PÈLERINAGE DE LEMPEREUR

mont et de Chimay, et de madame Marie sa femme, fille au conte Guillame de Namur, et en fa la solempnité du baptême moult grande et très-haulte en la ville de Bieauraont en Haynau, et y eult moult de noblesse.

En che tamps prist en dévotion à monsigneur Charles de Behaigne de venir en pellerinage à Saint-Mor-des- Fossés ; car ledit messire Charles, empereur de Romme, estoit moult batus et moult grevés de goûtes. Sy se ordonna seloncq che pour venir en Franche, et enmena avecques luy le roy d'Allemaigne son fils qui prouveus estoit, apriès le trespas de son père, par l'acord et consentement de tous les esliseurs et barons de l'Empire, de obtenir l'iretaige et les droitures de l'Empire, et ly avoient tout, parsongrant fait etpourcach, séellé. Sy s'avanchèrent tant l'empereur et son fils qu'il vinrent en la ville de Brouselles, oîi il furent du duc Winchelan de Brabant et de Luxembourg honnourablement recheu, qui frère estoit à l'empereur, et de madame la duchesse de Brabant [osy] grandement bien recheu et conjoy, et toutes leurs gens, et furent là ung mois ou environ, et puis s'en partirent et passèrent parmy Haynau et furent au Quesnoit veoir les enfans de monsigneur le duc Aubert. Depuis vint l'empereur à Cambray, et là tint sa feste du Noël ens ou palais de révesque, et fu en la chité de Cambray onze jours, et puis s'en party et prist le chemin de Saint-Quentin. Sy vinrent contre luy de par le roy de Franche le conte de Sallebruck, le sire de Couchy et le sire de la Rivière , qui ly tinrent compaignie toudis, et partout où l'empereur et ses gens aloient, il estoient desfraiet, et envoia le roy grant noblesche contre son oncle l'empereur jusques à la chité de Senlis. Sy fu ledit empereur du roy de Franche et de ses