EN PICARDIE ET EN NORMANDIE
gheville qui le tamps devant avoit esté sénescal de Pontieu de par le roy d'Engleterre, et avoit esté pris dudit messire Hues et renchonué à dix mille frans, Sy ly requéy là es mains le dit messire Hues, et fu ses prisonniers, et l'enmena avecques hiy, de quoy le duc de Lanclastre et tous les Englès lurent joieulx. Sy rapassèrent ly Englès à la Blanche-Taque et retournèrent à Calais environ le Saint- Martin en yvier. Sy retournèrent tous les estraigniers, et le duc de Lenclastre et ses gens retournèrent en Engleterre, et me fut adont dit que le roy d'Engleterre fut moult courouchiés à son fils le duc de Lanclastre, de che qu'il n'avoit aultrement chevauchiet en Franche et de che ossy qu'il n'avoit creu la paroUe de messire Gautier de Mauny à Tournehera.
Nous parlerons des besoignes et advenues de Poito et de Saintonge, où les fais d'armes estoient plus notables et plus souvent y avenoient que ailleurs sans comparisons. [Or conterons] une adventure qui advint à messire Jehan Candos, qui ly fu, tant qu'en fait d'armes, assés mervilleuse. En che tamps qu'il estoit sénescal de Poito, avoit ung moine en une abéie entre Poitiers et Chauvegni, que on dist Saint-Salvin. Chils moisnes trahy son abbet et son couvent, et rendy le fort as Francliois et par espécial à messire Loys de Saint-Julien. Geste prise et ceste trayson de Saint- Salvin despleut trop grandement à monsigneur Jehan Gandos, et mist par pluiseurs fois toutes ses ententes comment il le peuist ravoir sur les Franchois, fust par esquelles ou aultrement. Et avint que le nuit devant le nuit de l'an mil nr LXIX, messire Jehan Gandos se party de Poitiers atout grant foison de gens d armes, et s'en vint vers Saint- Salvin et le cuida bien ravoir, et l'euwist eult par esquellement ; mais, ensy que ses gens à toutes leurs esquelles
estoient eus es fossés, on corna ; car d'autre part entroit en le ville Caruels, bretons, capitaine de la Roche-de-Ponsoy à XL lanches, et venoient quérir ledit messire Lois pour aler en Poito. Quant messire Jehan Candos et ses gens oïrent l'effroy et le gait, sy se doiibtèrent qu'il ne fussent apercheu et virent bien qu'il avoient failly à leur entente, et se retrairent tout bellement , et donna le dit messire Jehan Candos congiet as signeurs de Poito, et se départirent ly uns de l'autre.
Sy s'en vint le dit messire Jehan à Chauvegni, et n'avoit pas intention de chevauchier plus celle nuit, ne l'endemain, et jà avoit pris congiet à luy messire Thomas de Persy, et avoit passé la rivière de Cruesse au pont à Chauvegni, et chevauçoit environ à XX lanches sus l'espoir que de trouver aventure .
Un petit devant l'aube du jour vint un varlet à messire Jehan Candos à Chauvegni, là où il se caufoit, et ly dist les nouvelles que ly Franchois estoient sus les camps. Messire Jehan Candos, par samblant, n'en lîst conte, et quant il eut penset une espasse, il monta à cheval et fist monter ses gens, et se party de Chauvegni et prist le chemin de Poitiers, et n'eult pas chevauchiet une lieue, quant il entra ou train des Franchois. Voir est que ly François estoient environ C lanches et chevauçoient, syque, quant il fu jour, d'autre part la rivière de Cruesse il veirent chevauchier messire Thomas Persy, qui ossy les avoit percheus. Sy se hastoit cascuns li uns pour l'autre de prendre l'avantaige du pont de Lusach. Toutesfois les Englès de la route de messire Thomas y furent prumiers et ne savoient riens de messire Jehan Candos, que fust par delà en poursiévant les Franchois. Ledit messire Jehan Candos et se route avallèrent une montaigne à l'entrée du pont. Sitost que les Franchois veirent monsigneur Jehan Candos, il furent tousefFraés
