BATAILLE D AURAY

Messire Bertran de Claikin , qui moult amoit le dit messire Charles et le tenoit pour son seigneur et avoit toudis tenu, obéy à l'ordenanche du roy très-vollentiers et promist audit monsigneur Charles de Blois que il le serviroit très-vollentiers. Sy se départirent ensamble de Paris et chevauchèrent tant par leurs journées que il vinrent à Nantes en Bretaigne. Sy mandèrent partout chevaliers et escuiers où il les povoit avoir, en instanche que pour aller lever le siège de devant Auroy. Sy vinrent devers messire Charles pluiseurs hault barons et grant seigneurs de Bretaigne, de Franche et de Normendie, tant que ledit messire Charles eult bien sur les camps environ Nantes mille chevaliers. Messire Jehan de Monfort, qui se tenoit au siège devant Auroy, entendy que messire Charles de Blois estoit ensy fortefyés du costé de Franche ; sy envoia en Acquitaine ses lettres et ses messaigiers pour pryer as chevaliers et escuiers d'Engleterre qui là se tenoient, que il le volsissent venir servir et aydier à garder son droit contre son adversaire monsigneur Charles de Blois, qui avoit par pryère grant foison de barons de Franche. A che jour que les nouvelles vinrent en Acquitaine, estoient aulcun chevaliers et escuiers englès povre, et avoient tout despendu depuis le pais faite; sy désiroient à trouver les Franchois pour combatre et recouvrer du nouvel ou tout perdre. Sy se départirent d'Acquitaine plus de IIP lanches en instanche que pour servir monsigneur Jehan de Monfort, et tout Englès ; car bien savoient que le roy d'Engleterre leur sires avoit toudis esté de la partie dudit Jehan de Monfort. Tout prumièrement messire Jehan Cando y vint bien acompaigniés de chevaliers et d'escuiers et d'archiers. Sy i vinrent messire Robert Canolle en grant compaignie, ossy Hues de Cavrelée, messire Gautier Hués, messire Mahieu de Gournay, messire Jehan le Boursier, messire Simon Burlë et

pluiseurs aultres , et s'en vinrent tout au siège devant Auroy, et tous les jours leur croissoient gens. En la route monsigneur Charles de Blois estoient messire Bertran de Claikin, le conte d'Àuchoire, le conte de Joni, le viscontes de Rohem, messire Charles de Dignant, le sire de Lions, messire d'Ansenis, le sire de Malatrait, le sire d'Avaugor, le sire de Saint-Quintin, le sire de Lohéac, le sire de Gargoule, le sire du Pont et pluiseurs aultres, et tant que il estoient bien XVIIP lanches de très-bonnes gens, et le conte de Monfort en avoit bien XP lanches. Quant toute ces gens furent ensemble otant de l'une partie comme de l'autre, messire Charles de Blois qui volloit lever le siège de devant Auroy et chevaucher avant viers ses ennemis, se départi de la marche de Nantes où son mandement avoit esté fais, à ossy belle route de gens d'armes et ossy bien en point que on euist oncques mais veu en Bretaigne, et chevauchoient assés serrés les lanches contremont, que ch'estoit grant bieauté de les veoir. Ensy esploitèrent-il tant qu'il approchièrent le castiel d' Auroy, où le siège estoit des Englès et des Bretons.

Quant le conte de Monfort entendy que messire Charles de Blois et sa puissanche les avoit sy aprochiet que à une petite journée estoit, sy se consilla à monsigneur Jehan Cando et au seigneur de Clichon et as barons et chevaliers qui là estoient, comment il se poroient maintenir. Le conte fu adont consilliet que il se tirast sur les camps et fist traire toute ses gens et ne laissast [que les varies] pour garder son logis et presisent et avisaisent place et pièche de terre bonne pour combatre ; car briefment combatre les convenoit. Le conte crut che consail, et se partirent et vinrent sur ung samedy après boire et se mirent tous sur les camps et firent une monstre, et pooient estre environ IX" lanches et V" archiers et M hommes de piet parmy les pil-

DAUnAY. 4il

lars. Sy se ordonnèrent et se mirent en bon conroy en une bielle plache assés près d'Auroy et en jlieu pour bien veoir venir leurs ennemis.

