EN ECOSSE

chevauchèrent plus saigement les Englès et mieus ensamble , tant que il furent en leur pais. Sy s'en revint le roy à Neuf-Castiel, et passa la rivière de Thin et donna congiet toutes manières de gens.

Or vous dirons de monseigneur Edouart prinche de Galles et d'une grosse et belle chevauchie qu'il fist en celle saison en le Languedoc par l'enhort et confort des seigneur de Gascongne.

Vous avés bien oy recorder chy-dessus comment le prinche de Galles estoit venus à Bourdiaus atout grant foison de bons chevaliers de Engleterre à la pryère et requeste des Gascons, qui en furent moult resjoïs et confortés de se venue. Sy le festièrent moult honnourablement le plus qu'il peurent, et regardèrent comment il pouroient faire auchune course en Franche et emploier leur saison ; car le prinche leur en prioit que il y vosissent regarder, et avoit très-grant désir de che faire. Adont que chil signeur de Gascongne se furent pourveu, chascuns seloncq se quantité, de gens d'armes à cheval et à piet selonc leurusanche, premièrement le sire de Labreth et ses frères et ly captaus de Beus, le sire de Pumières, le sire de Lespare, le sire de Muchident, le sire de Coudon, messire Jehan de Caumont, messireAimeris de Tarse etpluiseurs aultres, il s'asamblèrent avecques les Englès, et furent bien XV lanches et II™ bidaus à piet parmy les Bernés et III™ archiers. Sy se partirent de Bourdiauls siévant contremont celle belle rivière de Géronde, et le vinrent passer à trois lieues de Toulouse, au pont que on dit Sainte-Marie, et puis entrèrent en che biauplain et craspaïs de Toulouse.

Adont estoit en Toulouse le conte d'Erminach, à grant foison de gens d'armes qui là estoient establis de par le roy de Franche ; mais adont il n'issy point contre les En-