DE LA JACQUERIE

qui n'avoient mie apris à trouver tels gens d'armes, furent tous esbahis et commenchèrent à fuir et à reculler et par derière le marchiet , et furent mis hors de la porte du marchiet. Chil qui estoient derière et qui ressoignoient le péril , n'osèrent aller avant, mais refusoient et s'enfuioient. Que vous feroie-gelonc conte? Il furent de ces gens d'armes tout mis hors de la ville , et en y eult bien , mors, que noies, VI"°. Oncques depuis il n'eurent nulle vollenté de retourner celle part. Che bieau serviche firent ly conte de Fois et le capitaul de Beus à la duchesse de Normendie. Ossy ces communs de Paris , qui estoient wuidiet et party, n'avoient trouvé ne prouvost, ne aultre qui leur euist dit : « Ch'est mal fait, » ne ossy de leur follie il ne furent point corrigiet à leur retour.

En che tamps furent ochis ou palais à Paris en le cambre du duc messire Robert de Clermont, lemarescauls de Campaigne , le sire d'Esconflans et messire Simon de Bousies des gens du prouvost des marchans, dont le dit duc fut si effraés qu'il ne seult que faire ; car il furent abatu à ses pies, et cuida bien le duc de Normendie adont estre [ochis], et se party de Paris au plus tost qu'il peut , et s'en vint au Pont-à-Charenton. Adont entra le roy de Navarre en gouvernement de chiaulx de Paris, et fut tout mestre de cheaulx de la ville, et toudis nuit et jour faisoit le prouvost des marchans entendre à frumer Paris.

En che tamps fist une semonse et grant mandement de gens d'armes le duc de Normendie qui se tenoit au Pont-à-' Charenton, des nobles du roialme de France pour guerrier cheaulx de Paris, et eult bien VI™ chevaliers, que escuiers. Sy les envola courir devant Paris, et clowy le duc de Normendie les pas de Paris, que riens ne leur venoit par la