Che samedy se partirent de la ville deDignant enBretaigne messire Charles deBlois et sa route et chevauchièrent vers Auroy et se vinrent logier as plains camps de haulte nonne à une petite lieuwe d'Auroy et de leurs ennemis. Ches nouvelles vinrent en l'ost de la route du conte de Monfort, que messire Charles de Blois et ses gens se logoient et n'estoit mies aparant qu'il se deuissent traire avant pour combatre. A che recors s'acordèrent assés li Bretons et ly Englès de leur costé , et s'en râlèrent en leur logis.

Che samedy au soir yssi hors de le fortresse d'Auroy le capitaine dudit lieu, ung moult gentil escuier, qui s'apelloit Henry de le Sautrelle, et vint veoir son seigneur en son logis. Monseigneur Charles de Blois le rechut joieusement et puis li demanda comment il se portoient. « En non Dieu « assés bien, et encorcs sommes-ncus là dedens grande- « ment renforchiés de vostre venue. » — Henry , dist « messire Charles , vous avés raison , et , se Dieu « plaist serés-vous délivrés et dességiés de tous poins. » — « Monsigneur, dist l'escnier , Dieu le doinst ! » Là furent en grantparolles ensamble, et puis retourna l'escuier en la plache , et messire Charles de Blois et ses gens se logèrent et aisièrent celle nuit de che qu'il eurent.

Quant che vint le dimanche au matin , le<iit messire Charles owit messe moult dévotement et se acumenia et canta-on pluiseurs messes en son host, et se acumenia qui dévotion en eust , et puis burent un cop et s'armèrent , et se tirèrent tout sur les camps au devant de leurs ennemis ossy serréement comme on povoit, les lanches contremont, grandes haches forgies à Paris et ailleurs pendant à leur costé, et s'en vinrent ensy tout à piet en une plache au

trait de trois arbalestres près de leurs ennemis, et se mirent en trois batailles moult bien ordonnées , de laquelle ordonnanche les chevaliers englès et bretons qui les veoient devant yauls et qui se congnisoient en telle chose , les prisoient moult. Sy ordonnèrent ossy trois batailles bien ordonnées selonc leur gens qu'il avoient, et se cuidèrent che jour toutes les deux parties bien combatre ; mais non firent, car là estoit le sire de Bieaunianoir, ung grant baron de Bretaigne. Chils sires de Bieaumanoir alla tant de l'un à l'autre che jour* portant paroUes pour traitier pais , que le journée se départy sans combat, et euist vollentiers veu qui ches parties se fuissent accordées , et proprement le conte de Monfort y estoit assés enclins , et mist che jour avant pluiseurs parchons tant à l'un comme à l'autre, desquelles nulle ne s'en fist, et se départirent sans pais et sans acord , et revint chascun en son logis pour revenir à l'endemaiu.

Che soir furent les Englès en grant prière envers monsigneur Jehan Candos que nullement il ne se volsist asentir que à l'enderaain on ne se combatesist, lequel en 'respondy bien à leur gré ; car il dist que par luy ne deraourra-il point. Cheste nuit passa, le lundy vint, cascuns s'arma, et se mirent à camps, ensy qu'il avoient esté le dimanche. Dont revint le sire de Bieaumanoir qui estoit party de messire Jehan Candos, et lors monta à cheval et vint au devant des nostres, et dist [Jehan Candos au] sire de Bieaumanoir : « Je vous dis que vous ne venés plus « avant, si chier que vous avés vostre vie ; car j'ay oït « jurer nos gens que, se il vous peuvent enclore entre « yauls, il vous ochiront. Dites à messire Charles de Blois « que nous ne voilons plus entendre à nuls traittiés, fors « à le bataille. » De cheste parolle fu le sire de Bieaumanoir moult courouchiés et n'osa aler plus avant, puisque

d'auray. 413

messire Jehan Candos luy avoit dit, et retourna sus frain et le dit à monsigrieur Charles et à messire Bertran de Claikin et as barons de Bretaigne qui respondirent : « Dieu en ait part ! Et ossy ne volons-nous et ne dési- « rons aultre chose que la bataille. »

