ENTRÉE A GAND

mention ; mais d'argent, ne d'or monnoyé ne leur rendirent point. Et estant monseigneur et madame dedens Gand , comme dit est , ceulx de Gand firent pluiseurs requestes et supplications à monseigneur et madame , auxquels mon dit seigneur faisoit gracieuses et amiables responses, en disant : a Beaux seigneurs , nous nous conseillerons et vous en « responderons tellement qu'il vous devra souffire , car a nous vous voulons tenir du tout en vos loix , franchises , « usages , coustumes et libertés. » Quant ceulx de Gand entendirent et veirent la bonne-voeuUe et amour que monseigneur leur monstroit , et les amiables et doulces paroUes qu'il leur disoit , il furent très-content de luy , et le remercièrent moult humblement aussi de ce qu'il s'estoit tant humiliet que de estre venu en la ville de Gand. Et monseigneur leur dist : a Vous nous avés très-bien receu. « Nous commandons et ordonnons que fachiés justice et « raison à ung chacun ; nous vous avons ordonné ung « bailli , lequel fera justice et raison aussi bien au petit « que au gisant. Nous avons voulenté d'aler veoir nostre « ville de FEscluse ; soyés-nous bons et loyaulx subgects, et « nous vous serons bon seigneur. » Et l'endemain , monseigneur , madame et madame de Nevers se partirent de Gand et s'en allèrent à Ardembourg faire leur pèlerinage et dévotion à Nostre-Dame d' Ardembourg , et y firent leurs ofirandes monseigneur , madame et madame de Nevers , et aussi firent pluiseurs chevaliers et escuiers de la compaignie. Et disna monseigneur et les dames en la ville. On leur fist de par la ville de beaulx présens. Après disner, monseigneur et les dames se partirent d'Ardembourg et s'en alèrent à FEscluse , où il furent très-bien receus, et leur fist-on trèsgi'ande obéissance et honneur, et de beaulx dons et présens à mon dit seigneur et à mes dames. Après que monseigneur

et madame de Bourgongne eurent séjourné à TEscluse trois jours , il se partirent et vindrent au giste à Bruges sur le tart, et jamais Ion ne veist plus belle alumerie que ceulx de Bruges firent à la venue et entrée de monseigneur et de madame de Bourgongne en la dicte ville ^

* Le ms. 677 de Cambray, auquel nous empruntons ce chapitre inédit, se termine par cette phrase : « Je laisserai le duc et la duchesse de Bourgongne , conte et contesse de Flandres , en leur ville de Bruges, ensamble madame de Nevers , leur belle-fille , et feray fin à ce présent livre des guerres de Gand. »