LOUIS DE BLOIS ÉPOUSE MARIE DE BERRY
En celle saison fu ossi fais et traitiés li mariages de Lois de Blois , fils au conte Guy de Blois , et de madame Marie de Berry , fille au duc Jehan de Berry , et environ le mois de may sen alèrent li contes de Blois et madame de Blois , sa femme, en la ducé de Berry, et enmenèrent Loïs, leur fil, bien acompaigniet de grant fuisson de signeurs, * de dames et de damoiselles , et vinrent à Bourges en Berry , où li dus et la duçoise estoient , qui là les atendoient et qui très-poissaument les requellièrent *, conjoïrent et festyèrent, et toute leur compaignie. Si furent là confermées les convenenches des fianchaiHes, et les fiança li arcevesques de Bourges , et là ot grant fuisson de signeurs , et n espousèrent pas lors ; car li fils et la fille estoient ^ pour le tamps moult jone , mais li convenances dou persévérer avant ou mariage furent prisses , présens pluiseurs haulx barons et chevaliers ; et y ot à ches fianchaiHes grans festes de disners, de soupers, de danses, de caroUes, et puis sen retournèrent li contes et la contesse à Blois et leur fils arrière en la conté de Blois , et là se tinrent , et la fille demora dalés sa dame de mère en Berry en un très-bel castiel ^ dalés ^ Bourges que, on dist Meung-sus-Ièvre.
En che tamps se départy li ^ dus de Berri pour aler en Auvergne et eil la Langhe d'Oc et jusques en Avignon veoir le pappe Clément, et estoit ordonné en devant que li dus de Bourbon et li contes de la Marche , à tout II mille hommes d armes , s en yroient en Limosin et déliveroient le païs des Englois et des larons , qui pilloient et roboient ^
* De chevaliers. — • Grandement. — * Encore. — *-• Non loing de. — • Riche. — ' A tous costés.
le païs ; car en Poito avoient encore aucuns fors, et en Saintonge , qui y faissoient moult de damage , dont les plaintes en estoient venues au duc de Berri , liquels dus y voloit remédyer, et avoit pryet au duc de Bourbon, son cousin, par espécial , que la garnisson de Bretuel , luy venut en Saintonge et en Limosin , il ne déportast nullement que elle ne fust conquise , car c^estoit li fors qui plus donnoit à faire et à souffrir au païs , et li dus de Bourbon li avoit en convenant \ Si avoit fait son mandement à Moulins en Auvergne à estre le premier jour de juing , et là se traioient et sus le païs en alant vers Limoges toutes gens d armes. Et avoit pour le tamps li dus de Bourbon dalés luy un escuier , gentil homme et gracieux et vaillant homme * durement ^, qui s appelloit Jehan ^ Bonne-Lance ^, maistre et cappitaine de ses gens d armes , et certes li escuiers le valoit bien que il le fust. Sy faissoit li contes de la Marce , qui devoit estre en ceste chevauchie et compains au duc de Bourbon , son mandement en la citté de Tours.
En celle saison sen vinrent à FEscluse en Flandres toutes ^ gens d armes qui estoient escript , ordonné et passé et monstre pour aler oultre en Escoce en la compaignie de monsigneur Jehan de Viane , amiral de France , ef en devoit mener ^ M lanches , chevaliers et escuiers , et croy bien que tout y furent , car il y aloient de si très-grant volenté , que tels nestoit mies pryés , ne mandés, qui, pour son avanchement , se metoit en la route de Tamiral et ou voiage. Et estoit la navie toute apparillie à TEscluse , et les
• Que ensi feroit-il. — •* A merveille. ~ *-• Bonne-Banque. — • Manières de. — ' Avec lui.