Or vous parlerons de messire Jehan Candos quelle chose il fist au conte de Monfort. Quant il revint vers luy, pour tant que il veoit assés que le dit conte s'umilioit et [se] fust légièrement acordés à non combatre et à prendre les offres que le sire de Bieaumanoir luy avoit [faites, (et luy avoit] promis qu'il luy feroit avoir la moitié de Bretaigne tant qu'il viveroit et que se seur qui estoit en Engleterre à l'ostel du roy, aroit Jehan de Bretaigne à mariaige, l'aisnet fils de monsigneur Charles qui ossy estoit prisonniers en Engleterre, et raetteroit paine de le délivranche), il dist au conte , quant le conte ly demanda : « Candos, que dist « le sire de Biaumanoir ? » — « Sires, faites bonne chière, « et vous confortés et vos gens ossy ; car messire Charles « de Blois vous mande qu'il ne voelt entendre à nul trai- « tiet, mais vous voelt combatre, et dist que, s'il a le jour- « née d'uy, il demourra duc de Bretaigne à tous jours per- ' « sévéramment. » Ches paroUes enflammèrent grandement le dit conte, et dist : « Candos, Candos, il n'en yra « mie du tout à son gré, et nous nous combaterons ossy. »

Assés tost après ces parolles viut messire Jehan Candos à monsigneur Hues de Cavrelée , et ly dist : « Messire « Hues , tout considéré et avisé l'arroy et l'ordenanche « de nos ennemis , che seroit bon et pour nostre proufit « grandement que nous faisons une bataille de nos gens « sur elle , et ceste bataille reconforteroit les aultres, là « où elle les veroit ouvrir , ne branler. » — « Che soit « ou non de Dieu , dist messire Hues ; vous dites bien. » Là tirèrent-il de leur gens jusques à 111°' des mieulx

combatans par avis , et puis dist messire Jehan Candos à monsigneur Hues : « Je vous ordonne à gouverner ceste « bataille et à faire ensy que vous m'avés oy deviser. » Lors fu ledit messire Hues moult courouchiés, et respondy moult enflâmes d'aïr : « Sire, sire, en quel manière « n'avés-vous trouvé que je ne voelle osy bien faire mon « devoir de combatre avec les aultres que vous ou que « nuls qui chy soit ? » Dont respondy Candos moult débonnairement et dist : « Chertés, messire Hughes, je say bien « que vous estes ung des bons chevaliers des nostres et « avés toudis esté où que vous vous soies trouvet , et « par bonté je vous y ordonne. Sy vous prie que vous « y allés. » Nullement messire Hues ne s'y volt acorder. Dont messire Jehan Candos eult tel anuy que près il en larmoioit. Adont ly dist ensy, de quoy il desconfit par celle parolle ledit messire Hues : « Messire Hues , vous « savés que monsigneur le prinche de Galles nous a chy « envoiet, et estiés présent où il me cherga tout le fait « de celle besoigne , et vous et ly aultres ly euistes en « couvent que vous obéiriés du tout et fériés par mon « ordonnanche , et je voy que cheste ordonnanche nous « peult trop valloir. Sy vous prie que vous l'emprendés, « ou aultrement je le prenderay. » Lors s'umelia messire Hues et dist : « Certes , sire , vous dites voir, et je le « emprenderay ou non de Dieu et de saint Gorge, et m'en « acquiteray à mon léal pooir. » — « De tout che sui-ge sé- « gurs et chertains, » che respondy messire Jehan Candos. Adont se départy à toute sa bataille messire Hues de Cavrelée et se mist sus elle, ensy que ordonnanche se portoit , et messire Jehan Candos s'en vint delés le conte de Monfort.

