EUSTACHE DAUBRECICOURT CAPITAINE DES COMPAGNIES

En che tamps trespassa messire Pierres d'Audelée ou castel de Biauraont en Campaigne , lequel avoit esté ung grant capitaine entre les Englès, et avoit moult apovry le marche environ Chalons ettoutjusques à Sainte-Mènehaulten-Pertois. Quant il fut mors , les compaignons furent tout esbaliis et comment il se maintenroient et de qui il feroient ung capitaine. Sy regardèrent se il pouroient ravoir messire Ustasse d'Aubrechicourt qui en prison estoit en le conté de Vaudemont, et ne pouroient mieulx souhaidier. Sy envolèrent devers le chevalier qui le tenoit , et y ala monseigneur Corraigeus de Mauny , liquels esploita tant bien qu'il fut mis à rainchon à douze mille escus , et le racatèrent les compaignons, et firent tant, par venditions de chastieaulx et de rainchon donner, qu'il paia , et puis fut quites. Sitost que le dit messire Ustasses fu délivrés , il fist plus forte guerre que devant, et rasambla tous les compaignons et s'en vint en le marche de Rains en le conté de Réters, et prist Athegni-sur-Aisne et fist une grant garnison par lequelle il adamaiga et apovry moult le païs de là entour , dont le conte Lois de Flandres le prist en grant haine ; mais messire Ustasses de son mautalent n'en fist oncques conte, car il faisoit tout en l'ombre du roy d'Engleterre , son seigneur.

En che tamps mist sus le conte de Roussy grant gens d'armes par pryère pour aller devant Roussy et le recouvrer se il peuist, et y vinrent avecque luy les chevaliers et escuiers de là entour et les bourgois de Laon. Chil de le garnison de Roussy et chil de Vailly seurent celle assamblée. Sy yssirent hors et se combatirentà Franchois , lyquels furent desconfis et par le lascheté de cheulx de Laon; car, quant il deurent assambler, il s'enfuirent. Là fu de