DES MAISONS DE BOURGOGNE ET DE HAINAUT

à non Jehan et estoit nés de Brouxelles. Là ot au palais au disner très-grant noblèce, et sist li rois de France à table , li doy mariet et les deus mariées ; et tout li ^ultre signeur servoient sus haulx destriers , et aséoit à table ^ li connestables de France, et li amiraulx de France et messires Guis de la Trémoulle et messires Guillaumes de Namur sen^oient, et pluiseur autre hault baron de France. Onques en Cambray n'ot puis V chens ans si haute solempnité, ne si renommée comme il ot en ces jours dont je parolle.

Après ce noble et haut disner fait , grant fuisson de signeurs et de chevaliers furent armet et * aparilliet pour le jouste, et joustèrent sus le marché , et y avoit XL chevaliers de dedens, et jousta li rois Charles de France à un chevalier de Haynnau qui sappelloit messires NicoUes d'Espinoit, et furent ces joustes très-belles et très-bien joustées et continuées , et en ot le pris uns jones chevaliers de Haynnau , qui s appelloit Jehans , sires de Donstienne dalés Biaumont en Haynnau , et jousta li chevaliers au plaisir des signeurs et des dames très-bien, et y ot pour le pris un fermail d or à pières précieuses que madame de Bourgongne prist en sa poitrine, et ly présentèrent li amiraulx de France et messires Guis de la Trémoulle. Si se continua toute la sephiainne en ^ grant reviel, et se continuèrent les festes *, et le venredy après disner on prist congiet au roy, et li. rois as signeurs et as dames, et se départy de Cambray. Ossi fissent tout li duc et lesducoises. Sy enmena vers Arras madame de Bourgongne Marguerite de Haynnau sa fille , et madame de Haynnau enmena au Quesnoy Marguerite de Bourgongne. Enssi se persévérèrent ces besongnes *.

* Les mets. — • Bien. — • * Tous esbattemens , festes , danses et carolles. — * D*un costé et d*autre.