VIII. — De l’esté

… En esté, je ne sçai quel temps, ni quel vent courra; mais je sçai bien qu’il doibt faire chauld et régner vent marin. Toutesfois si aultrement arrive, pourtant ne fauldra renier Dieu. Car il est plus sage que nous, et sçait trop mieulx ce que nous est nécessaire que nous mesmes, je vous en asseure sus mon honeur, quoi qu’en ait dict (4) Haly et ses supposts. Beau fera se tenir joyeux, et boire frais; combien qu'aulcuns ayent dict, qu’il n’est chose plus contraire à la soif. Je Le croi. Aussi, contraria contrariis curantur (5).