome; laquelle on disoit estre fosse et magasin des vainqueurs larrons de tout le monde.

L'escoulement et laps de la fontaine estoit par trois tubes et canaulx faicts de murrhine, confinés en l'assiette de trois angles équilateraulx promarginares cidessus exposés : et estoient les canaulx produicts en ligne limaciale bipartiente. Nous, avoir iceulx considéré, ailleurs tournions nostre vue, quand Bacbuc nous commanda attendre à l’exiture de l’eau : lors entendismes un son à merveille harmonieux, obtus toutesfois el rompu, comme de loing venant et soubterrain. En quoi plus nous sembloit délectable, que si apert eust esté et de près oui. De sorte, qu’aultant, par les fenestres de nos yeulx, nos esperils s’estoient oblectés à la contemplation des choses susdictes, aultant en restoit-il aulx aureilles, à l'audience de ceste barmonie.

Adoncques nous dist Bacbuc : « Vos philosophes nient estre par vertus de figures mouvement faict, oyez ici et voyez le contraire. Par la seule figure limaciale que voyez bipartiente, ensemble une quintuple infoliature mobile à chascune rencontre iutérieure , telle qu'est en la vène cave on lieu qu’elle entre le dextre ventricule du cœur, est ceste sacrée fontaine escoulée, et par icelle une harmonie telle, qu’elle monte jusques à la mer de vostre monde » (1).

Puis commanda estre hanaps, tasses et goubelets présentés, d’or, d'argent, de crystal, de porcelline; et fusmes gracieusement invités à boire de la liqueur sourdente d'icelle fontaine, ce que fismes très voluntiers. Car, pour plainement vous advertir, nous ne sommes du calibre d'un tas de veaulx, qui, comme les passereaulx, ne mangent sinon qu'on leur tappe la queue, pareillement ne boivent ne mangent sinon qu'on les esrène à grands coups de levier : jamais personne n’esconduisons, nous invitant courtoisement à boire. Puis nous interrogua Bacbuc, demandant que nous en sembloit. Nous lui feismes response, que ce nous sembloit bonne et fraische eau de fontaine, limpide et argentine, plus que n’est Argyrondes en Etolie, Peneus en Thessalic, Axius en Mygdonie, Cydnus en Cilicie, lequel voyant Alexandre Macedon tant beau, tant clair et tant froid en cœur d'’esté, présupposa la volupté de soi dedans baigner au mal qu’il prévoyoit lui advenir de ce transitoire plaisir, « Ha, dist Bachbuc, voilà que c’est non considérer en soi, ne entendre les mouvements que faict la langue musculeuse, lorsque le boire dessus coule pour descendre non ès poulmons par l'artère inéguale comme a esté l'opinion du bon Platon, Plutarque, Macrobe et aultres, mais en l'estomach par l’œsophage. Gents pérégrins, avez-vous les gosiers enduicts, pavés et esmaillés, comme eut jadis Pithyllus, dict Teuthes, que de cette liqueur déifique onques n'avez le goust ne saveur recognu? Apportez ici, dist elle à ses damoiselles, mes descrottoires que sçavez, afin de leur racler, esmunder et nettoyer le palat. »

Feurent doncques apportés beaulx, gros et joyeux jambons, belles, grosses et joyeuses langues de bœuf fumées, saumates belles et bonnes, cervelats, boutargues, caviar, bonnes et belles saulcisses de venaison, ettels aultres ramonnières de gosier : par son commandement nous mangeasmes jusques-là, que confessions nos estomachs estre très bien escurés, et soif nous importuner assez fascheusement ; d'ond nous dist : « Jadis un Capitaine juif, docte et chevalereux, conduisant son peuple par les déserts en extrème famine, impétra des cieulx la manne , laquelle leur estoit de goust tel par

(1) Dans le manuscrit, ce chapitre en forme deux : le premier se termine ici. Le second commence par la phrase reportée de la page 307.

Ne 7/77 NE PA A Wa

Au bout estoit descript le pays d'Egypte, avecques le Nil et ses crocodiles, cercopithèques,

ibides, ete. (page 306)

imagination que par-avant réalement leur estoient les viendes. Ici de mesme, buvants de ceste liqueur mirifique, sentirez goust tel de vin, comme l'aurez imaginé. Or imaginez, et buvez. » Ce que nous feismes : puis s’écria Panurge, disant : « Par Dieu, c’est ici vin de Beaune, meilleur que onques jamais je bu, ou je me donne à nonante et seze diables. O, pour plus longuement le gouster, qui auroit le col long de trois coubdées, comme désiroit Philoxenus, ou comme une grue, ainsi que soubhaitoit Melanthius! — Foi de lanternier, s’escfia frère Jean, c’est du vin de Grave, gallant et voltigeant. O pour Dieu, amie, enseignezmoi la manière comment tel le faictes! — À moi, dist Pantagruel, il me semble que sont vins de Mirevaulx. Car, avant boire, je l’imaginois. Il n’ha que ce mal qu'il est frais, mais je dis froid plus que glace, que l'eau de Nonacris et Dircé, plus que la fontaine de Contoporie en Corinthe, laquelle glaçoit l'estomach et parties nutritives de ceulx qui en buvoient. — Beuvez, dist Bachuc, une, deux ou trois fois. Derechef changeants d'imagination, telle trouverez au goust saveur et liqueur comme l'aurez imaginé. Et d'oresenavant ne dictes qu'à Dieu rien soit impossible. — Onques, respondi-je, ne fut dict de nous, nous maintenons qu’il est tout-puissant. »