XVII. — FROISSART

Ô86 KDOUAUD 111

Ensy que je vous dy, tint le roy d'Engleterre tout l'ivier le siège devant Rains, et riens n'y conquist à le cité, mais sesgens destruisirent tout le plat pais d'environ, et n'y eurent pas, le siège pendant, toute leur aises, car il fist froit et lait et fortyvier. Sy leur morurent grant foison de chevaulx, et convenoit les variés aller en fouraige bien dix ou douze lieues loing, et telle fois estoit qu'il ne raportoient riens , et ossy à le fois estoient-il rencontrés, et y eurent la plus grant partie de l'ost moult de mésaises, dont le roy d'Engleterre estoit bien mérancolieux ; car on luy avoit donné à entendre au partir d'Angleterre que osy tost que il seroit devant Rains, que il n'y aroit point esté quinze jours que la chité se renderoit à luy, mais il n'en vit nulle apparanche.

Quant le mois de février fut entrés, ly sapins se commencha à raire, et le taraps à apaisier. Sus l'entrée du mois de march, ledit roy eult consail qu'il se deslogeroit et yroit plus avant en Franche et veoir le bon pais de Bourgongne ; car en leur ost il avoient grant défaulte de vivres. Sy se desloga ledit roy et toute son ost et se mist au chemin devers Châlon-en-Campaigne. Sy chevauchoient les Englès en belle ordonnanche et tout rengiet sycomme il se partirent de Calais, et costièrent Châlon, et ne se peult abstenir le mareschal de l'ost que il n'alast veoir as barières de Chalon quel gens d'armes il y avoit. Sy y trouvèrent monsigneur Hughe de Vianne et les aultres chevaliers campenois qui les rechurent, et là eult trait et escarmuchiet et navrés des uns et des aultres, et toute fois les Englès n'y conquirent riens. Sy s'en partirent et cheminèrent tant en celle Campaigne que il vinrent devant la chité de Troies. En che taraps trespassa en l'ost

KN BOURGOGNK. 587

du rôy d'Engleterre le conte de la Marche, connestable de l'ost, de laquelle mort le roy fa durement courouchiés. Puis vinrent devant Saint-Florentin, où messire Oudart de Renty estoit capitaine , et là eult grant assault et fort, et sy ariva toute l'ost; mais riens n'y firent. Puis s'en vint le roy logier à Méry-sur-Saine, et là se tint bien trois sepmaines ; car il estoit en traitiet devers les gens du duc de Bourgongne, afin que ils, ne ses gens n'entraissent point en Bourgongne. Son armée et luy estoient tout à leur aise ; car Jehan de Arleston, ung sien escuier, avoit pris la grosse chité de Flavegni , et avoit bien trouvé dedens des vins et des pourvéanches pour vivre toute l'ost ung mois. Et de là. vint le roy à Aguillons-sur- Sellettes, et ses gens couroient tous les jours en Bourgongne et jusques Ausoire, et destruisoient tout le pais. Tant allèrent chils traitieurs sur sau-conduit que le païs de Bourgongne fut rachetés à deux cens mille francs à paier dedens le Saint-Jehan-Baptiste qui devoit estre l'an mil IIP LX, et de che livrèrent-il bons ostaiges, et parmy tant le païs de Bourgongne demoura aseuré trois ans tant seullement.

Quant chils traitiet fut fait, le roy s'en retourna par devers Tonnoire et par devers Ausoire, et s'en revint [par] tout le païs aval Saine, et fist tant par ses journées que il vint devant Paris, et envoia des héraulx dedens Paris parler au duc de Norraendie et demander bataille, mais on ne l'acorda point ; car le duc ne le trouvoit point en son consail.

Che terme pendant que le roy d'Engleterre se tenolt devant Paris, messire Gautier de Mauny, et ses gens d'armes, s'en vint escarmuchier à la porte de Saint-Jaques