CHAPITRE VIII. 4M

Chevalier à droit eslëu doit estre de très noble et france condition. Laquelle francise est de grant excellence et recommandation, qui bien la scet conduire, comme dessus est touchié. Et à en parler selon nostre langue, la personne france en soy ne poeult souffrir ne endurer servage. Et selon la parole de pluseurs philosophes, ilz sont deux manières de serfz l. C'est assavoir les uns par nature et les aultres par la loy. Et, pour entendre, les serfz ou serf 2 par nature sont ceulx en qui deffault sens, bonté et raison, et telz gens doivent estre gouvernés et conduis par les vertueux, sages et prudens. Et ceste chose se poeult prouver par l'àme qui de raison doit gouverner le corps, laquelle est perpétuele comme chascun scet, et le corps, vicieux et périssable, doit obéir à 1 ame. Et quant les choses vont selon raison 3, vertu doit précéder 4 et avoir auctorité et povoir sur les vices. Et les serfz ou serf par loy 5 sont ceulx qui sont prins et vaincus es batailles, car les vaincqueurs povoient tenir ceulx qu'ilz avoient vaincus en perpétuele servitude. Pour quoy francise, de sa condition, craint et het servitude, honte et vergongne, couardise et lâcheté de corps et toutes reproches, et par espécial d'estre serf selon la loy, car noble chevalier doit plus vouloir estre detrenchié ou souffrir mort que, par la lâcheté de corps, 6 son prince ou pays rechoive honte, déshonneur ou destruction, ne que la7

1 Fiefs (H).

2 Les folz (H).

3 Par raison (C).

* Procéder (C).

3 Et les serfz par la loy (H).

6 De son corps (C, D, E, F).

7 Que sa (H).

412 l'instruction.

personne vive en reproche de malvaise renommée ne aussi au servage de son ennemy.

Ancores, francise, de sa condition, est large et libérale, et aime honneur, et par dessus toutes choses elle het orguilleux, 1 félons, convoiteus et flateurs, et ne poeut endurer ne souffrir leurs conduites, malices ne faintes manières ; mais, de sa nature, elle espargne les foibles, povres te petis 2, et en a pitié, et aime la chose publique. Et, à l'occasion de francise, chevaliers, à cause de leur ordre, sont tenus, à leur povoir, de garder dames, vesves et orphenins, les petis, povres et innocens 3, de l'outrage, force et violence des fors, cruelz et malicieux, comme dessus est dit.

Vérité est que l'ordre de chevalerie a esté mieulx entendue et mise en ordonnance depuis ladvénement de Nostre Seigneur Jhesucrist que par avant. Car nostre bon créateur, en remoustrant et preschant la foy, donna entre aultres grant loenge au chevalier nommé centurion quant il dist qu'il avoit trouvé plus de foy en luy que en tous ceulx d'Israël, comme l'en poeut vëoir en TEuvangile, et il n'en moustra pas 4 moins quant il voult que Joseph d'Arimathie ot la grâce de le desclauer 5 de la croix et poser son précieux corps en son sépulcre, où, de son humilité, voult reposer 6. Lequel Joseph, selon l'opinion des docteurs, estoit de l'ordre et compaignie des chevaliers.

Et après que sainte cristienté est crëue et exauchée,

* Orgueilleux et (H).

2 Povres et innocens (H).

3 Les cinq derniers mots qui précédent sont omis dans l'imprimé.

* Point (C, E).

5 Desclouer (C).

* Les six derniers mots qui précèdent sont omis dans le ms. D.