ÎT, DLT, DE NORMANDIE REPOUSSE VS PROJET DE TRAITÉ
sèrent leurs fortresses, Pons-sur-Saine, Danmerj, Vertus. Espinay , Torchy, Plausy , Arsy, Méry-sur-Sainne et aultves, et furent tout chil castiel arière franchois. Et se porta sy bien le dit messire Brocars que il bouta hors de Carapaigne tous les Englès , et en la fin il ne peult estre payetde sesgaiges. Sy deffia cliiauls de Troies et courut sur le pais et ardy une bonne ville qui s'apelloit Bar-sur- Saine, et qiiant il eult assés pilliet et courut tout le païs , on le paia de tout che que il demandoit et plus encore. Sy s'en retourna en la ducé de Loraine dont il estoit.
Ossy chil de Mauconseil rendirent en che tamps leur garnison. Quant il eurent pilliet et reubé tout le païs d'environ yaulx, il le vendirent bien chier à chiaulx de Noïon et du plat païs, et puis s'en revinrent à Vely, et aulcuns à Cray et en le Hérielle.
En che tamps esquella le capital de Beus le castiel de Clerinont en Bieauvoisis .et le tint plus d'an et demy et régna et apouvry fort le païs de là environ.
En che tamps fu pourtraitiet en Engleterre entre le roy Jehan de Franche, qui là estoit prisonniers, et son consel, et le roy Edouart d'Engleterre et son consel , ung traitiet de pais, et fu ensy comme tout acordés, mais que il pleusist au duc de Normendie et à ses frères et as barons de Franche. En instanche de che que pour remonstrer cheste ordonnanche secrètement pourparlée entre les deux roys dessus nommés, rapassèrent la mer messire Jaques de Bourbon et le conte de Tancarville, et vinrent à Paris et remonstrèrent au duc et à ses frères et as barons de Franche qui là estoient assamblet, la cause pour quoy il estoient là venus et envoiet. Ly enfans dudit roy eurent sur che grant consail et ne respondirent mie trestost, et fu mandé
380 ARMEMENTS DU ROI d'aNGLETERRE.
le roy de Navarre qui envis euist veu le retour, ne le délivranche du roy de Franche, car trop le doubtoit. Finablement cheste cose ne se peult adont faire, ne passer ; car il sambla à pluiseurs dudit royalme que cheste pais se feroit trop grandement à le confusion et blâme des Franchois et du noble royalme de Franche , syque mieulx leur vailoit encore à souffrir che dangier où il avoit esté et estoit, quely nobles royalme fust ensy despechiet que le roy d'Engleterre le voUoit avoir. Sy s'en retournèrent arière ly doy dessus dis seigneurs en Engleterre, et tirent leur response au roy de Franche qui de ces nouvelles ne fut guères resjoïs, et dist tantost que le roy de Navarre avoit tout che brasset.
Quant le roy d'Engleterre entendy que par che party pais ne se feroit, sy jura que anchois que ly an fust passé , il enteroit si esforchiement en Franche qu'il en aroit en partie tout son bon, et jamais ne revenroit, sy seroit tout au dessus de son entente, ou il et ses enfans y demoroienfc en le painne. Sy fîst en chelle saison apareillier les plus belles et les plus grosses prouvéanches qui oncques euissent esté faites en Engleterre, pour passer mer , et envoia ses hiraus en AUemaigne pour avoir gens d'armes en leur senefîant que il se traissent vers Calais sur l'esté qui revenoit, que on conteroit l'an mil IIP et LIX, et que tout prest il seroient là payet de leurs gaiges. Ces nouvelles furent plaisant as barons d'Alemaigne. Sy se partirent pluiseurs d'AUemaigne, de le duché de Gueldre et de le duché de Julers et de le duché de Brabant, et s'en vinrent à Calais oîi il séjournèrent là à grant frès en atendant le passaige du roy de Engleterre.
