MORT DU SIKE DE BEAUMONT

celle mesme année, en son hostel, en la ville de Bieaumont en Haynau , et fu ensepvelis as Cordeliers à Valenchienes moult honnourablement delés le bon conte Guillame de Haynau , son frère. Dieu leur faiche pardon ; car le gentil chevalier resgna moult vaillaument , et fu en son vivant moult amés de ses amis et redoublés de ses ennemis. Sy s'en râla son hirtaige (tout che qu'il en tenoit) as enfans monsigneur le conte Loys de Blois , qui furent fils de sa fille et qui adont estoient moult jovène , Loys , Jehan et Guis. Chil resgnèrent moult honnourablement et moult loyaument , sycomme vous orés recorder chy-avant en ceste matère.

Ensy se départy ceste grose armée du roy de Franche , et s'en râla cascun en son lieu.

Or vous parlerons du roy d'Engleterre , qui chevauchoit vers Escoche et avoit mandé que toutes ses gens le siévissent , et n'osoit nuls délayer , comment [que] che fust en tamps d'yvier. Le roy s'esploitoit moult et avoit fait venir à Sandvich et à Plumoude toute sa grosse navire , tout chergie de vins , de farines , de chars , de chervoises et de tout vivres pour siévir son ost apriès luy en Escoche, et ossy de grant foison d'engiens, d'espringalles , de canons et de toutes aultres artilleries ; car che estoit son entendement que du tout destruire et parhonnir Escoche , anchois qu'il retournast.

Or vous conteray de che bon chevalier messire Gautier de Mauny, d'un grant fait d'armes qu'il fist en che voiaige. Ils qui toudis estoit ententis à faire touttes honneurs et y veilloit et y travilloit nuit et jour, prist avecques luy LX compaignons bien montés et bien armés , et puis chevaucha tant jour et nuit devant le grant ost qu'il vint à

EXPÉDITION d'Edouard ni en Ecosse. 517

Bervich et se bouta ou chastel qui se tenoit englès et qui siet delés la cité , et adont messire Thomas Kol estoit chastelain. Quant le sire de Mauny fut venu jusques à là , il avisa et ymagina comment le plus tost il pouroit faire ouvrage qui apparust pour constraindre cheaulx de Bervich. Il avoit avec luy sept mineurs de levesquiet de Liège, car tondis les menoit-il vollentiers avoecq luy , puis qu'il pensoit à faire siège, ne assault à une fortresse. Sy les appella et leur dist : « Regardés entre vous se par mines « nous porimes entrer en ceste cité. » Il respondirent : « Sire , oyl. » — « Or vous aparliés et vous esploitiés , « adont dist le sire de Mauny , mettes vos hostieus en « euvre ; car se nous poons entrer par mines , je vous « feray tous riches. » Adont se ordonnèrent et commenchèrent à miner à l'endroit de une grose tour qui estoit sus les murs et respondant à le cité et servoit à l'encontre dudit castiel, et commenchèrent à four mouvant en l'emprise du chastiel. Il n'eurent gaire minet, ne aie avant que il trouvèrent de bieaus gros degrés bien assis et bien mâchonnés et une croûte toute vautée à manière de ung chelier,qui s'en aloitvers la cité de Bervich par desous les murs. Advint, entreus que ces mineurs minoient, [que] chil de la cité s'en perchurent bien, et bien savoient ly aucuns anchiens hommes que là en che contour il devoit avoir crouste et chelier qui aloit de la ville ou castiel. Sy se doubtèrent et esmaièrent durement qu'il ne fussent par là pris, et le remonstrèrent à aulcuns chevaliers d'Escoche qui là estoient pour garder la cité, et leur dirent qu'il s'avisaissent ; car il estoient en grant volenté que de yaus rendre à monseigneur Gautier de Mauny et anchois que le roy englès y peuist venir, ne qu'il fussent pris par forche. Quant les Escochois qui là estoient, entendirent che langaige et perchurent le coraige des bourgois de Bervich, sy se doubtèrent que raauls ne

518 EXPÉDITION d'Edouard m

leur en venist. Sy se consillèrent et avisèrent entre yaulx sur elle, et toursèrent tout clie qu'il pourent et qui leur estoit [à la main], et se partirent un g jour et rentrèrent en leur pais , et à l'enderaain ung traitiet se fist entre cheaulx de Bervich et monsigneur Gautier de Mauny qu'il se reudroient sauve leurs corps et leurs biens, et les devoit le sire de Mauny parmy tant apaisier au roy d'Engleterre,ensy qu'il fist ; car le roy i entra le second jour apriès à grant joie.

