NÉGOCIATIONS

duc Estiévène de lamener, sicom vous ces et orés enssievant, et dissoient sus leur chemin que il aloient en pèlerinage à Saint-Jehan-d'Amiens : toutes gens le supposoient ensi , car Alemant vont volentiers en pèlerinage , et Font eu et le tiennent d usage.

Quant li dus Fédris et sa cousine madamoiselle Yzabel de Baivière orent esté à Brouxelles III jours dalés la ducoise , il s en partirent et prissent congiet ; mais che fu bien li intention de le ducoise(et leur promist à leur département) que elle seroit ossi tos à Amiens comme eux ou devant, et que elle y voloit aler en pèlerinage : sus cel estât faisoitelle ordonner ses besongnes. Or vinrent li dus Fédris et sa cousine en Haynnau et droitement au Quesnoy où il trouvèrent le duc et la ducoise et Guillaume de Haynnau qui se nommoit et escripsoit contes d'Ostrevant , et madame sa femme , fille au duc de Bourgongne , liquel et lesquelles rechurent liement et doucement le duc Fédri de Baivière ; ^car li dus Aubers en estoit oncles, et de leur coi sine ossy*. « Et comment en avés-vous finet de l'amener? » d( mandèrent li dus Aubers et sa femme , car bien savoien que leurs cousins li dus Estiévènes pour les incidensses cessus dites y avoit esté grandement rebelles. « Je le vous diray \ « respondy li dus Fédris, j'en ay eu moult d^ paine, et « toutesfois j'ay tant mené et tané mon frère qi e je l'ay en « ma compaignie. Mais, au congiet prendre, après che que il « ot baissié sa fille, il m'apella ^ d'un lés * et me dist enssi : « Or, Fédri, biau frère, vous enmenés Ysabiel, ma fille, et « sans nul seur estât; car, se li rois de France ne le voelt.

*-* Car le duc moult en estoit joyoulx ; et moult s'esmerveillérent comment ils estoient venus ainsi , et lui demandèrent lu manière. — '* A part.