LE SIRE DE COUCY EN ITALIE

lanches de Poitiers vinrent celle part (car il avoient oit dire que les Franchois chevaiichoient et que on en oroit nouvelle devers le pont à Leusach). Sy y vinrent là sy à point que il trouvèrent les Englès ou party que je vous dy. Si trestost qu'il furent venus jusques à yauls, les Franchois furent descoufis ; car le milleur parchon n'estoit pas pour eulx, et furent tout ly prisonniers rescous, che fu raison. Et quant il trouvèrent messire Jehan Candos en chel estât, sy furent moult courouchiës, car moult l'amoient. Sy fut mis en une litière et aporté moult douchement de ses gens à Mortemer en Poito, le plus prochaine fortresse, et de là s'en retournèrent dolant et courouchiës. Ly barons et chevaliers de Poito alèrent à Poitiers et y menèrent leur prisonniers. Sy morut de ceste navrure ledit messire Jehan Candos, et fu plains et regretté et plouré de tous chiauls de son costé, et les Franchois en furent tous joieulx.

Après la mort de monsigneur Jehan Candos fu sënescal de Poito messire Thomas de Persy, et le terre de Saint- Sauveur resquëy, et le viscontë , au roy d'Engleterre. Sy le donna le dit roy à monsigneur Alain de Boukeselle, ung sien chevalier, lequel en vint tantost prendre saisine.

En che tamps se party de Franche et de son pais le gentil sire de Couchy par l'acort et congiet du roy de Franche ; car bonnement à son honneur il n'y povoit plus demorer , quant il avoit la fille au roy d'Engleterre. Sy s'en alla en Savoie, et puis en Lombardie, et puis fu saudoier au pappe contre les signeurs de Mellan,- et fu ensy waucrant hors de son pais cinq ans , et madame sa femme se tenoit en se terre et faisoit ses finanches.