POUR LE MARIAGE DE CHARLES YI

« elle sera virgondée à tous les jours quelle vivera. Sy « vous avisés bien au partir , car, se vous le me ramenés, « vous n ares pleur ennemy de moy. Or regardés dont , « biaux oncles, et vous, belle ante, en quel party je me suy H mis pour 4'avancement de ma cousine. » Dont respondy la ducoise : « Biaux cousins, n en faites nulle doute , Dieux y « ouvera, 41e sera roine de France : sy serés quites de ces « manaces et ares le gret et Tamour de vostre frère. )^

Enssi se tinrent au Quesnoy en Haynnau li dus Fédris et sa cousine dalés leur oncle et la ducoise et leurs enffans bien III sepmaines , et endotrinoit la ducoise qui fu moult sage, tous les jovrs en manières et en contenances le jone fille de Baivière , «[uoique de sa nature elle estoit propre et pourveue de seis et de doctrine, mais point de françois elle ne savoit. La ducoise Marguerite de Haynnau ne laissa mies sa cousine en labit, ne en larroy où elle estoit venue, car il estoit troj simples selonc lestât de France ; mais le fist parer , vestir et ordonner de toutes coses ossi richement et grandemert que dont que ce fust sa fille. Et quant tout fu acoraply et li jours vint que on deut partir , la ducoise et elle et sa fille de Bourgongne en grant arroy se départirent dou Kesnoy et prissent le chemin de Cambray , et esploitièrent tant li dus Aubers , li dus Fédris , Guillaumes de Haynnau et leur compaignie , que il vinrent à Amiens. Jà y estoit venue par un autre chemin la ducoise de Braibant ; ossi estoient li rois , li dus de Bourgongne et la ducoise de Bourgongne et li consaulx dou roy, li sires de la Rivière et messires Guis de la TrémouUe. Baron, chevalier et escuier yssirent hors de la citté d'Amiens contre la venue de la ducoise de Haynnau et la convolèrent jusques à son hostel.

* Le biea et.