COMPLOT DE

autre. Sus cel estât et * ordonnance * il mist III embusques sus , et convénoit que messires Bernabo passast dou mains parmy lune des embusques. Il estoit ordonné dou prendre vif et non pas tuer, se il ne se mettoit trop grandement à deffence.

Enssi que messires Bernabo chevauchoit de ville à autre, qui nullement n*y pensoit et qui tous aseurés quidoit estre, ne de son nepveu nulle doubte il ne faissoit , evous qu il s'embat sus lune de ces embusques , laquelle se ouvry tantos sour luy, et vinrent sour luy en brochant des esporons et les lances abaissies. Là ot un chevalier alemant qui estoit à messire Bernabo, et ly dist : « Sire , sauvés- « vous ! je vois sur vous venir gens de très-mauvais con- « venant, et sont de par vostre nepveu messire Galéas. » Messires Bernabo respondy que il ne se saroit où sauver, se on avoit aucune maie volenté sur luy , et que il ne quidoit en riens avoir fourfait à son nepveu, pour quoy il le convenist fuir. Et toudis cil de Tembusque aprochoient et venoient au plus droit que il pooient en fendant parmy les camps sus messire Bernabo. Là 'ot^ un chevalier d'Alemaigne : homs d onneur estoit et chevaliers dou corps à messire Bernabo. Quant il vei aprochier ceux qui venoient sus son maistre et signeur (il portoit lespée à messire Bernabo devant luy) , tantos il le traist hors dou fouriel et le mist ou poing de messire Bernabo. Tout che ly veirent faire , cil qui venoient pour luy prendre ; et puis traist li chevaliers son espée comme vaillans homs pour ly mettre à deffense. Che ne ly vally noient , car tantos il fu environnés, et messire Bernabo ossi, et h\ fu li chevaliers ochis pour tant que il avoit fait commonchement et samblant

«-• Et advis. — *-• Ce.