CHAPITRE LI

Comment les victeurs Gargantuistes furent récompensés après la bataille,

Ceste concion faicte par Gargantua, furent livrés les séditieux par lui requis : exceplés Spadassin, Merdaille, et Menuail , lesquels estoient fuis six heures devant la bataille : l’un jusques au col de Laignel d’une traicte, l'aultre jusques au val &e Vire, l’aultre jusques à Logroine, sans derrière soi regarder, ni prendre haleine par chemin ; et deux fouaciers, lesquels périrenten la Journée. Auïtre mal ne leur feit Gargantua, sinon qu'il les ordonna pour tirer les presses à son imprimerie, laquelle il avoit nouvellement instituée. Puis ceux qui là estoient morts il feit honorablement inhumer en la vallée des Noirettes, et au camp de Bruslevieille. Les navrés il feit penser, et traicter en son grand nosocome. Après advisa és dommages faicts en la ville et habitants : et les feit rembourser de touts leurs intérests à leur confession et serment. Et y feit bastir un fort chasteau : y commettant gents et guet, pour à l'advenir mieulx soi deffendre contre les soubdaines esmeutes.

Au départir, remercia gracieusement tous les souldars de ses légions, qui avoient esté à ceste deffaicte : et les renvoya hyverner en leurs stations, et garnisons. Exceptés aulcuns de la légion décumane, lesquels il avoit veu en la journée faire quelques prouesses : et les capitaines des bandes, lesquels il amena avec soi devers Grandgousier.

À la vue et venue d'iceulx, le bon homme fut tant joyeux, que possible ne seroit le descripre. Adonc leur fit un festin le plus magnifique, le plus abundant, et le plus délicieux, que fut veu depuis le temps du roi Assuere. À l'issue de table, il distribua à chascun d'’iceulx tout le parement de son buffet, qui estoit au poids de dix huict cents mille quatorze bezants d'or en grands vases d'antique, grands pots, grands bassins, grandes tasses, coupes, potets, candelabres, calathes, nacelles, violiers, drageoïirs, et aultre telle vaisselle toute

d'or massif, oultre la pierrerie, esmail, et ouvrage qui par estime de touts excédoit en prix la matière d'iceulx. Plus leur feit compter de ses coffres à chascun douze cents mille escus contents. Et d'abundant à chascun d'iceulx donna à perpétuité (excepté s'ils mouroient sans hoirs) ses chasteaulx et ses terres voisines, selon que plus leur esloient commodes. A Ponocrates donna la Roche-Clermauld ; à Gymnaste, le Couldray : à Eudemon, Montpensier; le Rivau, à Tolmere ; à Ithybole, Montsoreau ; à Acamas, Candé; Varenes à Chironacte; Gravot, à Sebaste ; Quinquenais, à Alexandre; Ligre, à Sophrone, et ainsi de ses autres places.