POUR LE MARIAGE DE CHARLES VI

(( de chy , et si y a trop grant regard à faire une roine et « femme d un roy. Si seroie trop ^ courouchiés *, se on avoit « mené en France ma fille, et puis elle me fust renvoyé ; je « ay assés plus chier que je le marie à mon aisse dalés moy. »

Che fu la response que li dus Estiévènes avoit donné à son frère, de quoy li dus Fédris s'en contentoit assés , et en avoit escript auques sus celle fourme as oncles dou roy , à son oncle le duc Aubert et à madame de Braibant, as quels il en avoit parlé à son retour, et quidoit bien que on euist mis en noncalloir toutes ces coses, et ossi on parloit dou mariage dou roy ailleurs , et se fust assés tos li rois accordés à la fille dou duc de Loeraine , car elle estoit moult belle damoiselle et de son eage ou assés priés et de grant et noble génération de ceux de Blois , et ossi parlé fu de la fille dou duc de Lancastre, qui puis fu roine de Portingal , mais on n'y pooit trouver nul bon moyen pour leur guerre : si convint la cose ^ demoror.

Or remist sus la ducoise de Braibant, quant elle fu à Cambray as mariages dessus dis de Bourgongne et de Haynnau , et li rois de France et si doy oncle y furent, li dus de Bourgongne et li dus de Bourbon , le mariage de Bavière , et dist bien que cestoit le plus proufitable et le plus honnerable, pour la cause des aliances qui en pooient descendre et venir des Allemans, que elle seuist à présent pour le roy. « Voire , dame , respondirent li « oncle dou rov, mais nous nen oons nulles nou\-elles. » — « Or vous taissiés , dist la ducoise , je le feray traire « avant, et en orés nouvelles en cel esté sans nulle faute. » Les promesses de la ducoise furent avéries, car elle fist tant que li dus Fédris, ses oncles, * en flna * à son frère le

Dosplaisant. — " Ainsi, — *■ S'arorda.