Depuis n'y eult riens traittiet , ne parlât, mais entendy chascuns à faire che pour quoy il estoit là venus , et mirent

DAIJRAY. 41 S

ly barons et chevaliers de Bretaigne qui estoient d'un lés et d'autre les batailles des deux ducs l'une contre l'autre , car il en voloient là avoir une fin, auquel que che fust. Adont se fêrirent les batailles ensamble moult ordonnément, et estoit la bataille de monsigneur Bertran de Claikin et du conte d'Auchoire durement espesse, et ne povoient les Englès , ne les Bretons d'un lés entrer ens , et tenoient les lanches " elles gens d'armes et boutoient l'un contre l'autre et les asseoient l'un sur l'autre par avis là où il se pensoient le plus adamaigier, et furent grant tamps en cel estât. Messire Hues de Cavrelée qui estoit ordonnés ensy que vous savés pour aller sus costé et reconforter et mettre en aroy les plus foullés, s'en acquita soufRsamment ; car là où il veoit ses gens branler et ses batailles ouvrir , il se traioit celle part et les rafresquisoit de remettre sus, et quant il les avoit remis en bon estât, il s'en partoit et aloit autre part, et dient bien pour vérité chil qui là furent à le besoigne, que, seiln'euist esté et l'ordonnanche de monsigneur Jehan Candos, ly conte de Monfort et ses gens euissent perdu le journée ; mais il obtinrent la plache, et se combatirent là ly Englès et les Bretons d'un costé trèsvaillaument, car plus veoient de sancq, tant estoient-il plus resconfortés. Ossy firent les gens de messire Charles de Blois, et dient chil qui furent à le besoigne que on n' avoit veu en grant tamps gens faire otant d'armes qu'il firent là. Et là entendoit messire Jehan Candos qui estoit fors chevalier et rades, à gouverner ses gens et mettre avant par rayson , dont petit à petit il commenchèrent à gaigner terre et entrèrent ens es Franchois et Bretons de le partie de monsigneur Charles de Blois. Et quant il furent ens, les Franchois et Bretons avoient avoecq yauls apportet haches , dont il se cuidoient combatre , mais chil Englès par grant apertise d'armes leur tolirent et en y eurent plus

de cinq cens , et clie parfist la desconfiture ; car il ochioient les Franchois et les Bretons de leurs haches. Là furent mort les barons de Bretaigne avecques monsigneur Charles de Blois. Chy s'ensiévent les nons des seigneurs qui morurent en la bataille : le sire d'Ansenis , le sire d'Avaugor , le sire de Lohéach , le sire du Pont et pluiseurs aultres bons chevaliers et escuiers, et pris messire Bertran de Claikin et le sire de Lion, le conte d'Auchoire, le conte de Joni, le visconte de Rohem et moult d'autres. Et dura la chache huit heures jusques ens es portes de la chité de Rennes ; car ly Englès montèrent à cheval , qui les poursiévirent jusques au vespre , et là eult messire Jehan Candos par l'aide de ses gens pour trois mille frans de bons prisonniers ; car il eult messire Bertran de Claikin , le conte d'Auchoire , le conte de Joni et plus de quarante chevaliers. Ceste belle aventure avint au conte Jehan de Monfort en Bretaigne assés pries du castiel d'Auroy en Tan de grâce mil IIP LXIIII le lundy devant le saint Mikiel.

Après ceste bataille et le camp délivré, le conte de Monfort estant sur le plache dist ensy, quant il se fu ung petit rafreschy de boire : « Je voel aller veoir mon cousin « messire Charles de Blois ; » car on luy avoit jà dit qu'il estoit ochis, Sy s'en ala celle part, et pluiseurs chevaliers en sa compaignie. Quant il vint sur le lieu où il gisoit mort, sy se abaissa sur soy taat que bien il peult [le] congnoistre et veoir. Lors commença le conte à larmoier et dist ensy : « Élas, messire Charles, messire Charles, biauls cousin , u comme par vostre opinion maintenir sont advenu de « grans maulx en Bretaigne ! Che poise moy, se Dieu m'ait, « que je vous voy en che point. » Adont le retira arière messire Jehan Candos qui ly dist : « Monsigneur, sans le « mort de chestuy ne poviés-vous parfaitement venir à « l'hiretaige de Bretaigne. »

