CHAPITRE XLII

Comment l'escarmouche de Picrochole fut rencontrée par Gargantua , et comment le moine tua le capitaine Tiravant, puis fut prisonnier entre les ennemis,

Picrochole, à la relation de ceulx qni avoient évadé à la roupte, lors que Tripet fut estripé, fut esprins de grand courroux, ouyant que les diables avoient couru sus ses gents, et tint conseil toute la nuict : onquel Hastiveau et Toucquedillon conclurent que sa puissance estoit telle qu'il pourroit deffaire tous les diables d'enfer s'ils y venoient. Ce que Picrochole ne croyoit du tout, aussi s’en deffioit-il. Pourtant envoya soubs la conduicte du comte Tirayant pour descouvrir le pays, seze cents chevaliers, touts montés sur chevaulx légers en escarmouche, touts bien aspergés d’eau benicte, et chascun ayant pour leur signe une estole en escharpe, à toutes adventures, s'ils rencontroient les diables, que par vertus, tant de ceste eau gringoriane(2|, que des estoles, feissent disparoir et esvanouir. Coururent donc iceulx jusques près la Vauguyon et la Maladerie, mais onques ne trouvarent personne à qui parler, donc repassarent par le dessus, et en la loge el lugure pastoral, près le Couldray, trouvarent les cinq pélerins. Lesquels liés et baffoués emmenarent, comme s'ils fussent espies, nonobstant les exclamations, adjurations et requestes qu’ils feissent.

Descendus de là, vers Sévillé, furent entendus par Gargantua, lequel dist à ses gents : « Compagnons, il y à ici rencontre et sont en nombre trop plus dix fois que nous, choquerons-nous sus eulx ? — Que diable, dist le moine, ferons nous donc? Estimez-vous les hommes par nombre, et non par vertus.et hardiesse ? Puis s’escria : Choquons, diables, choquons! » Ce qu'entendents les ennemis pensoient certainement que fussent vrais diables : dont commencearent fuir à bride avalée, excepté Tiravant, lequel coucha sa lance en l'arrest, eten ferut à toute oultrance le moine, au milieu de la poictrine, mais rencontrant le froc horrifique, rebouscha par le fer, comme si vous frappiez d’une petite bougie contre une enclume. Adonc le moine avec son baston de croix lui donna entre col et collet sus l’os acromion si rudernent qu'il l’estonna, et feit perdre tout sens et mouvement, et tomba és pieds du cheval.

Et voyant l’estole qu'il portoit en escharpe, dist à Gargantua : « Ceulx-ci ne sont que prebstres, ce n’est qu'un commencement de moine : par sainct Jean, je suis moine parfaict, je vous en tuerai comme des mousches. » Puis le grand galop courut après, tant qu'il attrapa les derniers, et les abattoit comme sègle, frappant à tors et à travers. Gymnasle interrogua sus l'heure Gargantua, s'ils les debvoient poursuivre. A quoi dis! Gargantua : « Nullement. Car selon vraie discipline militaire, jamais ne fault mettre son ennemi en lieu

(4) En temps et lieu convenables.

(2) Gringoriane, pour grégorienne, du pape Grégoire Ier, grand promoteur de l’eau bénite.

88 CHEFS-D'OŒUVRE EUROPÉENS.

de désespoir. Parce que telle nécessité lui multiplie sa force, el accroist le courage, qui ja estoit déject et failli. Et n’y ha meilleur remède de salut à gents estommis et recreus que de n’espérer salut aulcun. Quantes victoires on! esté tollues des mains des vainqueurs par les vaincus, quand ils ne se sont contentés de raison; mais ont attenté du tout mettre à internécion et destruire totalement leurs ennemis, sans en vouloir laisser un seul pour en porter les nouvelles? Ouvrez tousjours à vos ennemis toutes les portes et chemins, et plustost leur faictes un pont d'argent, affin de les renvoyer. — Voire : mais, dist Gymnaste, ils ont le moine. — Ontils, dist Gargantua, le moine? Sus mon honneur, que ce sera à leur dommage. Mais affin de subvenir à touts hasards : ne nous relirons pas encores, attendons ici en silence. Car je pense ja assez cognoistre l'engin de nos ennemis : ils se guident par sort, non par conseil. »

Iceulx ainsi attendents soubs les noyers, ce pendent le moine poursuivoit, choquant touts ceulx qu'il rencontroit, sans de nulli avoir merci, jusques à ce qu'il rencontra un chevalier qui portoit en crouppe un des pauvres pélerins. Et là le voulant mettre à sac, s'escria le pélerin : « Ha! monsieur le priour, mon ami, monsieur le priour, saulvez-moi, je vous en prie.» Laquelle parole entendue se retournarent arrière les ennemis, et voyants que là n'estoit que le moine, qui faisoit cest esclandre, le chargearent de coups, comme on faict un asne de bois : mais de lout rien ne sentoit, mesmement quand ils frappoient sus son froc, tant il avoit la peau dure. Puis le baillarent à garder à deux archers, et tournants bride ne virent personne contre eulx : dont estimarent que Gärgantua estoit fui avec sa bande. Adonc coururent vers les noirettes tant roidement qu'ils purent pour les rencontrer, et laissarent là le moine seul avec deux archers de garde. Gargantua entendit le bruit et hannissement des chevaux, et dist à ses gents : « Compagnons, j'entends le irac de nos ennemis, et je appercoi aulcuns d’iceulx qui viennent contre nous à la foulle : serrons nous ici, et tenons le chemin en bon ranc; par ce moyen nous les pourrons recepvoir à leur perte, et à nostre honeur. »