DESORDRES

yaulx et mandoient secours et confort à leurs amis en Flandres, en Haynau et en Brabant. Sy se commenchèrent les gentils hommes à esmouvoir contre ches Jakes et à yaulx envaïr , et en mist le sire de Couchy et ses gens à essil grant foison, parmi le confort d'aulcuns chevaliers de Haynau qui par prière y allèrent : ossy le roy de Navare qui oy parler des cribles fais qu'il faisoient. On en mist ung jour à l'espée plus de XV', et avoient ces raescans gens fait ung roy qui s'apelloit le roy Jaques Bon-homme, et euissent destruis toute gentillèche , se on ne leur fust aies au devant ; mais on y ala de tous pais , syque , quant on en eult ochis deux ou trois mille , les aultres resoignèrent , et se cloïrent pluiseurs chités et bonnes villes de Franche et n'en laissoient nul entrer en leur fortresses.

Entreus que ches meschans gens estoient en leur règne, il entendirent que le duc d'Orléans et se femme, la duchesse de Normendie et foison de dames et demoiselles estoient en la chité de Miauls et logiet ens ou marquiet de Miauls, qui est environné de la rivière de Marne. Sy vinrent esforchiement celle part pour ochire ycheulx et celles qui là estoient, et y venoient ches meschans gens par flos et par tropiaulx de là environ et par espésial de Paris, et en yssy à celle entente plus de XX"". Or tist Dieu sy belle grâce à le ducesse de Normendie et as dames et as demoiselles que le conte de Fois et le captai de Bues estoient revenu par là celle saison de Pruse. Sy estoient venu veoir ches dames , qui se complaindoient à yauls de ces mescans gens qui onsy les voUoient vergonder sans raison. Les dessus dis seigneurs en eurent grant pité et s'armèrent et firent armer ses gens et les gens du duc d'Orléans et de la duchesse de Normendie , et furent bien environ IP. Sy se mirent hors ou raarchiet contre ces mescans gens et les commenchèrent à envaïr et assallir de grant voUenté. Ches mescans gens