LE ROI JEAN EST CONDUIT A LONDRES

qu'il vint ariver au havre de Zanduy. Au tierch jour le pi'inche s'en party, et le roy Jehan en se compaignie , et vinrent à Cantorbye et là firent leur offrande à monsigneur saint Tomas, et puis s'en partirent et esploitèrent tant que il vinrent à Londres où il furent rechut à grant joie. Sy fu le roy de Franche montés sur le plus biel coursier et le plus grant qui fust en toute Engleterre, et le prinche chevauchoit delés luy à nut chief sur une basse haghenée. Ensy passèrent-il tout au bout de Londres et tant qu'il vinrent à Wesmonstre, où ly rois et la roinne d'Engleterre atendoient le roy de Franche, et là fu-il requeilliet à grant révérense et à hault honneur, et tout ly barons de Franche qui là estoient, et tint le roy d'Engleterre court ouverte che souper, ne say trois ou quatre jours. Le roy de Franche vint demorer et tenir son ostel en l'ostel de Savoie sur le Tamise, et là alloit voiler, cachier et déduire autour de Londres ; mais il estoit bien gardés.

Or retournons-nous as advenues de Franche et du roy de Navare qui estoit hors de prison par le consentement des trois estas et d'aulcuns bourgois de Paris qui moult l'amoient , car il ly monstrèrent, et par espécial le prouvost des marchans.

En che tamps n'estoit la chité de Paris point frumée, syques chils prouvost des marchans qui fu ung moult saige et soubtis homs, avisa que il le feroit frumer à despens de la ville, et ymagina bien en soy-meismes que les besoignes ne se pooient ensy longement demorer, que la chité de Paris n'euistà faire ou de l'Empire ou du roy de Navarre ou du duc de Normendie et des gentils hommes ; car jà commenchoient-il à murmurer (le duc et son consail) sur chiaulx qui avoient mis paine et rendu conseil à le déli-