De ceste aventure fust reconquise Bervich, et aquist le ï>ire de Mauny grant grâce, et dist bien le roy que c'estoit ung chevalier bien eureus et bien fortunés. Après che que le roy eult pris le saisine de la chité et mués tous les ofRssiers et mis y nouveaulx et deux bons chevaliers pour le garder, et quant le roy se fu reposé six jours et tout son ost, il se party et dist qu'il voUoit aler en Escoche plus avant et tout destruire le pais. Sy se partirent son ost et allèrent à leur ayse à che premier pour venir devers Handebourch, ardant et essilllant le plat pais ; mais riens n'y trouvèrent à rober, ne à pillier : mesmement il trouvèrent pau de fouraige pour les chevaulx, car le tamps estoit bien avant en yver. Sy eurent les Englès et les chevaulx moult de disettes, et estoient souvent resvilliés des Escochois quant il cuidoient le mieulx dormir. Toutesfois il chevauchèrent tant qu'il vinrent à Haindebourch la souveraine ville d'Escoche. Sy se loga le roy en le souveraine abéye dehors la ville, et le plus grand partie de ses gens en la ville, car elle n'estoit point fremée, mais il y a ung chastel qui siet au desoubs sur une roche haulte et belle, et est très-bien fremés, et adont y avoit dedens de bons chevaliers et des escuiers pour le garder. Quant le roy d'Engleterre fut venus à Handebourch, il y séjourna plus de wit jours en atendant ses prouvéanches et se navire qui le devoit sieuvir par mer ; mais point ne vinrent, car ils

EN ECOSSK.

eurent vent toudis sy contraire qu'il ne porent oncques à celle fois aprochier Escoche. Quant le roy englès vit che que ses pourvéanches ne venoient pas, ne le grant engien dont il devoit assallir Handebourcli et les aultres fortresses, sy eut consail qu'il retourneroit en ardant le plat païs d' Escoche.

Or advint, entreus qu'il gisoit en celle abéie, que la contasse de Douglas, une très-noble et bonne dame, jovène , frisque et lye et seur au conte de le Mare, se party d'Alquest, ung sien castiel à cinq lieues de Haindebourc , et vint veoir le roy assés honnourablement , dont le roy le rechut moult liement, et ly sceut grant gret de sa venue , et le festia du mieulx qu'il peult; car bien le sceult faire. La cose princhipalle qui amena la dame devers le roy, je le vous diray : che fu que elle ly pria que le plaine ville de Handebourch il le volsist déporter d'ardoir et de exillier. Le roy ly acorda. Celle grâce impétra le contesse de Douglas au roy à sa venue, et le fîst le roy reconduire jusque à Dalquest par deux de ses chevaliers, le seigneur de Moutbray et le seigneur de Noefville, et fu commandé au deslogier que nuls sur le hart ne boutast le fu, ne autrement, à le ville de Haindebourch.

Au retour que le roy d'Engleterre fîst pour revenir en son païs, il luy deubt estre près grandement mésavenu, et vous dy que les Englès chevauchoientpar routes, car il faisoitfroit et lait, ensy que il fait en yvier envers le Noël, et trouvèrent trop petitement à vivre pour yaulx et pour leur chevaulx. [Or] advint que messire Guillames Duglas, maris à la contesse dessus dite, qui se faisoit chief de tous les Escochois et estoit moult vaillant et saiges, s'estoit partys, atout V« compaignons preu et hardys, de la grant forest de Gedours pour poursiévir les Englès et pour leur porter damaige, s'il pooit, et tant les poursiévy que une fois il se

320 EXPÉDITION t)'ÉDOUARD III

mist eu une embusque entre raontaignes par où il convenoit le roy d'Engleterre passer et tous cheulx qui son chemin tenoient. Sy faisoit adoiit froit et lait et ventoit fort, et chevauchoient les Englès sans aroy et sans ordonnanche et par routtes. Sy laissèrent passer la première , la seconde et la tierche [route], et quant il virent la quatrième, pour che que elle estoit plus grosse des aultres, il Guidèrent que le roy y fust, et non estoit, mais à l'autre après, anchois y estoit le duc de Lancastre, qui chevauçoit en celle route. Adont sallirent les Escochois de leur embusque, et fërirent chevaulx des esporons en escriant : « Dou- « glas ! Douglas ! » et se boutèrent en ces Englès et en versèrent de première [venue] tantmaint à terre. Quant ly Englès virent les Escochois venir sur yaulx, sy furent tout efFraés, et nonpourquant il retournèrent, et comraenchèrent les archiers à tirer, et gens d'armes à yaulx deffendre. Les Escochois tiroient tondis avant pour venir à leur entente, pour trouver le roy ; mais il n'y estoit point et ne le trouvèrent point. Alors fu le duc de Lancastre très-bon chevalier , et bien le convenoit , et y fist de la main mainte apertise d'armes , et le roy qui chevauchoit derrière , et une grosse compaignie de gens, entendy que son cousin se combatoit et que ly Escochois l'avoient rencontré de une embusque. Adont fist ses gens haster et aller celle part. Quant les Escochois perchurent que il avoient fallit à leur entente et que le roy qu'il demandoient, n' estoit point en celle compaignie, et veoient que leurs ennemis leur croissoient durement sur les mains, sy se retrairent tout en combatant et saigement, et enmenèrent jusques à quinze bons prisonniers, dont il eurent des chevaliers de Brabant, et les aultres furent englès , et s'en retournèrent en la forest et entre les montaignes de quoy il faisoient leur fortresse. Depuis ceste aventure,