d'auray. 417

Adont se partirent les dis seigneurs et se retrairent devers une haie et là se logèrent tout du lonc, et mirent en ung buisson le banière souveraine de Bretaigne que le conte de Monfort portoit, et ossy fist tout son vivant messire Charles de Blois. Et là se ralièrent chil qui revenoient de la chasse et qui avoient poursiévj leurs ennemis, sycomme dist est, et par espécial messire Olivier de Clichon les avoit tant poursiêvys que à paines s'en estoit-il peut partir, et voelt-on dire que en chest jour de se propre main il en ochist et abaty plus de soixante. Là fu ordonnet que on enporteroit , ensy que on fist , monsigneur Charles de Blois à Ghinghant pour le mettre en sainte terre. Sy y fu rais et ensevelis, et depuis il y fist pluiseurs biaulx miracles, et est canonisyet, et cante-on de luy ensy que d'un martir; car il morut vaillaument en défendant et gardant son hiretaige.

Che soir se tinrent les Englès et les Bretons sur le camp où la bataille avoit esté pour ce jour, pour le garder ensy que usaiges est, et l'endemain il s'en alèrent devers Auroy. Chil de la garnison entendirent que la desconfiture avoit esté sur leur gens et que monsigneur Charles de Blois, de qui il tenoient la fortresse, estoit mors, et toute la fleur de Bretaigne de son costé mors et pris , et que leur capitaijie Henry de le Saulterelle estoit mors à le besoigne, et plus de quarante de leurs compaignons : sy n'eurent pas conseil, ne volonté d'iauls tenir longement, mais se rendirent, sauve leur vie et leur biens. Ensy eult [le conte de Monfort] en che tamps le fort chastiel de Auroy en Bretaigne, et en prist le saisine et [i] mist garnison de bonnes gens, et puis se desloga et s'en alla devant la chité de Camper-Corentin.

Vous dpvés bien savoir que ches nouvelles de la mort monsigneur Charles de Blois s'espardirent en pluiseurs FROISSART. — xvn. 27

418 BATAILLE d'aURAY.

lieues et de le belle journée que le conte de Monfort avoit obtenue devant Auroy. Le femme de monsigneur Charles de Blois, qui pour che tamps se tenoit à Nantes , fii moult desconfortée et esbahie : ce fu raison ; car elle veoit son seigneur mort et ses deux enfans prisonniers en Engleterre, Sy escripsy devers le duc d'Angho , qui avoit sa fille espousëe , que il luy pleusist à venir en Bretaigne pour aidier à garder son hiretaige. Le duc d'Angho qui envis Teuist laissiet, obéy à le prière de le dame, et avoit intention de combatre de rechief le conte de Monfort et sa puissance, et s'en vint le conte d'Ango à Angiers et là fist son mandement de gens d'armes,

Ches nouvelles vinrent on Engleterre de la belle journée dessus dite , et vinrent sy à point que le roy d'Engleterre et ses trois fils le duc de Clarenche, le duc de Lenclastre, le conte de Canterbruge estoient ordonnés pour festier le conte Loys de Flandres qui là estoit arivés pour le cause de ung mariage aidier à parfaire, qui estoit commenchiet entre monsigneur Aimmon, conte de Cantbruge, et le fille du conte de Flandres. Sy devés savoir que les seigneurs furent moult joieulx de celle journée qui avenue estoit à monsigneur Jehan de Monfort, car le roy d'Engleterre avoit tondis fait partie pour lui , et sy avoit eut en mariaige se fille ; et [ossy] le conte de Flandres pour tant que le conte de Monfort estoit son cousin germain. Sy fu entre yauls ly bien venus cheluy qui le créanche en aporta : che fu ung varlet (|ui grant tamps avoit poursiévit armes. Se le fist le roy d'Engleterre hirault, et luy donna-on le non : Windesore.

Quant le conte de Flandres se fu esbatus à Douvres environ huit jours delés le roy d'Engleterre et ses enfans et aulcuns haulx barons d'Engleterre qui là estoient venu pour luy conjoïr et festier, il rapassa la mer et retourna à Calais , le duc de Lenclastre et le conte de Cantbruge en